شخباركن خواتي وعلومكن من زمان مادخلت المنتدى
المهم بدخل فالموضوع بنتي الله يخليها لي ويحفظها ويحفظ عيالكم.. عطيتها حليب بيبيلاك وشربته الحمدلله في مرضعة تومي تيبي بس من كملت 3 شهور من أسبوعين تقريبا زدت لها الكميه اللي حق 3 شهور ورضعت شوي من هالكميه. مابحط ف ذمتي بس عمي أبو ريلي من يشوفها ترضع المرضعه اذا أكون يالسه فالصاله دوم يتنقد ليش مرضعتها كبيره وليش مادري شو. ومن اخر مره قال جي بنتي ما اطيع ترضع المرضعه وادزها بلسانه. بعد برد اقول ماريد أظلم عمي انه حسدها. بس اقول يمكن .مب عايبنها الحليب وأفكر اغيره ل سيميلاك حليب ابتاميل جربته حق وماشربته خير شر يوم عمرها شهرين،
تنصحوني ب حليب سيميلاك. وبعد شو رأيكم ف مرضعه شيكو أو دكتور براون المرضعات الثانيه ماتقبلتها
ومشكورين
لكن بالنسبة للحليب بنتي بعد فترة كرهته جربت انواع كثيره سببت لها اسهال
وبعد البحث استقريت على نان خفيف وحبته وايد
الي صار لج ..صار لبنتي يوم كان عمرها 8شهور …
سالفتي حرمه من العايله سالت أي حليب اعطي بنتي ..وانا ع نيتي قلتلها اسمه ..
بنفس اليوم فليل تصييح البنت بشده خذتها .
ثاني يوم تصيح تصارخ ماتبه الحليب ..
(( خذت قوطي يديد ومرضعه يديده ..)) وخذتها الحمدلله ..
طبببعا يتها عين عالحليب مع اني قلت للحرمه ان بنتي بس تشرب فليل قبل ماتنام مره فاليوم
وهيه تبارك الرحمن ولدها صغير وهيه تشتغل يعني طول يومه يشرب حليب صناعي …
((( تحذري ترضعين البنت جدام حد من الاهل ..سواء اهلج او اهل ريلج بنات او شباب او شواب …واذا مطره خذي لحاف للمرضعه )))
والله يكون فالعووون