تجمع للي تعاني من التكيس تجاربكم 2024.

حيالله امووره انا شرات حالتج .. بس انا كان بسبب اهمال طبي عطوني كلوميد وانا كنت

ماشاء الله احمل طبيعي .. وسبب لي تكيس .. لكن الحمدلله على كل حال .. قدر الله وماشاء فعل ..

والحمدلله شفييت منه .. بعد معاناه لايعلمها الا الله ..

عزيزتي نصيحه عن تجربه 3 شهور كلوميد وابر وخرابيط ولا حمل والنفسيه لايعلمها الا الله

استخيري وتووكلي الي فادني الحجامه والبردقووش بعد الله ..

وهاي قصة شفائي

https://forum.uaewomen.net/showthread.php?t=420101

وانا بعد كنت اراجع عند دكتوره فوفو وعطتني كلوميد وبعد مدت العلاج بالكلوميد رجعت عندها وسوتلي صوره عشان تشوف التبيض وقالت اوكيه استجبتي للعلاج بس فيه تكيس بسيط بس قالتي عادي يستوي حمل بس انا خايفه ما با احمل والكيس موجود شوه اسوي موعد الدوره 28-3
فيه علاج ينزل التكيس غير الحجامه والحبوب ابا شي طبيعي

مادري فيه سبب ريجيم ورياضه بس مايشفيج نهائيا يعني ممكن يصير حمل طبيعي عرفتي

بس حتى لو صار حمل لازم لو فيج تكيس لازم مثبتات .. لان الي فيهم تكيس معرضين للاجهاض

اكثر عرفتي .. عشان جي احس الوحده تتخلص منه وعقب تحمل ..

بس اخت ريلي ماشاء الله فيها تكيس واستجابت للعلاج وحملت وربي ثبت حملها طبعا

كانت تاخذ الدوفاستون دبل كانت تاكل حبتين حبتين عرفتي ..

وربي يثبت حمل كل حامل يارب العالمين ..

حتى انا مو متزوجه وفيني تكيس مدري ليش بس انا سمعت الحجامه والقسط نبات شعبي يخوز التكيس وينزل الهرمونات بصراحه بجرب القسط

والسموحه

انا عندي نكيس وقالت لي الدكتوره من زيادة الوزن
ووصفت لي كلوميد وابر
وسرت اشتريت الابر وجهزت نفسي اني اخذ الابر
بس في اللحظه الاخيره صارت ضرزف حالت اني ما اخذها…
وقلت بنتظر شوي هالشهر لانه احس فيني ويع شرات اللي حسيت به في حمالي الاولي <<لاني طيحت
وطبعا دورتي مش منتظمه ومايصير عندي تبويض الا بأدويه وخرابيط…قلت بريح جسمي طشونه شهر وخطف الشهر واحيد اخر دورة لي كانت 53 ويترياها الشهر الياي اذا نزلت ترانيه بكمل العلاج
واذا ماشرفت بعد بكمل بس اول شي بسويه انزي تنزل وزني وخاصه انه وزني نزل واااايد…

بس تراه التكيس مايروح بصورة تامه يعني الاهم انه التكيسات الخطيره تروح والبسيطه تبقى
وان شاء الله ربي يرزقنا الحمل الصحيح الثابت التام الخلقه يااارب

مشكوره ختيه على الرد
و انا الصراحه محد شجعني عالحجامه الا موضوعج

اخاف الجأ لعلاج المستشفيات و أعقد الموضوع أكثر….

تراه انا خبروني ان الكلوميد يسبب تكيس لان يخلي المبيض ينتج وايد بويضات و طبعا مب كلها تطلع بعد الابر التفجيريه فتضمر هالبويضات و تستوي اكياس…

انا بعد اخاف احمل و التكيس موجود…اقول احسن اتعالج منه قبل لاني طيحت في حملي الاول بس ماعرفت السبب و الحمدلله على كل حال…

اذا تبين شي طبيعي و ما يضر ان شاء الله عندج الحجامه و المردقوش (هو عشبه تنظم الهرمونات و ذكرها الرسول عليه افضل الصلاة و السلام)

الغاليه انا الدكتوره قالت لي التكيس بسيط و ما يمنع الحمل بس يمكن سبب اجهاض. فقلت احسن اتعالج من التكيس و الله الشافي سبحانه.

شو هو القسط اختي؟؟؟

و ربي يشفيج و يشفيني ياااارب

انا عندي زيادة وزن بس في الفتره الاخيره وزني بدا يزيد مع اني مخففه اكل و اسوي رياضه بسيطه في البيت….قلت يمكن من التكيس لانه يزيد الوزن….

انا بعد طيحت حمالي الاول ومادري شو السبب يمكن تكيس….مع اني بعد ما طرحت سوولي التراساوند و محد قالي عندي تكيس…ف شكل التكيس تكون حديثا.

يا رب يا كريم ارزقني و خواتي الحمل الصحيح المعافى دون زيادة ولا نقصان عاجلا غير آجل يا رب.