اشحالكم؟!
هذا الموضوع بكون بمثابة موسوعة شاملة لأمور الجمال
يعني أي وحدة سوت حركة ونفعت معاها أو سوت خلطة حلوة يابت نتيجة أواستخدمت منتج وعيبها حيييييييييييييل لاتحرمنا من تجربتها
بقولكم تجاربي وإنتوا قولولي تجاربكم.. أوكيه؟
يالله نبدأ ع بركة الله
*عشان أعطي لوك طبيعي وجذاب حق شفايفي أستخدم مرطب لابيلو بالكرز يعطيج لون أحمر طبيعي خطير.
*قبل لا أنام أحط في شفايفي طبقة كثيفة جدا من الفازلين -بعض البنات يفضلون فيكس- ويوم أصحى أفرش شفايفي بفرشاه ناعمة مال ياهال يعني أسويلها تقشير عقب ارطبها بمرطب شفايف عادي بعدها بتحسين إنه شفايفج ناعمه وصحية
*كريم نيفيا خاص الاستعمال الليلي أتعب و أقول فنان
داومي عليه لمدة أسبوع و شوفي كيف أصابع ايدج بتنشد
*أفضل مقشر ع الإطلاق (ليمون+زيت زيتون+ملح أوسكر) يبيض ينظف و يسوي كل إلي خاطرج فيه بس أهم شي المداومة
*كل بداية أسبوع أجهز ملابسي إلي بلبسها حق دوام لمدة أسبوع يعني القميص مع التنورة مع اكسيسوار مع شوز
يكون لما أصحى من نوم ماأعور راسي و أدور
*بعد ماأخلص سبوح أحط في ايدي مسحة مسك سائل أو أي عطر زيتي من أجمل مثلا و حطة في شعري….و ريحة تلصق في شعري لصق
* عند أجمل مجموعة من مخلطات الفرنسية خطيرة ورخيصة أنا جربت مخلط اسكادا ..صراحة بطل
*أحسن شي أسوي حق ريولي(تكرمون) إني أفركها بالفازلين عقب ألبس سوكس…عقب اتسير شرات البيبييات
*تقريبا يوميا أشرب كوب شاي أخضر ينظف الجسم و يضعفه ويحمي من عدة أمراض ويقاوم الشيخوخة (تقدرون تسوون سيرج في قوقل وتشوفون فوايدة) بس ترا كثرت مب زينه
*ويفيز شيمير من ذا بودي شوب أتعب من الكلام و لا أوفيلا حقه
هو أساس سريع و يجنن …هو بلاشر…هو إضاءة…هو شادوه هو هايلايتر..خطير الصراحة لا يفوتكم
هذا إلي عندي حاليا أتمنى من الجميع المشاركة ولو بفكرة صغيرة عشان نكون سوا أحلى موسوعة جمال في أحلى منتدى
ونتريا مشاركات البنات