اشحالكم خواتي بغيت اسوي هالتجمع علشان نستفيد للي ناوين يحجون هالسنة باذن الله اول شي نحط معلومات عن الحملة وبعدين شو الأشياء إلي ناوين نسويها استعدادا للحج مثل ما انتوا عارفين باقي شهرين عن الحج وهاي مب فترة طويلة وانا من النوع إلي يحب ينظم كل شي واتمنى من الجميع التفاعل
وانا بحط طريقتي واتمنى الكل يجاوب بنفس الطريقة علشان يكون التجمع مفيد للكل ويصير مرجع للبعدنا باذن الله
اسم الحملة : صراحة اتصلنا كمن حملة والكل قالنا اتصلوا من يخلص رمضان لأن بيفتحون باب التسجيل يعني الأسبوع الياي راح يتم الحجز باذن الله . الحملات ألي حاطينهم في بالنا
1- حملة الحمراء : حملة سعودية سبق وساروا اهلي فيها مرتين
2- حملة الدويسان : حملة امارتية ما جربناها ولكن وحدة من ربع اختي جربتها
3- حملة الطبطبائي: حملة كويتية سبق وساروا اهلي فيها
استعداداتي : من ااكد الحجز باذن الله بسير المكتبة وباخذ كتب عن الحج علشان اعرف إلي علي قبل بفترة علشان اكون قريت كل شي وانا حاطة في بالي كتاب بس ما اعرف اسمة يكون مصور مثل كتاب العمرة المصورة يعني خطوة وبخطوة احسة اسهل
الشنطة : طبعا اول شي بسوي لستة بالأغراض إلي ابغي اخذها وياي
1- كل المستحضرات لازم تكون بدون ريحة لأنه ما يجوز يروح حد ريحتج في الحج والكل يكون قريب من بعض يعني الشامبو والملطفات وها قالوا لي بحصلة في الصيدلية
2- بندول
3- فكس و لزقات الحارة للرجل لأن المشي وايد بيكون ولفترات طويلة
4- عبي مسكرة سادة وبدول لوقو (فصوص وهالسوالف) والغشوة خذتها خلاص لأنها من اساس لبسي
5- قراني ( صغير وعملي واقدر احطة في شنطتي ) + مجموعة كتب الأدعية لأن الواحد احيانا يحتاج ادعية ينسى اشياء وايده
6- جلابيات بعدني ما اعرف كم بشتري بس من اعرف الأيام بعد الحجز باذن الله بفكر في العدد
7- جوتي مريح طبعا اسود بطالع شي من النعلة الطبية + زليغ غليظ لأن في الحرم انا متعودة البس زليغ غليظ لأن الأرضية تعور بدون نعال
الهدايا : طبعا بعدي ما اعرف شو حاطة في بالي اهدي لأن اصلا ما اعرف هدايا الحج ههههههه احيد سيادة وقران وماي زمزم وتمر ها وانا ياهل جي كنا نشوف عند الناس إلي نزورهم المهم بعدني ما اعرف بسال وبشوف وطبعا بكتب لستة الناس إلي بهديها علشان اعرف كم باخذ بشوف عدد اهلي وربعي وجي
طبعا كل الأشياء مخططات بعدني ما نفذت شي وبيبدا التنفيذ من احجز على طول ما احب اخلي اي شي للحظة الأخير وإلي تشوف اني نسيت شي تفيدني وتخبري ومشكورات خواتي والله يبلغنا جميع يارب 
ويرزقنا حجج كثيره قبل الممات*
بارك الله فيك على طرح الموضوع
ان شاء الله سوف اكون من حجيج بيت الله هذا العام
بخصوص التجهيزات
الي الى الحين مش عارفة اشترية هو
ما هى الانواع الى من دون رائحة
معجون الاسنان
مزيل العرق
كريم الشعر
شامبو الشعر
صابون الاستحمام
وهل كريم البشرة كريم اولاي يجوز استخدامة
من لديها خلفية عن هذه الانواع من دون رائحة تخبرني واين اشترتها
الحمدلله
الحمدلله
فيني فرحة اني بوقف في عرفه وبكون قريبه من الله عزوجل
اغراضي للاستحمام بتكون من شركة سيباميد لانها بدون رائحة عطر يعني طبي
شنطه صغيره فيها ادوات الديتول من اسبري والكلينكس والجل المعقم
3 عبي مسكرات فيهن مخبى داخلي عند الصدر مثل الكيس
جلابيات خفيفه وصراويل استرج ………الخ بس اكيد للعيد شي يديد مخوره …..الخ
زليغاااااات ههههههههههههه شي مهم عن تسود الريوووول
دفتر صغير فيه كل ادعيتي اللي بتكون بيني وبين ربي
احس هالاشياء المهمه
ومنكم مستفيد