تركيا أرض السحر و الجمال 2024.

السلام عليكم و رحمة الله و بركاته .. شحالكن سيدات الإمارات ؟

حبيت اسوي ها التقرير البسيط عن رحلتنا ل تركيا

الرحلة كانت من تاريخ : 97 إلى 167 2024
على طيران الامارات و بالتحديد طائرة البوينج 777-300اير بص
الوجهة تركيا ..إسطنبول الجزء الأوروبي

__________________________________________________ ________
اليوم الأول :الجمعه 9يوليو …
يدق الشوق في قلبي دفوف — تهيأ للسفر وقت المصيف

و صلنا مطار دبي الدولي قبل الموعد بوقت وايد و كان ع التيرمنل 3

ما صورت وايد صور في المطار و الأغلبية كانت شخصية ..

خط سير الرحلة

إماراتي يا أغلى من سكن ذاتي يعل اسمج دوم عالي و تبقين لي مسكني و داري

و أول ما وصلنا مطار تركيا .. طبعا الإجراءات العادية يعني الفيزا و ناخذ شنطنا .. لكن أول ما طلعنا من باب المطار .. هبت علينا نسمة بارده ..(هذا الجو و لا بلاش ) و كان في رذاذ مطر خفيف "نفاف" و الله جو يرد الروح ..

صور من السيارة ..

علم تركيا .. (41):D:

أسوار القسطنطينية
" قال رسول الله صلى الله عليه و سلم :" لتفتحن القسطنيطنية فلنعم الأمير أميرها و لنعم الجيش ذلك الجيش".

وصلنا الفندق .. يبعد عن المطار قرابة الساعه ..بس الخط من المطار لمنطقة التقسيم (المنطقة اللي سكناها ) بروحها جولة لأننا شفنا أجواء الشارع التركي و نظام حياتهم العادية ..

(الصور التالية عرضها تم التقاطها في يوم غير اليوم الأول ) اول يوم ماكنت رايقه حق التصوير (99):LOL

الشارع اللي فيه الفندق .. نحن اتفاجأنا يوم وصلنا أن في فندقين لهم نفس الاسم و يمب بعض و الثاني فرع الاول لكن الاول 5 ستارز و الثاني 4 ستارز .. نحن حاجزين من مكتب سياحي وعبالنا ان حاجز شرات اللي بالنت يعني اللي 5 ستارز لكنه طلع حاجر الثاني XP

الشارع هذا جنب ميدان تقسيم و لها السبب دايما يكون مزحوم لأن منطقة تقسيم فيها فنادق و أغلب السياح يسكنون هناك و في مترو اللي يربط المنطقة بالمناطق الثانية شرات كبتاش اللي فيها المينا اللي يودي جزر الأميرات .. و خط ليفنت اللي يودي حق المولات … و الأهم حذالها شارع الاستقلال المشهور بمحلاته و كافيهاته

هني كانو مسوين عرض عن كتاب حتى لمن سرنا الجزء الأسيوي شفنا ناس بعد يروجون عن كتاب

… بالليل تمشينا و تعشينا في واحد من مطاعم الكباب و الكفته اللي عندهم لكنني ما صورتهم
بس الجوو بالليل كان أحلى و أحلى نزل مطر (طاح المطر بيد الله كسر حوي عبد الله )
وهي نهاية اليوم الأول
__________________________________________________ ______
في تركيا كانت أغلبية سيراتنا بالمترو و الترماي و ما سرنا بالتكسي إلا يومين

ترقبوو اليوم الثاني ( منطقة السلطان أحمد ) و الصور فيه أكثر و (بروفيشنال> مصدقه عمري خخ) >كنت رايقه حق التصوير

والتقرير يا في وقته،،،