بنتي واللوز والمضاد 2024.

سلام عليكم ورحمة الله
بنات بنتي الله يسلمكم عمرها سنه ونص تقريبا من 3ايام فيها حما كلها أعطيها أدول وتخف وترجع ترتفع وديتها للطبيب قال عطيها أدول واذا ما خفت لازم مضاد وكتبلها مضاد بس أنا محتارة أعطيها ولا للعلم جسمها ضعيف وزنها 9 كيلو وبعدي ارضعها هل أعطيها مضاد ولا أختي تنصحني لا تعطيها اونه خلي الجسم يقاوم وأبوها يقول عطيها اليوم اذا ما خفت

انا ما اعطي بنتي مضاد و اذا الحمى كملت لاكثر من 5 ايام اوديها حق التحليل ..
يمكن يكون في فايروس و لا التهاب و انا مادري فيبين من التحليل ..
لان الحمى الطبيعية مدتها اسبوع ان كثرت وتروح بس اذا في التهاب و لا عدوى تكمل الحمى اكثر ..
انا ما احب المضاد ..
وزين البنوته ترضع يعني مقاومتها للامراض احسن
الله يشافيها ان شالله ..
صكري المكيفات و بليلها بماي الحنفيه عشان يبرد عيلها ويقلل من حرارتها .. لا تحطيلها ماي ثلج مو زين ..
سبحيها بماي عادي بعد عشان تنزل حرارتها ..
وعن أبي جمرة نصر بن عمران قال: كنت أجالس ابن عباس بمكة فأخذتني الحمى فقال أبردها بماء زمزم فإن رسول الله ?قال: (إن الحمى من فيح جهنم فأبردوها بالماء أو قال بماء زمزم) أخرجه البخاري.

وعن سمرة رضي الله عنه أن رسول الله ?قال: (الحمى قطعة من النار فأطفئوها عنكم بالماء البارد. وكان رسول الله ?إذ حم دعا بقربة من ماء فأفرغها على رأسه فاغتسل) [3]

مشكورة حبيبتي وما قصرتي اليوم رابع يوم لها مع الحما وللحين ما خفت عنها يعني اتريا لباجر والله محتارة

كم توصل حرارتها بالضبط؟

اذا اقل من 38 لا تحاتي لكن اذا اكثر وديها العيادة مرة ثانية

فيها إسهال او زواع لا تهملينها

انتي شو تعطينها هالفترة حاولي تقطعين منتجات الحليب وخاصة الحليب الفرش لا تعطيها بارد لين تكمل سنتين على الاقل

الله يشفيها

حبيبتي شو تتريين. تتريين البنت تموت من الحمه لاتقولين لا. الحمه مب زينه حق الياهل. وانتي تقولين اليوم رابع يوم. انا مره يتني حمى 3 ايام ضعفت وااايد والكل لاحظ علي فما بالج ياهل. عطيهااااااا مضااااااد وبسررررررعه. انا بنتي عمرها سنتين يوم تمرض واوديها الدكتور يقولي اذا حمه ع طول مضاد. واعطيها ماشاء الله يومين وهي بخير. حرااام عليج البنت اكيد هلكانه. ترا الحمه بعد مب زينه تأثر ع الطفل. نحن من اهلنا طفل بس يته حمى مات والله مااات وهو عمره 4 سنين صح هو قضاء وقدر. بس الحمى كانت سبب. والله يعافي بنتج ويشفيها ان شاء الله. ادعيلي بأن الله يوفقني

مشكورات خواتي اليوم استمريت علا الادول هي توصل فوق 38 وهي حمد الله مافيها زواع ولا اسهال بس قبل تبداها الحما زاعت مرتين فنفس اليوم هي تخف الحما بالادول وترد بشوفها لين باجر اذا ردت ارتفعت الحرارة بعطيها ادول
بالنسبه للحليب هي اصلا ما اطيع تشرب غير صدري بس احايانا اسويلها وتشرب 50مل وحليب فرش ما اعطيها ادعولها بنات

الله يعينج اختي
المشكلة بنوتج صغيرة ولا بنصحج بالزنجبيل والعسل
وانا شراتج ما استخدم مضاد لعيالي
لانه يخرب مناعة الياهل

واستغربت من رد الاخت فوق
يوم على طول تعطي ولدها مضاد يوم يحر
مو زين يا اختي مو زين
انتي تخربين مناعة ولدج
حرام جي