تقدم لي واحد ومشكلتي مابعد الاستخاره مادري هل تعتبر مشكله ؟! 2024.

السلام عليكم ,

بدخل بالموضوع ع طول ..

انا قبل فتره تقدم لي واحد ..

بس كنت خاايفه من داخلي وايد .. ورافضه موضوع الزواج كلياً ..

خصوصا اني ادرس .. وماكنت ابغي شي يشغلني عنه ..

المهم ..

استخرت .. ورديت عليهم بالموافقه .. عقب ما اقتنعت بكلام اهلي ..

الريال ماشاء الله مايعيبه شي .. واهله ناس طيبين ..

بس طبعاً عقب الموافقه كنت رافضه من داخلي بس كنت موكله امري لله ..

والله كنت متضايجه واااايد .. .. كنت احس الموضوع هم ع قلبي !

بس كنت احاول أهيئ عمري للزواج والريل وغيره ..

يوونا اكثر عن مره .. مبين انهم شارييني .. خاصه امهم .. بشهاده الكل

و ع اخر زياره ..

كان الكلام بين الرياييل .. يحددون فيه المهر والزهبه .. واللي نطلبه ..

نحن طالبين منهم الزهبه والمهر مبلغ معين ..

ابو الريال في الميلس كان مُصّر ع مبلغ معين اونه نحن هذي عاداتنا .. !

وكان يقول اشياء غريبه ماتدخل العقل .. بس ماحب اقول ..

وطبعاً ما اتفقو بين الرياييل ..

بس قلنا لهم اعطونا كم يوم نفكر فيه وانتو فكرو بالموضوع بعد لأن الدنيا غاليه ..

نفس هاليوم انا صليت استخاره بعد ..

والله حسيت براحه عمري ماحسيتها وسعاده ماقدر اوصفها لكم !!

حسيتهم انهم خلاص بيكونون اهلي في المستقبل ان شاء الله .. واقتنعت فيهم 100% ..

وعقب كم يوم اتصلو فينا وصار الرفض ..!

انصدمنا كلنا !! .. ماكنا متوقعين الرفض ابد ..

المهم مشكلتي الحينه ..

اني للحينه مرتاحه من صوبهم عقب الرفض ! ماعرف ليش ..؟

للحينه صار للموضوع فتره .. هل هالشي طبيعي ؟

وهل فيه وحده صار لها مثلي ؟؟

هلا حبيبتي انا ما اعتبرها مشكلة بالعكس يمكن هالشي يكون لي خييير عشان جي ربج ما كتب لج نصييب
ويمكن ربج يعوضج باحسن منه ولا تحاتيييين

امبين ما لج نصيب ويااهم
بما انج استخرتي و صار جيه يعني ما فيه خير لج

لا تزعلين حبي ^_^

اساسا اختي صلاة الاسختاره مش شرط ترتاحين ولا ما ترتاحين.. .. يعني صلي استخاره وان شاء الله الله يوجهج لطريق الخير .. اذا مشت الامور مسهله يعني ان شاء الله من نصصيبج .. لكن اذا تعرقلت فلا تزعلين ان شاء الله الله بيرزقج واحد احسن عنه

انا ترا ماخذه الموضوع Cool .. يعني مب متضايجه او زعلانه او شي من الاشياء اللي تتوقعونها ..

بس انا مستغربه للحينه .. ليش ارتحت وايد يوم استخرت اخر مره !

وانا بعدني صغيره .. عادي ما احاتي

مثل ما قالوا البنات اذا ارتحتي بعد الاستخاره مب معناته انه هو نصيبج
اذكر وحده اعرفها تقدم لها واحد وشافت بالحلم بحر ومثل ماتعرفون البحر يعني خير وكانت تحس بالسعاده وغيره بس سبحان الله ما صار نصيب بينهم