جفاف حياتي الزوجيه ساعدوني 2024.

هلا حبيباتي شخباركم ابي تنصحوني انا متزوجه من خمس سنين والحمدلله ما امدح نفسي بس انا قايمه بمتطلبات زوجي وعيالي والحمدلله كل الي في بالي سويته حق ريلي يعني عزايم جو رومانسي و الخ بس المشكله الحين احس من شهرين انه في جفاف في حياتنا الزوجيه يوم نيلس رباعه مانسولف جنه غرب وماعرف بشو اسولف حتى بديت احس ريلي انه يتجنب ييلس عندي كله عند العيال يلعب معاهم وعلى اتفه الاسباب نزعل من بعض شورن علي شو أسوي عشان اغير انا وياه جو لانه هو مضغوط من اهله وانا نفس الحاله ساعدني فديتكن احس حياتي بدت تنجلب من المشاكل الله يخليكم

مشكلتج هيه والله مشكلتي
خواتي خلنا نشوف ردودكم ونستفيد
الله المستعان على حياتنا نحن المتزوجات

غيرررروو الحياة بزعل ولامشاكل الدنياااا ماتسوى امدحى ريالج وسولفى معه وخليكم حبيايب والله

يعني انتي شراتي الله يعيين يلا خواتي افيدوني

مممممم غيري من الروتين اليومي..

مثلا سيرو تغدو بره بدون العيال..ناقشي بمواضيع يديدة..

او ممكن تسافرين بره بعد بدون العيال..

والله يوفقج حبيبتي..

بما ان الجو بدا يتعدل ليش ما تظهرون رحلة للبحر او البر
وخليه و يسوي الغدا وانتي صوريه بالفيديو
وعقب ما تتغدون امدحي طباخه وقوليله خلاص بحددلك يوم في الاسبوع تسويلنا شي
او احجزو شاليه في جزيرة الفطيسي بعيد عن اهلج واهله
وربي ييسر اموركم

خوااتي ما في علااقة زوجية خاالية من الشوائب .. سوااء زعل او جفاف بالحيااة الزوجية ..
انا تعرضت لهذا الموقف قبل …اتعرفوا شوو سويت …؟

بالاسبووع لاازم اخذ لي جم يووم اجاازة زوجية من زووجي .. اخليه يسير بيت اهله وانا بيت اهلي
عقبها شفت انه لما نرجع للبيت كلنا شووق لشووفة بعض .. وكسرت من يومها الحيااة الروتنينة والملل اللي كان يصيبنا

وممكن انتي اتغيرين من البيت باشيااء .. غيري شوي من شكلج .. غيري غرفة النووم مثلا .. يعني من هااي الاموور