من العنوان اكيد تساءلتو شو السالفه ؟
اعتبروا كلامي فضفضه خاطر او شي احب اشاركه ناس طيبين مثلكم
مااعرفهم شخصيا
السالفه اني لدي اعتقاد هو وجود الخادمه في البيت سبب تعاسة
اعتقد
1 تحسد الزوجين على راحتهم وتواجدهم معا
2 تدمر تربية الاطفال حتى لو كانت مسلمة فلديها عادات سيئة وجهل بالدين
3 لا تراعي حرمة البيت وامانته
4 تتحرش بالاطفال جنسيا
5 يصبح الاطفال اتكاليين مهمليين مترفين
6يفتن بها بعض الازاوج لو قبيحه ويعاشرها دون علم الزوجه
7 تعبث باغراض سيدة البيت وقد تجرب مكياجها او ملابسها الشخصية او اكسسواراتها الخ في غيابها
8 تتحرش بخصوصيات الزوجين فتراها تبحث في ملابسهم وغيره
9 تدهور صحة الام فهي نائمة في النهار ساهره ليلا قليلة الحركة كثيرة الاكل تعاني من ترهلات الحمل والولادة
10 اهمال الزوجين بعضهم رغم التواصل اليومي لان كل شي مع الخادمة وهب تعرف به
هذا بعض مااعتقد وعشان كل ماسبق
اقتنعت بالاجماع مع زوجي مانبا خدامة وربيت بنتي الاولى والثانية ومع حمل الثالثه بدون خادمة وانا ادرس في الجامعه وحياتي سمن وعسل وزووووجي مرتاح وكل السعادة في حياتنا
ولدت بالمولود الثالث وخلصت الجامعة والحين فضيت للبيت وعيالي وزوجي فقط وعايشه بسعادة
لكن المشكلة ان المجتمع حولي صار ينتقدني كأني خطأ
لويكلمني حد من صديقاتي تعاتب ويسئلون بنبرة ازدراء هاااااا وانتي بعد ماعندج خدامة او ما لمست عيالج
يعني حميتيه مثلا صارت تعيرني (انتي ماعندج خدامه) وكأني اجرمت
( اوه صدق انتي ساده عيالج بروحج )
( الله يعين ريلج رايحين اني والعيال وحشرتهم )
والله محد شكا لحد .. وماصار شي يستاهل هالكلام
وصل الموضوع للتجريح بصورة غير حقيقية
والله اني مع زوجي في منتهى الصراحه يعني لو فيه شي بيقول يعني لا مجال للمغالطه
اهتم بالعيال والبيت
وزوجي على رأسهم
اجهز وقت دوامه كل شي وقبل لا ايي
اتسبح واتزين حتى بناتي صاروا يقلدوني ويطلبوني اعدلهم لاستقبال ابوهم
اذا تغدى شكر في الاكل ودعا لي
واذا قعدنا في البيت يلاعب العيال ويايه واذا قعد روحه خليته ع راحته
اذا نام ماازعجناه
واذا طلعنا نحوط كل مكان بسعادة ونضحك مع عيالنا
واذا رقدنا العيال في الليل عشنا اجواء الخصوصية والسعادة
اذا راح ابوهم يلاقي ربعه ودعته وقعدت اجهز الجو والبيت عشان يرد ويلقى الراحه
اذا حد مريض كلنا استهمينا حتى اليهال يشاركون جو الاهتمام والعلاج
عيالي مرتاحين مايبون خدامه ويشاركون في شغل البيت
لو طلعت من البيت تلقون السواد يغطيني واذا دخلت اكشخ بالعاري والمفصخ
والعلاقه كالاتي :
انا الاخت والزوجة والحبيبة والمستشارة والام والعشيقه وكل شي ( اللهم ادم علينا محبتنا خالصة لوجهك )
آخرها تقول انتي جنج عيوز وهو شيبة
كله تربون عيالكم
ليش ؟؟؟؟؟؟؟؟؟؟؟؟؟؟
حطوا خدامه تربيهم عنكم
لييييييش ؟؟؟
لا والقهر اهداه اخوه كلمات اغنيه فقال انا اهديت كلماتها لزوجتي يقصدني بكلامه
قاله: قصدك العجوز السديس >>> قصده سوادي اذا اخرج من البيت وكوني لا ازين عباءتي ولكني تحت العباءة في كامل الزينه
والله زوجي يمووت غيرة علي لا شافني حد بالغلط يقولي في البيت تتزينين لي
وزوجي يقول ماعلينا من حد ..
لكن ابا اعرف ليش ؟شو مستوي في الدنيا
بأي شكل يحاولون يطلعون فينا الغلط والنقص
والمحزن انهم اناس احترمتهم كثيرا فانا لا اتدخل في شؤون غيري واحب الخير ( لا ضرر ولا ضرار )
حتى مع وجود خلل في حياتهم كأنهم ماعندهم اي مشاكل …
صرت مااحب احد يحدثني بالموضوع لانهم يخترعون علينا وكأننا غلط
وسامحوني اذا طولت بس كنت افضفض وابا اعرف آراكم
ولهالسبب استقلت من دوامي لما حملت عشان اربي ولدي مع ان الكلللللللللللل عارظني وبشده وصارت مشاكل قبل لا استقيل حتى من اقرب الناس لي وقالو لي انتي تدمرين حياتج وتهدمين مستقبلج وعيالج ما بينفعونج وبيتركونج وبتندمين وانا مب مصدقه اللي يقولونه @@.. اللي تهتم ببيتها وعيالها صارت غلط؟
زوجي رايه كان حيادي
انا في رايي حتى لو البيت ينعفس شوي بين فتره وفتره مب مشكله ومااا يسوا ان تدخله وحده تدمر العايله لا سمح الله …
اغار على بيتي .. اعرف مكان كل شي وكل شي فيه خاص فيني وفيه طابع مني .. انا بنفسي اهتم بملابس زوجي واكله وكذلك ولدي .. لمسة الام فالبيت غير .. بركه باذن الله
ما عليج يا اختي مبين هذيل الناس حــــاسدينج وحاسدين ريلج عليج ومب عارفين كيف يقهرونكم
انا الحين عندي طفل واحد ومسيطره عالوظع كنت اتمنى بنت عشان تساعدني فالبيت لما تكبر وتساعدني في اخوانها والحمد لله على نعمته
ممكن تنصحيني وتقولين لي كيف ترتبين وقتج؟ لان احس اذا ياني طفل ثاني ما راح الحق (الظاهر اني كسوله خخخ)
واسمحييي لي عالاطاله ويزاج الله خير
"اللهم من أراد بي سوءا او بزوجي او باولادي فاشغله في نفسه ورد كيده إلى نحره.."
انا كنت افكر اييب خدامه ومتردده وزدت في ترددي يوم قريت موضوعج مع اني لاشتغل ولاشي وعندي 2 بس ..
بس انا اوردي لي يبتها بتكون قدام عيني انا وخالتي بعد في البيت جدام عينا لان احني في البيت مانروح مكان ذاك الزود بس ابيها تقعد معاهم لي لعبو داخل او برع في الحديقه او لي طلعنا تمسكم بس لاكن حليبهم واكلهم وغسيلهم انا طبعا ..واذا طلعت وخليتهم عند خالتي تساعدها بس ..
كلي فداه
اسعدني تواجدكم وقبل كل شي كلماتكم الحنونه
الجوهرة المكنونه
روحي ترحب بج قبل لسااااااني
ويسعدني كلامج
وباذن الله انزل موضوع قريييييب جدا عن التعايش بدون خدم
في التجارب المنزليه وبطرش لج وصله باذن الله
bissanza
مشكورة على الدعاء كنت غافله عن هالكلمات
جعلها ربي في ميزان حسناتج
قطرية .. لو تعرفين ضروف مرت بي كنت اقوى عنها يوم بعد يوم وماسمحت لها لثانيه تأثر في عيالي وفيه وزوجي وحياتي
شدي حيلج مايباله
بس سبحي الله قبل لا ترقدين
اذا تحبيييين عيالج لا تخليين في ذاكرتهم صورة اشكال الخدم ولا حتى عرق وحده يغطيهم
انتي غير وتربيج غير وعيالج خليهم يكونون غير
واليهال يكبرون بسرعه وصبري شويه بعدين ترتاحين
تلقينهم حولج يشلون عمارهم وبيبقى لج من طفولتهم الذكرى بس وانتي قاعدة تطالعينهم وتتذكرين لحظاتج وياهم
انا عندي 3 بنات ربي يبارك فيهن اكبرهن 4 سنوات
واصغرهن 5 شهور وقبلها بيبي
حمل متتابع
ودراسه في الجامعة
اضطريت فترة احط بنوتاتي عند امي وقت المحاضرات وبعدين صار لاختي ظرف ماتتخيلينه
ولدت بكرها قيصري وعمت عينها ماتشوف الا متر ضبابي >>> ناس ماصلو على النبي
وحطيت بناتي خلال فترة وجودها عند امي عند حرمه يمنيه زوجة المطوع ( جارتيه واعرفها من زماان ) لله درها
طبعا مقابل مبلغ رمزي يفرحها وتحفظ بعض الايات لبنتي الكبيرة خلال ساعات غيابي في الجامعة
اختي اللي عانت من حاله عمى وربي ما تقربت خدامه من ولدها
كانت مثال للام
تصدقون مادريت الا متأخر ان حالتها كانت شديدة
كانت تغسل ولدها وتسبحه باللمس
ماشافت ويهه زين الا بعد شهرين سوو لها عمليه في عينها
طبعا مب ليزك … عمليه شبكية خطيرة
تخيلو .. في نظريه هيه مثال للام الشجاعة
بعدها ولدت قيصري وقعدت عند امي شهر عشان مااقدر اشل بنتي الوسطى
كلهم ساعدوني جزاهم الله خير
امي وخواتي الصغار
اخواني
زوجي
والا شو معنى العائلة اذا ماكانت جيه
والحمد لله تخرجت والحين بعافيه وحولي بناتي واهليه ربي يحفظهم من كل شر
وهذي حالات مؤقته جدا ماتستدعي الواحد يكون ضعيف بل اقوى
وكل غرس طيب في قلوب عيالنا نلقى ثمرته بعد فترة في حياتنا
وجزاكم ربي كل خير .. وجعلنا واياكم في سعادة وهناااااااء ومجتمع سليم من الامراض النفسية والجسدية