بنات انا من زمان بغيت اكتب لكم عن خل التفاح بس انسى
انا جربت خل التفاح كشرب و كدهان بعد
اولا الشرب :
قبل ما اعرس يوم كنت في الصف الثالث ثانوي كنت دبه
يعني وزني كان 65 كيلو
و مب عارفه كيف اضعف
فيوم دورت في النت لقيت عن خل التفاح
و قلت خلني اجربه
و بالدسه اشتريتلي خل التفاح من عند العطار الايراني الي في سوق الجديم
و اسم خل التفاح تاسكا او تاكسا شي جي
المهم ..
كنت اشرب خل التفاح بعد كل وجبه ..انتبهو مب عالريق
بعد كل وجبه كنت اييب كلاص ماي بارد ( الكلاص الكبير ) و احط فيه غطا خل تفاح و اشربه ابسسسسرعه ..لان طعمه مب شي
في اول الايام ما قدرت اشربه كنت احس اني برجع بس بعدين اتعودت عادي
ثانيا كدهان:
يبت علبه رش فاضيه و عبيته ب نص ماي ورد و نص خل تفاح و كل يوم قبل ما انام كنا ارشه على كاااامل جسمي
و الصبح اسبح عادي
يعني انا ما كنت اطلع في الشمس و انا حاطه خل تفاح
النتائج كانت كالتالي
حسيت اني مبيضضضضة و انا جسمي انشد يعني مافي جلد زايد
و بعد شهر تقريبا الكل كان يقولي انتي شو امسويه واااايد ضعفانه
و يوم شفت وزني كان 63 يعني ما نقصت بس كيلووين
بي يا بنات مو مهم الوزن المهم القياس صح
فانا جربت لبست الجينز مال الي كان ضيق علي و يوم لبسته انصدمت انه استوا واسع تقريبا قياسين
يعني يا بنات خل التفاح ما ينقص الوزن .. يصغر القياس
فهمتو
و بس
و انا الحينه حامل و لا زلت استخدم خل التفاح على جسمي ارشه مع ماي ورد
و خالطة صابون دوف لشد الجسم ويا خل التفاح بعد
وااايد اوكي
و شي ثاني بعد
انا واااااايد احب اقعد في الماي الدافي في البانيو و احط 4 غطا من خل التفاح في الماي و ايلس
وااايد اوكيه حسيته
و هاي كانت تجربتي مع خل التفاح
انا استفدت منه في التبييض و التنحيف و شد الجسم
و الحينه من 4 شهور حطيت شويه منه في الغسول الويه مال اللوريال الي لونه ازرق و حسيت انه ويهي صاير صافي مافي حبوب بس شويه بقع الحبوب و ان شاء الله اتخف و ويهي صاير ابيض
و بس
و اي سؤال انا جاهزه للرد بس عالعام عشان الكل يستفيد
و السموووحه
الخل عباره عن حمض عقب كمن سنه بعيد الشر انشالله بيخلي المعده متأكله
وبشرتج ممكن تتضرر وايد منه
مب شرط الضرر تشوفينه خلال يوم واللا سنه لكن النتايج الدائمه تظهر على المدى البعيد
أتمنى البنات الباقيات يفهمن اللي أقوله ويبتعدن عن هالشي
المشاركة الأصلية كتبت بواسطة mischocolat 
الخل عباره عن حمض عقب كمن سنه بعيد الشر انشالله بيخلي المعده متأكله
وبشرتج ممكن تتضرر وايد منه
مب شرط الضرر تشوفينه خلال يوم واللا سنه لكن النتايج الدائمه تظهر على المدى البعيد
أتمنى البنات الباقيات يفهمن اللي أقوله ويبتعدن عن هالشي
صح كلام الاخت mischocolat
والسموحه واتمنى ما تضايقين حبووووبه
بس نبغي سلامتج
في مستقبلج
اسمحيلي اختي
نه جدااااااااااااااااااااااا مضر خصوصا لانك حامل ربنا يكملك علي خير ويقر عينك يارب