أولا الف مبروك عليكم الشهر…والله ايعوده عليكم بالخير ان شاء الله..
المهم اذا بتقولونلي الموضوع مكانه في قسم المواضيع الدينية برد عليكم مابكتبه اهناك لانه نادر من البنات ايدشن القسم..و بعد الموضوع يخص التنمية البشرية و تطوير الذات و الشخصية.
الله يرحم والديكم الحرمة مش ملزومة بالصلاة في المسيد صح مش مثل الريال ..بس لو راحت للمسيد لازم اتكون رايحة و على الاقل اتكون عندها فكره عن التصرفات الصح و عن الصلاة في المسيد…الي خلاني اكتب عن هالموضوع و هو الاتي..
انا و خواتي من فتره صارلنا والحمدالله انروح انصلي العشا و التراويح في المسيد …بس سيرة البارحة كانت غير…الله بلانا ب 3 بنات من جاليه عربية! مادري اول مره ايدشون مسيد (الله يهديهم)
3 بنات ماخذين مكان 6 حريم للصلاه… و ماعاطين مجال لاي حد ايدش مابينهم… لين ما حرمة كلمتهم وقالتلهم سوو مكان…للخلق لانه حرام..و سولي انا و خواتي الاثنين مكان و الحمدالله…
بس اتخيلو يالسين ايصلون جماعه ويانا..بس كل وحده في وادي..الامام يقرا الفاتحة..هذي تركع و الثانية تسجد و الثالثة اتسلم!!!!!!!!!!!!!!!! وباقي الخلق تابعة الامام.
الحمدالله خلصوا ماعرف اي صلاه و تبعوا الامام ويانا..وحده منهم عدالي… يالسة تقرا الفاتحة.. و يالسه "اوف" و "اوف" و "اوف" اتخيلي اختي اتصلين و تبغين اتركزين في صلاتج ووحده قاعده تتأفف و هيه تقرا القرآن!!!! تقرا أيه و وراها كلمة "اوف".
استغفرت ربي و كملت الصلاه…الركعة الي عقبها قعدت هيه و الي عدالها يلعبون بايديهم و ايجيكون على ايديهم و ايعدلون ثيابهم …اشوي قلت والله لا ايودرون الصلاه و ييلسون ايسولفون يا بعض!!
انا الي اشوفه اذا الوحده ماعندها فكره عن الصلاة في المسيد و كيف تتبع الامام و شو شروط صلاة الجماعة..تسأل تقرا في كتاب تسأل مطوع او على الاقل حد من اهلها ..اخوانها ابوها ريلها ..
شو الصح في الصلاة و شو الغلط!
لانه مب زين…ولا في النهايه و الختام اتذكرت بعد اخر موقف..وحده من الحريم الي هزبتهن على "احتكار المكان" طالعتني محرجة جان اتاشرلي على وحده ورايه واتقول "ظهرها ظاهر" هيه قصدها شي ثاني بس والله انها حرمة حشيم استحت اتقول شو الي صدق كان ظاهر.
و ماقصرن الحريم في الحرمة غطوها و ستروا عليها علشان اتكمل صلاتها بس بعد ترى الستر زين…واتحملوا خواتي عدد محترم من البنات الي ايين ايصلن يامعتهن اتكون ظاهره لانه الشيله قصيرة و غيره…والله يستر علينا في الدنيا و في الاخرة.
و هذا الي عندي…خواتي الي عندكم خبره في الصلاة في المسيد لا تحرمنا علشان الكل يستفيد..
بصراحه اصلي في البيت وايد ارحم لي
والله يااختي الي شفتيه وقلتيه شي بسيط
انا بصراحة من سنتين اصلي في البيت براحتي
لانه الواحد رايح يصلي يتفاجا انه رايحة يعصب ويتضارب
مع حريم الله يهديم مالهم خص بالصلاة
مثل ماقلتي كانهم رايحين حديقة
غير الروايح التعبانه غير صريخ ولعب اليهال وتخطيرهم المصلين
والله ساعات مانسمع الامام يوم يقرا
انا ريحت راسي وخذت اجري بصلاتي في بيتي