بو العيال اول مره يبتعد عنج !! شو شعورج ؟؟؟؟ 2024.

مرحبااااااااااااااا السلام عليكم ورحمه الله وبركاته

اشحااااااااااااااااااااااالكم عساكن طيبات ومستانسات

انا الله يسلمكم قلت اكتب هالموضوع لاني يالسه بروحي وريلي فديت روحه بعيد عني

بنااااااااات بسالكم شو شعوركم كان يوم اول مره يغيب عنكم بو العيال ؟؟؟؟؟؟

انا صراحه صار لي يومين اصيح ومضايجه وحالتي لله اول مره يبتعد عني جيه احس بموت والله
واهو فديته مول مب مقصر كل اشوي يدق علي واحس به يشتاق لي وااااااااايد

خبروني عن شعوركن اتهونن علي والله

مضايجه حيلللللللللللللللل

بصييييح
أصلا مب معرسه
لكن أكيد الوحده بتحس بالفرااغ
وبتحس انه شي نااقص
اترقب مشاعر الباقيات^^

واااااااااااااضح اختي انيج عروس

أنا عندي عيال ومستوية مثل الياهل طيفه مايفارقني ودي اصيح، كله ملانه ، مالي نفس أتعدل ولا أطبخ عدل لعيالي، أحس بالوحدة خاصة فالليل، بس شونسوي هذي حال الدنيا،فراق، شوق ،فلهفة، فلقاااااااااااااااااااااااء وتعود حليمة لعادتها القديمة.

هيييييييييييييييييه والله صدقتي يا روضه
انا يوم يروح الدوام اسوي له مناحه كيف يبتعد عني اسبوووووووعين ما اشوفه بموت والله بس الحمدلله انه بالعين مب برع ولا كنت ميته لا محاله هههههههه

شكرا عزيزاتي على المرور

الكتماويه هيه فديتج من ست اشهور معرسه ما ادري اعتبر عروس ولالا
هع هع

أنا دايما أحس اني وحيدة لأنه دايما في دوامه وتعرفون عاد الجيش والحمدلله عندي عيالي والخدامه بس أحس ان البيت مش حلووناقصني شي الحياة موحلوة بدونه وحتى هو مايقطعني دايما يتصل ماشاءلله جنه تونا معاريس الحين بنكمل 9 سنوات وبعده يشتاق لي ويتوله علي، والحمدلله الحياة مستمرة والله يوفق الجميع