طبعا كلنا خواتي خاطرنا نحمل
ونسعى لعمل اي شي من أجل تحقيق هالشي
ولكن كل شي بايد الله
واذا ربكم كاتب لنا نشوف عيالنا بالدنيا فالحمدلله
واذا ربكم كاتب لنا نشوفهم بالاخره فاغلى نعمه بنحصلها لانا صبرنا في الدنيا
على ها الابتلاء العظيم
خواتي…
شو رايكم …
نساعد بعضنا البعض علشان نحمل
بمعلومه لو تحسينها بسيطه
بس يمكن تكون لاختج جدا مفيده وهي غافله عنها
يعني مثلا وايدات يعانن من التكيسات، ارتفاع هرمون الحليب ، ضعف التبويض ، الاكياس، اختلال الهرمونات ….الخ
مافي افضل من الطبيعي خواتي
خلونا هني نكتب تجاربنا اللي فعلا حصلنا منها فايده ولله الحمد ونفيد فيها غيرنا
التجارب اللي فعلا طبقناها على عمارنا مب اللي سمعنا عنها بالنت
عن تجربه…
عندج مثلا الميراميه ( تنشط المبايض وتكبرها )
البردقوش ( تضبط الهرمونات وتأخذ ايام الدوره )
المشي مفيد جدا للتخفيف من التكيسات والقضاء عليه
الحجامه تعالج اغلب المشاكل اللي تعاني منها المرأة وحتى الرجل
العسل والحبه السودا ( تزيد من الحيوانات المنويه وتنشطها وتقويها )
ها اللي جربته علي وعلى زوجي
آمل من أخواتي يكتبون شو استخدموا وخلونا على الطبيعي وبس ونبتعد عن
الكيماويات ( الحبوب وغيرها )
ولا ننسى خواتي
الاكثار من الاستغفار + الصدقه + قراءة القران مب سورة معينه
وربي يوفقني ويوفق جميع خواتي
ويرزقنا جميع بالذريه الصالحه عاجلا غير اجل 
ملاحظة…
ان شاء الله على كثر المعلومات اللي راح نعرفها من هني
راح احاول اجمعها كلها ونحطها في ملف بروحه او في تجمع الصابرات
^__^
