لقيت العرض في موقع الفندق باربعة الاف وخمسمية مع الفطور والضرايب
حجزت واتصلت بهم اسالهم اذا يرتبون حركات وورد لمناسبة رومانسية قالوا ب 2200!!!
قلت حرام كل هالخسر خلني برتب روحي بشطارتي
وعندهم عرض ترتيب الجاكوزي ب300 درهم بس ماخذناه بعد
المهم وصلنا الفندق الساعة هنتين ومن عند البوابة عالجسر وقفنا الهندي يجيك اذا اسمنا موجود بورقة الحجز ولا ما بيدخلونا !! يالله بالستر .. داشين بيت الحاكم نحن ولا شو مادري
لما وصلنا الباب كانوا يستقبلونا ويرحبون فينا ويزقرون ريلي باسمه لان الهندي الي كان عالباب قالوا اسمنا.. وخذونا صالة استقبال وعطونا فوط مبلولة بماي بارد عشان الحر..
عقب يتنا المظيفة (طيارة مب فندق) وقالت السويت مب جاهز بس اتفضلوا عالكافيه اشربولكم شي ع حساب الفندق
صورة الكافيه والأكل
لقطات من بهو الفندق قبل ما ندخل الغرفة
بكمل لا تردون
كنا ساكنين بالطابق ال14
والجدير بالذكر ان فيه مكتب جيك ان وجيك اوت في كل طابق
ويخلصولك الاجراءات وانت فالغرفة مرتاح
هذا مخل السويت والدري المؤدي لغرفة النوم
ويكون عبارة عن صالة وغرفة طعام تحت وغرفة النوم والتبديل والحمام فوق
لاحظوا الساعة بالليزر عالجدار
فيه حمام بعد تحت عند المدخل
مكتب حاطين عليه لابتوب وفاكس وطابعة،
تستخدم النت وتطبع ورق وتطرش فاكس ببلاش
كانوا حاطيلنا عصير وفواكه وتمر وشوية ضيافة
الحلو ان كل شي فالسويت تتحكمين فيه بالرمونت
الستاير وفتح الباب والتلفزيون وغيره
ولما حد يدق الباب يطلع ع شاشة التلفزيون سواء فوق او تحت
وتكبس الزر وتفتحله وانت في مكانك
والمنظر مطل عالبحر .. والتلفزيون يختفي ويطلع بكبسة زر
صور الحمام والجاكوزي
وكانوا حاطيلنا عطور ولوشن من ماركة هرمز هدايا
ان شاء الله استانستوا
بس الصور كبيرة انحولت وانا اطالعها ممكن اصغرينها شوية
بس عيبني المكان ان شاء الله بسيره