اليوم جربت كيكة الجوكلت بالزنجبيل لمارثا ،، لذيييييذة لأبعد حد ،، وطعم الزنجبيل فيها حلو مب قوي ولا يحرق ^^
تنفع للأيام الباردة والجمعات العائلية ،، وبيحبونها الكبااار خص انه ما فيها كريمه وغيره
جربوها وشوفو النتيجة 
المقادير
نص كوب زبدة (100 جم )
نص كوب ككاو بودرة
نص كوب دبس ( انا ما كان عندي فخلطت عسل ويا السكر المحروق اللي يظهر ويا الكريم كراميل ههههه الحاجة أم الاختراع)
ثلاث ارباع كوب سكر بني
ربع كوب مااي
بيضتين
ربع كوب حليب
ملعقتين صغار زنجبيل فريش مبشور
كوب طحين
ثلاث ارباع ملعقة صغيرة باكنج صودا ( انتبهو باكنج صوردا مب باكنج باودر )
نص ملعقة صغيرة ملح
ملعقة صغيرة زنجبيل بودرة
ملعقة صغيرة قرفة
الحين الطريقة،،
حطي الزبدة + الماي + الدبس + السكر البني في جدر ،، واخلطيهم على نار هااادية لين تذوب الزبدة ،،
هني بدت الزبدة تذووووب
وهني ذابت وامتزجت كل المكونات مع بعض ،،
خليهم يبردون شوي ،، خمس دقايق تقريبا ،، وبعدين ضيفي البيض والحليب والزنجبيل المبشور ،، واخلطي
الحين اخلطي المواد الجافة مع بعض ( الطحين والباكنج صودا والملح والزنجبيل البودرة والقرفة ) ،، وصبي خليط المواد الجافة فوق السوائل واخلطي شوي شوي ،،
رشي صينية فرن بالككاو البودرة ،، وصبي فيها خليط الكيك
ودخليه الفرن بحرارة 170 ،، وبتاخذ من نص ساعة ل 45 دقيقة حسب فرنج ^^
وهذي كيكتنا ،،
وهني صورة أقرب ،، هشة وطرية لأبعد الحدود ،،
ممكن تحتفظ بهشاشتها وطراوتها لثلاث ايام ،، وطعمها في اليوم الثاني يصير أحلى ،،
لا أتمنى غير دعوة صالحة بظهر الغيب
ياسلاااااااااااااام اول رد هههههههههههههههههههه مو مصدقه
تسلم الايادي ,,,, ومارثااا اتعيبني واااااااااااااااايد ووصفتها حلوه
يبالنا انجربها بس بدون زنجبيل ^^
والله يوفقج ان شاء الله
بجربها ان شاااء الله ،، فعلااا وصفاات مارثا روووعه ،
الله يوفقج الغلااا و يعطيج العااافيه يااااارب ،،
احب الزنجبيل ^^
ان شالله بنجربها ,,
الزنجبيل حلاااااااااااته ايام الشتاء
والله كل مره اقول بسوي كيكة زنجبيل وانشغل
يعطيج العافيه شغلج مرتب ونظيف ومضبوط بعد
ننتظر ابداعاتج حبيبتي