تم حل المشكله بفضل من الله ثم نصايحكن 2024.

للأخوات اللي ماقروا الموضوع السابق ممكن تقرينه على هذا الرابط اسفل الموضوع
وبناء على رغبة الاخوات لمعرفة نهاية المشكله

الحمدلله انحلت المشكله
بغيت اطمنكم ان بعد خلافات ونقاشات وفترة مقاطعه بين الاثنين
الزوجه الثانيه استخارت ربها ودعته من من كل قلبها ان يفرج همها وتوكلت عليه وفكرت بحل ثاني ، فكتبتله رساله عبرت فيها عن كل اللي في قلبها تجاهه من مشاعر غضب وحزن وندم وحب بدون ترتيب وتركتها له على المخده ماله
والحمدلله الله ما خيب رجاها ، زوجها قراها ويلس مع نفسه و فجأه غير رايه واعتذرلها
وحلفلها ان السبب الرئيسي هو المال وما كان مراعي لمسألة الايام او البلد المختار وقالها اختاري البلد والوقت اللي يرضيج علشان اثبتلج اني ما أفرق بينكم
المهم هي رضت عليه وقبلت اعتذاره واختارت البلد ورتبت السفره بنفسها والمده اللي ترضيها وفي نفس الوقت تناسب ميزانية زوجها ، ووعدته بان هي بتبدأ توفر مبلغ شهريا للصيف الياي علشان يسافرون البلد والوقت اللي يبونه بدون مراعاة للميزانيه
وبالنيابه عنها اشكركم على تفاعلكم مع الموضوع وتعاطف بعض الاخوات معاها
وفي النهايه الاختلاف في الرأي لا يفسد للود قضيه

الحمدلله أختي ومبروك لربيعتج

بس مافهمت عنوان الموضوع ممكن تفهميني وشو علاقته بهالكلام اللي يفرح

الله يصلح الحال يارب

الغاليه كان الموضوع الاولاني نفس العنوان

ماشاء الله

خبر يفرح

الله يخليهم لبعض ان شاء الله صبرت و نالت

الله يهدي سرج يا اختي

كنت افكر فيج من كم يوم

الحمد لله ان امورج افضل

الحمد الله يا بنات والله اني ما احب اسمع وحدة متزاعله ويا ريلها والله احب ان كل وحدة اماراتية تكون مستانسها ويا ريلها اعزكم يا بنات بلادي