ومحلاته موجوده في دبي(وافي سنتر) وفي الشارجه(ستي سنتر-صحارى سنتر)
وفي عجمان(ستي سنتر)
اشترت مجموعه بس توني باديه اجرب بس على كلاامهم مضمون 100 بالميه واذا مافي نتيجه تردينه حتى لو مخلص وطبعا البياعين شاااطرين في الكلااام انا ماذكر الاسعار بس بحاول احط اسعار تقريبيه لان المجموع طلع 900 درهم
وياليت من البنات الي جربو يعطوونا خبرااتهم لاني انا من كثر مااا رمس البايع دااار مخي وقفلت خخ
بسم الله
اول شي بتكلم عن صابون الخلطه الملكيه (لتبيض الاماكن الداكنه) الي اذكره قالي بعد السبوح احط منه لكامل الجسم او مناطق داكنه في الجسم واخليه دقايق مثل 5دقايق وارد اغسله وزنه 200غ
وهاي صورته
………………………………………….. …..
وفيه صابونة المبيض
تستخدم لتنظيف الاماكن الداكنه في الجسم وتساعد على ازالة السواد النتاج عن احتكاك الجلد بالجلد
انا خذت وحده وعطاني 2 مثله هديه ووزنه 100 غرام
وهاي صورته
………………………………………….. ……
بعد الاستحمام في طريقه يا تحطين زيت( مساج طبيعي بالبابونج) وريحنه فضييييعه روعه الصراحه اتم فتره طوييله في الجسم عادي يومين
وطريقته يا انج اتسوين بانيو وترشين منه كمن رشه في البانيو وتتنقعين او بعد السبوح اتنشفي على الخفيف ورشي جسمج وخليه 3 دقايق لين ينشف وتلبسي عادي
وهاي صورته والمنتج طبيعي 100 في الميه
…………
او تستخدمين زيت(مساج طبيعي مسك حماده)
وهو زين للتشققات وطبيعي وريحته بعد حلوه
وهاي صورته
………………………………………….. ….
صابونة اللوز المر
تستعمل لتغذية وتنعيم البشره خاصة الجافه وطريقتها تفرك على الجسم وبعدين بيرغي الصابون نقعد نتفرك بالرغوه عدل وبعدين نتسبح عادي
وهاي صورته
…………………………………………
اني الحين لبشرة الويه
صابونه الخلطه الملكية(الكركم) وتستعمل لازالة التبقع عن الوجه وتساعد على تخفيف النمش
وطريقتها تغسل بها الوجه وتدلك وتترك دقيقتين وبعدها نغسله
الكريم (العلبه السودا) يوضع بالليل(كريم غذاء البشره)
وهو شوي زيتي
وهاي الصور
…………………………
وفي الختام صابونة كثير مميزه وعليها طلب وكانت اخر حبه من نصييبي
صابونة البدر وريحته عن جد روعه ومثيره عشان جيه عليها اقبال كبيير
طريقة الاستعمال تفرك على الجسم لترغي جيدا وتدلك الرغوه ليتشبع الجسم وثم يشطف
وهاي الصوره
وفي الختام سلاااااااااااااااااااااااااااااااااااااام واي بنت بليييييييييييز الي جرب يخبرنا لاني توني في بدااية المشوااار
ماعليه انتي بعد جربي وخبرينا بالنتايج
للرفع