بنتي عمرها الحين 7 شهور ومتعبتني وايد ماترقد الا الفجر وطبعا ياتنش من الصبح او تنش الظهر واذا حاولت اوعيها ع كيفي ماتنش اتم تعاند غير جي احسها مستوية عصبيه يعني لو تيلسين تلعبين وياها تيلس اتمط شعرج او اذنج وملامح ويهها تبين انها معصبه ووايد تحب تشوف التيلفزيون
ما اعرف اذا هالشي طبيعي والا لا لانها اول بيبي عندي
اتمنى الخوات ما يقصرن ..
و إذا ضربتج ضربيها ضرب خفيف و قولي لها واوا؟؟؟ عورج؟؟ أنا بعد عورني،، عشان تفهم إن الضرب يعور و مب زين
و إذا طلبت شي و هي معصبة لا تكلمينها و لا تعطينها،، أما لو تكلمت بالهدوء،، عطيها على طول و بوسيها بتفهم على طول الرسالة
ترى اليهال ماشالله عليهم أذكيا و اللي يقولون يهال ما فيهم مخ،، غلطاااانين،، فيهم مخ ماشالله و يدرسونا عدل
بالذات الصياح،،، لو خليتوا الياهل يصيح و بعدين تعطونه اللي يبا عشان يسكت،، بيصيح كل مرة،، المفروض يوم يصيح لا تعطونه ، أما لو طلب عادي،، هني تعطونه على طول عشان ما يبدأ يعاند و يصيح
شوي شوي افهمي عليها،،، حاولي تشترين كتب عن اليهال و اقري و إنشالله بتتحسنين
اما الرقاد لازم تنظمين رقادها عشان أنتي ترتاحين و تحصلين لج وقت مع عمرج أو ريلج أو لحياتج
مثلا أول أنتي ما تنشين و تغتسلين و جي يعني عقبها بساعة سيري واعي بنتج،،، شليها وديها الحمام بدلي البامبرز أكيد بتنش و أكليها و جي،، و فالليل رقديها من وقت يعني الساعة 8 خلاص تكون نايمة،،،، بس مب تنش العصر و عال 8 ترقدينها ما بترقد طبعا،،،
الله يوفقج
بس اظن مجرد فضوول تمط شعرج اكيد ما تفطن لسوالف الغياض و الضرب بعدها 
و يمكن ملامحها تبين معصبه هاي ردة فعلها يمكن مستغربه او شي،، تعرفين اليهال يستشكفوووون
و حاولي تخليها بعيد عن التيفزون توها بدري عليها =)
الله يعينا على تربيتهم يارب
وقلت في خاطري يالله بعدهم صغار ما يفهمون شي
بس والله فعلا صدقها
اي وقت تصيح طنشيها عالاخر ومول لا تعطينها اللي تباه
واذا سوت شي. غلط بققي في عينها الياهال يخافون من نظرة العين
هي من نظرة عينج إلحاده بتعرف انها غلطت ومرة مرتين ثلاث ما بتعيدها
بس يعني شوي شوي عليها بعدها صغيره
وعن الرقاد انتي نظميلها رقادها وحطيلها اوقات ترقد فيها واوقات مستحيل ترقد
يعني نششيها الصبح عالعشر او 11 ،، الظهر عقب الغدا خليها ترقد ساعه مب اكثر
وقبل المغرب ساعه وخلاص من الساعه ست ماشي رقاد مووول وترقدينها 11
واذا نظامج غير تبينها من 9 راقده
رقديها عقب الغدا اكثر عن ساعه يعني مثلا من 1 لين 3 وعقبها ماشي رقاد مؤول لين 9
اشغليها خل تلعب الحين الجو حار اترسيلها حوض برع في الحوي وخليها تلعب
يمكن فالبدايه بتشوفين انها ما تقدر تقاوم أتم 5 او 6 ساعات واعيه ما عليه خليها ترقد 20 دقيقه وقوميها
انتي تقدرين تتحكمين في رقادها فالبدايه بتتعبين وهي بتتعب بس اول كم يوم وعقب خلاص *بترتاحين
الله يعينا عالتربيه خاصه هالزمن وايد صعب
الله يجعلهم صالحين ويحفظهم
ربي يحفظها
يختي انا ولدي 9 شهور ويمط شعري
بس انا ما اهتم فيها الشي ولا اعطيه اهتمام يوم يمط شعري
لان هاي المرحله يحبون يكتشفون
ومثل ما قالوا الخوات حاوي واتنظمينوقت ارقادها
هي ما تعرف العناد هي بس تصرفات عفويه.
اذا حسيتي انها معصبه أحظنيهاوقولي لها انج تحبينها وبوسيها وعطيها لعبه وغيري الموضوع اللي معصب فيها