السلام عليكم ورحمه الله وبركاته
اللهم صل وسلم على محمد
يا مرحبا بكل بشره ,, بس سامحونا نبغي ذوات البشره الدهنيه او المختلطه فقط
وانتن "الجافه وغيرها" سون موضوع رواحكن ههههههههه
يالله يا بنات بغينا همتكن ,, وان شاء الله هذا الموضوع يكون مرجع لنا
طبعا تعرفن ان مشكلات البشره الدهنيه عوييييصه بس ولا يهمكن بنتجاوزها
بنناقش امور عده تخض بشرتنا
– منتج ساعد على تصغير مسامات البشره
– ادويه عالجت مشاكل البشره الدهنيه
– اذا عندج طريقه نعتج لتنظيف الويه اليومي او الاسبوعي
– افضل كريمات ترطيب جربتنهن
– افضل كريمات اساس oil free,, او mat
– افضل بودره
– غسول وجه تونيك او الملك تونيك
– ماسك طبيعي بشرط انج مجربتنه
– صابونه
– واقي شمس ما يدهن
– اي مستحضر ما نال على اعجباكن ,, خرب البشره, هيجها , زاد الحبوب فيها
– شي يخلصنا من النقوط السودا على الانف
واي شي ثاني يخص البشره
وياريت يا بنات اي منتج تستخدمنه تذكره مكان الشراء ويكون افضل بصوره منه سواء من صورج او النت , والسعر بعد عشان نكمل الموضوع بدون ما تكثر اسئله من البنات
واي رد يا بنات نباه يكون جواب للموضوع او للرفع او الاسئله يعني شي يفيد زوار موضوعنا ,, ما نبغى شي يغير مسار الموضوع
ولكن الحق في اي سؤال بس لا تنسن انكن تحطن اي شي يفيد
يالله شدن الهمه
انا بكون اول وحده تشارك
بالنسبه للمشاكل اللي اعاني منها
"المسامات " واللي استخدمته ونال على اعجاااااااابي كثيرا هو كريم اسمه
دالتون بيوتي ماسك ,, من جيرمني ألمانيا سعره على ما اظن 75 الى 80 درهم
بالانقلش Beauty Mask
هو اللي على اقصى اليسار كرتونه باللون الازرق ومكتوب عليه Beauty Mask
تأكدن عدل لانه طارح اشيا ومنتجات كثيره اكيد نافعه ولكن انا اخبركن عن اللي استخدمته ,, وان شاء الله اذا جربت منتجاته الثانيه بخبركن
بس رهييييب حتى دختوره جلديه نصحت وحده فيها مسامات , هو يصغير المسامات بالاستخدام الدائم المستمر ويحتوي على ماده الكافيار اللي الممثلات متخبلات عليه كونه يصغر المسامات الكبيره والصغيره ويعطي البشره نضاره طبيعيه وماشي سوقه ,, تلاقنه في الصيدلات فمعظم الصيدليات
عن المكياج حبيت بودره ماك المضغوطه تعطي منظر طبيعي للبشره وتمتص الدهون وتخفي المسامات بدرجه جيده و البقع الخفيفه
ما عنديه فكره عن سعر نسيت يمكن 100 او 90
وعن كريم الاساس امممممممم استخدم ميبي لاين بس ما عيبنيه وايد حسيت بشرتيه تدهن بسبته
ما انصحكن يعني ,, ولكنيه سمعت ان كريم اساس من ماك زين وهاي صورته حلو
اظن انه اوكيه لان البودره ناسبتنيه كبشره دهنيه وان شاء الله باخذ هالكريم الاساس
بس تحذرن
سمعت بأن البودرات الكريميه اكثر شي اتدهن البشره وع كرهتها خصوصا مالت ماك
وبعد شوووه اممممممممم
ما عنديه واقي شمس ما شيه عليه كل مره اغير ,, وان شاء الله استفيد من تجاربكن طبعا نبغاه ما يزيت على الويه
وبالنسبه لكريم الترطيب استخدم يولاي اشوفه وايد اوكيه ما يدهن
وبالنسبه للماسكات ,,
افضل وضع الخيار المبشر مع الروب رهيييييييب و عنديه غرشه فيها ماء ورد احطها في الثلاجه وكل مره ارش على ويهيه وايد اوكيه
وعن تنظيف البشره اسويها على كيف كيفيه ههههه مره مره في الاسبوع مره 2 في الاسبوع مره اهملها اسبوع
عقب السبوح استخدم سكراب من EDEN ما اظن تلاقونه هنيه في البلاد بس عجبنيه وااايد وهو للويه والجسم شي عجيب ,, اسوي مساج للويه به واخليه لين ما يجف وخلاف امسكن بقعه بقعه من وريهيه
يعني مثلا خديه اليمين احط صبوعيه من يد اليسار على الخد بحركه كأنيه اشد وبصبع اليمين "يعني الصبع ياي بين صبعين اليسار" واتم احرك والماسك جف على البشره تصدقن يا بنات اليلد الجاف يطيح او اليلد الاسمر من ضربه الشمس يطيح وكل مره انتقل لبقعه ثانيه من الويه
يعني يوم اغسل ويهيه احسبه صدق تغير لونه خصه حول الثم وعلى الخد والذقن وعلى الاطراف والرقبه اخص شي
واللي تباه هالماسك فالها طيب تراسلنيه على الخاص ,, وبعدين احط ما سك طبيعي قابض للمسام
مثل الخيار المهروس مع الروب لان الخيار يقبض المسام وخاصه انج نضفتي المسام بالسكراب
المواد المستخدمة كقابض للمسامات بعد تنظيف البشره سكراب او بحمام البخار:
(ملاحظة انا عرضت كل المواد القابضه مو معنى انا نستعملها كلها مره وحده لا بل نغير في مابين الانواع هذي كل يوم )
ماء الورد
خل التفاح
منقوع المره
خميره وبطاطس
خميره و حلبه
خميره وليمون
ليمون
ليمون وتفاح
النشا
منقوع البقدونس
منقوع الشبه
بياض البيض
زبادي
خيار عصير او مبشور
مغلي قشر البرتقال والليمون
زيت اللوز بعد الانتهاء
الطين الاخضر او الابيض مع ماء الورد
صابونة الكركم
محلول جبال الهملايا
ماسك فيتامين سي من الصيدليه
اغلب الخلطات نص ساعه على الوجه وتحفظ بالثلاجه
اما بالنسبه للصوابين ما عنديه شي يعني وااو اتريا تجربتكن ,,, بعض المرات استخدم صابون السائل من سيبا ميد للبشره الحساسه
يقولون في جل اسمه اكفوليك "exfolic gel moussant" رهيب على البشره الدهنيه يخفف من الدهون و الحبوب و النقاط السودا تدريجيا ويستخدمونه مرتين في الاسبوع موجود في الصيدلايات والدختوره جلديه نصحت وحده به وهذي الصوره لعيونكن انا ممكن اجربه عقب ما اكتفي من الي عنديه
انا خذت حبوب اسمها فايبرمايسين شويه تصفي الويه هي مضاد حيوي بس صدق ويهي يستوي لاباس ومن اودره ويه يخرع من الدهون اللي فيه
لوشن دالاسين احيانا استخدمه
الماسكات ……….. ماسك من زين الاتات اثنين نوعين قصدي واحد ب140 والثاني ب75
واستخدم المره لان وااايد بشرتي دهنيه ومساماتي مثل ما هي ماشي فايده بس استوالي جفاف حول الفم ما ادري اكيد منها
البودره من زين الاتات لان فيها فيتامينات ولا اطلع لي حبوب … كنت استخدم ماركات بس اليوم الثاني ويهي كله حبوب…….. ما استخدم كريم الاساس
في غسول كنت استخدمه اسمه زنيك واايد حلو للبشره الدهنيه المشكله ان الصيدليات اللي عندنا ما عندهم ف ودرته
حاليا استخدم صابونة ميدمكس
وطبعا ما سك اليمامه من ام عبدالله واايد حلو اخلطه مع عسل وليمون فنان مغذي للبشره جذي حسيته
وحق المسامات سويت تقشير كيميائي بس ما فاد عقب فتره رد كل شي كاني ما سويت شي
بس صدق يوم استخدمت الروكتان ارتحت بس مثل ما قلت كل شي يرد ؟؟؟
مرحبا الساع يا كشيخه بوظبي
حبوب الروكتان يمدحونها ولكن لها سلبيات ,, وهي تنعطى للي بصراحه يأسوا من الحبوب اللي فويههم
مثلا جفاف الويه ممكن تتخلصين منه بإستخدام مرطب زين و ايضا يسبب التشققات للفم ولازم تحطين مرطب للفم من roc مثلا
وحد يتساقط شعره من الحبه وحد لا يعني حسب ,, عشان جيه لازم تعتنين بشعر فتره اذخ لهاي الحبوب
شفت نوعين من البنات
حد ينص ويقول كملت 6 شهور وصفى الويه
وحد ما ينصح لان حالته النفسيه تعبت من تساقط شعر و آلام و غيره
يا ترى شي بديل للروكتان
هذي البنيه يزاها الله خير حطت تجربتها البــــــديــــــــــل للحبوب هاذي وهي من منتدانا
المشاركة الأصلية كتبت بواسطة AD Classic 
الســلام عليـكمــ ورحمه الله وبـركـاته ..
بغيت اكتب تجربتي وطريقة تخلصي من الحبوب والدمامل ..
في البدايه ..
ماشاء الله ولا حول ولا قوة الا بالله .. وبليـز اذكرو الله ..
لأني عانيت من قبل ومابغي اعاني مره ثانيه ..
بس من حبي لكمـ نزلت تجربتي عشان الكل يدعي لي ويستفيد منها ..
بخبركمـ بسالفتي .. بنات انا ويهي ماشاء الله كان صافي .. مافيني شي ..
فجاه من دون مقدمات صار يظهر عليها حبوب .. ومب اي حبوب .. ! الا دمامل ..
شو تعبت نفسياً .. ماشي حد ماشافني قالي اشفيج يافلانه ..؟ ليش ويهج حبب جيه ؟!
واحس منصدمين مني !!
منهم من يقول صايبتج عين قويه .. منهم من يقول تغير هرمونات .. ومنهم من يقول … الخ
المهم سرت اتعالج برع البلاد ..
استخدمت roaccutane .. والله يابنات لو اقولكمـ كم تعبت منه .. بتحسبوني ابالغ ..
بس والله تعبت نفسياً منه .. ارق .. الم في العظام خصوصاً المفاصل .. شعري يتساقط ..
هالاعراض الظاهره غير الاعراض اللي تصيب في المستقبل .. اللهم عافنا يارب ..
المهم مابطول عليكمـ .. سألت ودورت وايد .. المهم ..
نصحوني استخدم المُره ..
وهذا صورته ..
يعتبر المُره مضاد حيوي طبيعي ..
ع فكره .. الاسود سام .. لازم تنتبهين وتشترين اللي لونه عسلي ..
ولازم يكون الحجر صافي ماتحسين به شوائب ..
طريقتي كانت .. بما ان الكل قالو لي عيــن .. قلت خليني اخذ ماي مقراي ..
خذيت لي ماي زمزم مقراي .. مقدار غرشه مسافي الصغيره ( اصغر غرشه عبوة الرياضيه )
غسلت المُره بالماي العادي .. بشكل خفيف عشان لو فيه غبار او شي يظهر منه ..
وحطيت كسره متوسطه تقريباً .. او يمكن نفس الحجم اللي في الصورة ..
حطيتها في الغرشه اللي فيها الماي وخضيتها عدل .. وخليته كمن يوم .. ماذكر كم ..
بس لين لاحظت الحجر كله ذاب ..
وصرت كل يوم احطه منه ..
اخذ قطنه وامسح به ويهي بالخلطه اللي سويتها ..
ثلاث مرات في اليوم .. الصبح , العصر او المغرب , قبل النوم ..
ملاحظة : لا تسوين الخلطة بمقدار كبير ..
سوي بمقدار يكفيج اسبوعين بالكثير .. وعقب سوي مره ثانيه .. الافضل يعني ..
ويحفظ في مكان بارد ( كنت احطه في الحجره بما اني ما ابند المكيف )
وماشاء الله تبارك الله لاحظت الفرق في فتره بسيطه .. في اسابيع قليله ..
الحبوب كلها اختفت .. و رد ويهي صافي ماشاء الله ..
اللي يشوف ويهي مايتوقع ان ظهر لي كل هالحبوب .. 
بليـز اذكرو الله .. وقولو ماشاء الله ولا حول ولا قوة الا بالله ..
ادعو الله يفرج همي .. ويوفقنا انا واختي في حياتنا ..
وييسر لنا امورنا إن شاء الله .. ويرزقنا اللي نتمناه من حيث لا نحتسب ..
اللي عندها استفسار .. ياليت تحطه ع العام ..
..
على فكره هي مضره للحمل ,, يعني المعرسات انصحهن يبتعدن على هذا الدوا
لا تيأسين فديتج وتسيسرين صوب الكيما ويات ,, استخيري فديتج وجربي المره وايقني بأن الله بيشفيج واستمري عليه اوكيه
وان شاء الله امورج بتنحل
حياكن يا بتوتات
حـآلـياً مـآ أستخدم أي منتج لآ غسـول ولآ غيره
أستخدمت قبل منتجـآت ديرمالوجيكا (غسـول + كريم الترطيب + سكراب + فيتامين ليلي) بس من خلص الغسول قطعت البقية وما كملت العـلآج
تنظيف بشرة أسـويه بين فتـرة وفترة عند مركز الأمـوآج اللي على بحر الخـآن
طلعت بشرتي حساسة وحذرتني الخبيرة ونبهتني أقلل من الحلـويآت والـسبـآيسي فـود والهمبـآ لأنهـآ تكون حـآرة ع البشرة
حـآليـاً عندي حبوب ع الخفيف وآثـآره تـآمـة تعبت من بشرتي كل من شـآفني قالي بـلآه ويهج
أنـآ قريت في المنتدى كـذآ وحده يستخدمون غسول ريكسول C للبشرة الدهنية ممكن اللي يستخدمونه يخبرونا أكثر عنـه و وين ممكن نحصله والسعر !!
السموحه مـآ عندي شي للإضـآفة بس أكيد بنستفـيد من تجـآربكم بنـوتـآت
انا بشرتي مختلطه وفيني اثر حب وحب شباب
وحالين استخدم صابونت ديتول وتقشير رتن اي ومضاد حيوي بس الحمدلله اسبوعين وكل شي راح عني بس باقي اشر الحب
وعشان الترطيب انا استخدم من بودي شوب مرطب للبشره الحساسه لونه ابيض
واستخدم الماسكات روب شرات ماقلتي وااااااااااايد حلو وبرد على الويه
اصراحه حلو ايد الي تستخدمينه لي سد المسامسات بس نصيحه مني لج دام بشرتج دهنيه لا تستخدمين اكريم اساااس سأل بعدي عنه نهأين في عند كمبكت بودره وايد حلوه للبشره الدهنيه وعندج الكريم الاساس المضغوط هذا ماخلي الويه ازيت او يعطيج تشقاق
وبعدي عن الكريم الاساس السأل لان يدخل في المساس وسبب حب في البشره
والله يوفقج ياربي
المشاركة الأصلية كتبت بواسطة رشـة عطر مرحبا الساع يا كشيخه بوظبي
حبوب الروكتان يمدحونها ولكن لها سلبيات ,, وهي تنعطى للي بصراحه يأسوا من الحبوب اللي فويههم
مثلا جفاف الويه ممكن تتخلصين منه بإستخدام مرطب زين و ايضا يسبب التشققات للفم ولازم تحطين مرطب للفم من roc مثلا
وحد يتساقط شعره من الحبه وحد لا يعني حسب ,, عشان جيه لازم تعتنين بشعر فتره اذخ لهاي الحبوب
شفت نوعين من البنات
حد ينص ويقول كملت 6 شهور وصفى الويه
وحد ما ينصح لان حالته النفسيه تعبت من تساقط شعر و آلام و غيره
يا ترى شي بديل للروكتان
هذي البنيه يزاها الله خير حطت تجربتها البــــــديــــــــــل للحبوب هاذي وهي من منتدانا
على فكره هي مضره للحمل ,, يعني المعرسات انصحهن يبتعدن على هذا الدوا
لا تيأسين فديتج وتسيسرين صوب الكيما ويات ,, استخيري فديتج وجربي المره وايقني بأن الله بيشفيج واستمري عليه اوكيه
وان شاء الله امورج بتنحل
حياكن يا بتوتات
هي فديتج انا واايد لعوزني الروكتان وطبعا من سنتين انا معالجه
وحاليا اعتمادي عالمره