هممم ما أدري شقى أبدى موضوعي و مب عارفة أنا شو أبغي أقول بالضبط .gif "12 (29)")
أنا من عرايس 2024 إن شاء الله .gif "13 (33)")
حاليا مخطوبة وملجتي قريب بإذن الله .gif "13 (18)")
بنات متى حسيتوا إنكم تحبون رياييلكم ؟؟
يعني عن نفسي أحس ما أعرف شو هي طبيعة مشاعري تجاه خطيبي 
أكيد هو سبيشل بالنسبة لي و له مكانة غير .gif "13 (21)")
بس ما أحس إني أحبه و إني ما أروم أعيش بدونه .gif "12 (78)")
يعني صح له معزة و صح له أهمية و صح أحب أشوفه و أعرف أخباره (خصوصا إني ما أكلمه بس دوامنا في مكان واحد)
بس ساعات ما أدري شو ييني .gif "12 (58)")
أحس إني ما أكن له أي مشاعر و إنه وجوده و عدمه واااااحد و هالشي مضايقني لأني أدري إنه وجوده في حياتي مهم .gif "12 (46)")
سامحوني يمكن كلامي مخربط .gif "12 (85)")
بس حاسه بضيق و حبيت أفضفض و مالي غيركم .gif "12 (1)")
وااااايد أفكر و أسأل نفسي .. متى بعرف شو طبيعة مشاعري صوبه ؟؟ و متى بحس إنه هو يعني لي الدنيا كلها ؟؟
و مراااااات أتخوف من فكرة إني ما بقدر أحبه و ما بقدر أسعده .gif "12 (4)")
دعواتكم إنه تتيسر أموري و الله يتمم لي زواجي على خير .gif "12 (63)")
كان مهم في حياتي واحب أسمع عن أخباره بس كانت أحاسيسي نفس أحاسيسج بالضبط
مرات كنت أحس إن وجوده في حياتي وعدمه واحد حتى بعد العرس بكمن شهر
تعالي شوفيني ألحين صار لي 8 سنين من عرست ولا زلت أتوله عليه حتى إذا طلع يقضي مشاوير العصر يعني كمن ساعة وراد
أو إذا سافر عني أتخبل وأيامي ما تمر بسرعة مع
إني عندي 4 بنات الله يخليهم لي ولأبوهم ويخلينا لهم يا رب قولي آمين
الله يكملها لج ع خير ان شاء الله وبعد الزواج كل الأحاسيس اللي تبينها بتيج ( بس مب على طول )
بالمرة ادعي لأخوي الله يشافيه ويقومه من محنته ويرده لأمي وأبوي ولنا بالسلامة
الحب يي اي وقت …ممكن باجر خخخ ممكن بع الملجة او بعد العرس
محد يعرف …
عادي فديتج لا تتسرعين والعشرة هي الي تييب المحبة ^^
ربي يسخركم لبعض ويوفقكم لما يحبه ويرضاه 
انا عكسج انا كنت احبه مووووت فالخطبه و هو عادي طاااف و الحينه هو يموت فيني و الحمدالله … و يتريا اليوم الي نملج فيه .. ع نار ..
استغري الله و ربي يوفقج و دعواتي لج براحه البال ..
المشاركة الأصلية كتبت بواسطة فينيسياا 
الحب يي اي وقت …ممكن باجر خخخ ممكن بع الملجة او بعد العرس
محد يعرف …
أختي تعوذي من أبليس هذا وسوسة ابليس تعوذي منه واستعيني بالله … هذا شعور كل عروووس يوم يقرب موعد ملجه ولا عرس ..
ربي يسعدج
مع الاياام كل شي ايي ..وصدقيني عقب بتتولهين عليه كل دقيقة وثاانية؟؟
والله يسر لج ياارب؟؟