شحالكن .. واخباركن .. وعلومكن؟؟ عساكن بخير وسهالة
تعبنا من الخلطات والكريمات والبلاوي اللي نحطها ونجربها على جسمنا وما فادت
اللي تسوي تقشير واللي تحط جلسرين وليمون واللي تبدع خلطات غريبة عجيبة واللي تاخذ كريمات واللي واللي… بس كل هذا ما فاد .. والسودة بقت مكانها ( قصدي لون الركب والكوع)
وحليلها اللي معرسة اكثر وحدة متازمة من هالسالفة .. خاطرها تكشخ لزوجها بس مستحية يشوف هالسواد ):
يقولكن وانا يالسة اتمخمخ وافكر لكن بطريقة للبييض .. وانا يالسة بالسيارة… افكاااار رايحة وافكاااار رادة … بالاخير لمعت فوق راسي اللمبة
شو تتوقعن الطريقة >>> ذليتكن صح
الطريقة ربي يسلمكن ومافي احسن منها والكل يشهد بمفعولها وهي سهلة جدااا جدااا وما تاخذ غير ثواني .. بس لها سيئة وحدة بس وهي انها ما تطول يعني اول ما تغسلين ركبج ترجع شرات قبل >>>> بس شو نسوي شي احسن من لا شيء
زييييييييييييين انا عندي الطريقة طبعا للمعرسات << واللي مب معرسة وتبا تسويها عادي مافي مانع
بعد ما تسبحين وتتعدلين وتحطين كريماتج وتكشخين ييبي (كريم اساس) وحطيه على ركبج وادهنيها وشوفيها كيف بتبيض وتصير ولا احلى.. وفيه بعد الرش اللي ينباع في كارفور مادري شو اسمه ينفع بعد
واتمختري جدام ريلج وانتي واثقة من عمرج .. وبلا كريمات وخرابيط وتضييع وقت
ها شو رايكن؟؟؟؟؟ حد يوافقني الراي ولا !!!!
بس ش الفايدة عقب يرد يسمر .. يعني ما يروح السمار ..
بس طريقتج تنفع ف حالة الازمات ..ليين يروح السواد .
تسلميين غلاتي . 
اتصدقيييييين انا يوم اقرا مواضيع البناات بخصوص سواد الركبه اتيي على بالي هاي الفكره.. مافي اسهل منهااااا
خخخخخ ياا عيني علييييج[/SIZE]
والله فكرة روعة
بطبقها كل يوم
تسلمين غناتي