شرايكم نتشارك عن اللي تستخدمونه بالمستشفى بعد الولادة
– لبسكم شو يكون وكيف تفضلونه؟ تلبسون شيله والا لا؟
أنا كنت أخذ جلابيات خفيفة مفتوحه من جدام بس هالمرة أبقي أغير بشي حلو وبنفس الوقت مريح للطفل ولي لأنه بعد الولادة المربيه تحس بالحر وايد
– أكلات للتقديم أو خفايف والملحقات الخاصة؟
لأنه فيه ناس أعرفهم مايخلون شي ماييبونه مثل هريس وفريد ووووووو
أحس المكان تستوي ريحته أكل وبنظري ماينفع للمستشفى يكفي فطاير ومعجنات وصينية حلى
شرايكم نعطي أفكار عشان نفيد بعض أكثر والله يتممم على كل حامل بالخير
بالنسبة للاكل .. انا مثلج احاتي هالموضوع ..و فكرت اسوي طلبيات صواني فطاير ومعجنات .. شي محل بجمعية الاتحاد التعاونية بالصفا .. نسيت شو اسمه بس يسوي هالفطاير والخفايف .. 
نفصل كنادير بشيلهن … ويكون خفاف ومريحات … للأم والنونو …
والاكل نحط فواكه وحلاوه وجاهي وقهوه وحريروه .. وعاد الي ايي عند المربي اييب اي شي من هريس وثريد او اي شي …
^^
واخذ نعال تكرمون مريح للحجرة وشو وشو بس اعتقد
ما احب ابالغ في المستشفى والبس جلاليب دانتيلات وحشرة الوحدة مالها بارض شيء
والبيبي لبس خفيف
الكشخة اخليها للبيت
وعن الاكل :
جاي قهوة حبة الحمرا لازم وفطاير وخفايف وسلة فواكة بس ما نيب هريس وفريد
لان انا ما ايون عندي المستشفى وااايد ناس واغلبهم ايلسون ربع ساعة ويظهرون الا امي واختي وريلي واخواني
اهل ريلي ربع ساعة ويظهرون يمكن عسب جي ما اسوي وااايد
اذا ايون عندج وااايد ناس سوي والبسي
و الاكل عادي ما يباله وايد .. مجرد فطاير و خفايف .. و فواكه و حلوو بعد .. و طبعا لازم عصاير خصوصا اللي بتربي في الصيف مثلي >_< و الشاي و القهوه و حليب زعفران و حبة الحمرا ..