مرحبا بنااااااااات .. اشحالكن؟
بصراحة أنا ما دخلت المنتدى من أسبوعين تقريباً لظروف صحية طاااااارئة.. بس الظاهر إن محد لاحظ هالغياب!!!!!!! .. اهئ اهئ
المهم .. حبيت أخبركن عن قصتي ويا عملية الحقن المجهري"…
"طبعاً قبل لا أسير هناك كنا فاحصين أكثر عن مرة وآخر شي طلعت المشكله من ريلي" ومستحييييل أحمل بشكل طبيعي .. الحمدلله على كل حال، واللهم لا اعتراض 
طبعاً بدينا العلاج بالفيتامينات وبعدين إبر حق ريلي وعطوني إبر تنشيط مبايض لمدة أسبوعين، الأسبوع الأول 100 ملجم، والحجم ما كان مناسب عسب جي الأسبوع الثاني زودولي الجرعة إلى 150 ملجم وما شاء الله المبايض كبرن من 15 و 16 إلى 36 وزااااااااااااااد عددهن.. وقالولي وقفي الإبر خلاص
ثالث يوم خذت إبرة تفجيرية "بريجينل"
ما تتخيلون بنات الآلام إلي حسيت فيها من عقب ما زودولي جرعة الإبر إلى 150 ملجم لييييين موعد العملية وأنا أعاااني وأصيح بس تحملت وصبرت وقلت يمكن عقب العملية يخف العوار وأرتاح…
يوم العملية كنت مرتاحة وما فكرت في شي بس آخر شي توترت وتميت على أعصابي لأني أول مريضة يسوولها العملية وأنا تأخرت عليهم وااااااااااااااااايد
من الزحمة والله ..خخخخخ..
وأخييييرا وصلت وسوولي فحص أخير للمبايض والضغط وشافوا الوزن.. ودخلت غرفة العمليات وزغت يوم شفت الممرضات حوالي ووحدة تعطيني إبر ودكتور التخدير دخل وعقب والله ما حسييييييت بعمري وما أعرف شو استوى ..
ويوم نشيت من رقادي خخخخ يتني الدكتورة وقالت ما شاء الله سحبنا 20 بويضة "هو الطبيعي 3-4-6-10 بويضات" .. وأنا ما شاء الله عطيتهم 20 ما قصرت !!!!!!! 
نفس يوم العملية حسيت بويع خفييف وما تحركت وايد وثاني يوم نشيت وكنت تعباااااااااااااااانة وما أروم أتحرك.. تحملت ساعة بسسسسس وعقبها ما قدرت سرت راجعت عندهم وقالولي كل شي اوكي الحمدلله هالويع طبيعي وقلتلهم عن الإسهال واللوعة،، قالولي عادي لأنا سحبنا عدد كبير من المبايض ما شاء الله
تميت عقبها أعاااااااااااااااااني من الويع إلي ما قدرت أتحمله وما قدرت أتحرك وكله أصييييح وما تصدقون لو أقولكم إني ندمت ع العملية وكرهت نفسي ..وريلي المسكين كان متلوم وحاس إن إلي أمر فيه بسبته،، بس قلتله هذا نصيبنا وأنا راضية الحمدلله وقدر الله وما شاء الله فعل 
يوم الخميس كان موعدي عسب السونار.. وقالولي عملية ترجيع الأجنة مستحيل تكون الحين لازم عقب شهرين أو 3 دورات شهرية عسب نريح الرحم والمبايض
طولت عليكم واااايد بس حبيت أقولكم مب أخوفكم شي فرق ..خخخخخ .. إن هالعملية مب هينة بصراحة وأنا وااااااااااااايد تعبت صحيا ونفسيا والحمدلله ما تحسنت حالتي إلا عقب ما تنومت في المستشفى كم من يوم..
ترجيع الأجنة عقب شهرين 3 أو 4 أو 5 على حسب لأن طبيبتي بتطلع إجازة وما أعرف أسوي العملية عند أي دكتورة ثانية أو أترياها وعقب بيصادف شهر رمضان .. بصراحة ما أعرف !!! إن شاء الله بصلي الاستخارة وبشوف إلي الله كاتبنه لي
الله يهون على كل وحدة تسوي هالعملية وياااااااااارب كل وحدة تحمل بشكل طبيعي وما تحتاج لا للعمليات ولا مذله الأطباء
وأتمنى لو تشاركوني موضوعي ولو بدعوة طيبة،،، و إلي مرت بنفس تجربتي أو مقبله على هالشي .. بليز خلونا نستفيد من تجارب بعض …
رب لا تذرني فرداً وأنت خير الوارثين
الله يجزيج بالخير ومأجووورة إن شاء الله ويرزقك بالذريه الصالحه إلي تملى قلبج وحياتج يارب
الله يسهل عليج
صمت
والله يقويج ويقومج بالسلامة .. وتشوفين البيبي وتنسين كل الآلام ..
ان شاء الله تبشرينا بقدوم البيبي … وتصيرين أم …
الله يرزقكم الذرية الصالحة عاجلاُ غير آجل ..
والله ما في صبر