السلام عليكم
ماعليكم من توقيعي انا صارلي 17 يوم من ربيت ويبت اول بنوته وسميتها حور
واباكم تساعدوني لان هذي اول بيبي لي
يوم ارضعها ماتيود صدري لان فالمستشفى كانو يرضعونها فالمرضعه فانا اشفط الحليب ب جهاز ميدلا اللي بالكهربا واحطه فالثلاجه وعلمتني الدكتورة طريقة التخزين بس مشكلتي احين من يومين ما فيني حليب نفس قبل مع اني اكل كل شي واشرب حليب بس ماعرف شوالسبب اتم اشفط واخر شي بس 10 ملي تخيلو يوم كامل واخر شي بس هالعشرة اموووت غصه وبنتي ذابحتنها الغازات فأخاف اعطيها صناعي بس احين مجبورة فعطيتها بيبي لاك 1 مادري اذا زين ولا لا؟
ابا نصيحتكم وتجاربكم فديتكم ادري طولت بس هذي اول مولوده فالعايلة يعني ماعندي حد اسأله غيركم
ماعليكم من توقيعي انا صارلي 17 يوم من ربيت ويبت اول بنوته وسميتها حور
واباكم تساعدوني لان هذي اول بيبي لي
يوم ارضعها ماتيود صدري لان فالمستشفى كانو يرضعونها فالمرضعه فانا اشفط الحليب ب جهاز ميدلا اللي بالكهربا واحطه فالثلاجه وعلمتني الدكتورة طريقة التخزين بس مشكلتي احين من يومين ما فيني حليب نفس قبل مع اني اكل كل شي واشرب حليب بس ماعرف شوالسبب اتم اشفط واخر شي بس 10 ملي تخيلو يوم كامل واخر شي بس هالعشرة اموووت غصه وبنتي ذابحتنها الغازات فأخاف اعطيها صناعي بس احين مجبورة فعطيتها بيبي لاك 1 مادري اذا زين ولا لا؟
ابا نصيحتكم وتجاربكم فديتكم ادري طولت بس هذي اول مولوده فالعايلة يعني ماعندي حد اسأله غيركم
مممممم مادري والله بس حاولي تكثرين من الاكل الي يدر الحليب .. شرات التمر و الرهش .. و ابتعدي عن البقوليات (عشان الغازات)
و الله يعين اليهال على الغازات ..
الغاليه حطيها على صدرج و حاولي اتساعدينها ان تقبض صدرج و ترضع … و صدرج بيدر ان شاء الله .. لأني طريقة مص البيبي غير عن المكينه فإن شاء الله ربج بيرزقهاا نصيبهاااا ..
عليج بالبقدووونس و العدس .. واايد بيساعدج ..
حبوبه اشربي حلبه حطيها فالماي مدة ساعه او اكثر وشربي، ويقولون يوم تشفطي الحليب ينشف صدرج، وحاولي ويا الصغيرونه ترضعينها من صدرج وإن شاء الله تيوده 
وعن الحليب يختلف على حسب الياهل، لاحظيها إذا بطنها قام يمشيها يعني ما يناسبها وغيريه لها، جربي سيميلاك او ابتاميل، انا كنت اعطي بنتي ابتاميل وزين لها وعقب ما كملت 6 شهور عطيتها بيبي لاك 2 وناسبها الحمدلله، بس فالفتره الاخيرة قام يمشيها بطنها وبغير لها بروجرس 3 لانها كملت سنه ما شاء الله وانا جربت لها بروجرس قبل وطعمه حلو وعيبها الحمدلله
وعن الحليب يختلف على حسب الياهل، لاحظيها إذا بطنها قام يمشيها يعني ما يناسبها وغيريه لها، جربي سيميلاك او ابتاميل، انا كنت اعطي بنتي ابتاميل وزين لها وعقب ما كملت 6 شهور عطيتها بيبي لاك 2 وناسبها الحمدلله، بس فالفتره الاخيرة قام يمشيها بطنها وبغير لها بروجرس 3 لانها كملت سنه ما شاء الله وانا جربت لها بروجرس قبل وطعمه حلو وعيبها الحمدلله ومبرووووك عليج البنوته والحمدلله على سلامتج
جربي واستخدمي هاي الحلمه اللي توضع ع الصدر يمكن تتحراها مرضعه وتشرب
بتحصلينهم في بيبي شوب
بتحصلينهم في بيبي شوب
الحمد لله على سلامتج يالغلا والف مبروك عالبنوته …حبيبتي الغازات شي طبيعي عند الطفل خاصة في الشهور الاولى …وحتى لو ماتعطينها حليب صناعي ترا حليب الام اول الايام فيه غازات جي قال لي الدكتور …حبيبتي ابتعدي عن الاكل السبايسي والسي فود والمخللات …وصج انا لاحظت يوم كنت آكل ربيان هذا اليوم ولدي يصرخ من بطنه وانا يحليلي مااعرف ..بس بعدين عرفت حتى السمك ماكنت آكله اول شهرين …
وحبيبتي حاولي ترضعينها من صدرج علميها كيف تقبضه وصدقيني بتتعود لانها كلما تمص من صدرج كلما يزيد الحليب سبحان الله …والشفط بالجهاز ترا يقلل الحليب …
طبعا اول اربعين يوم ماشاء الله الام يكون فيها حليب حتى لو تشفط ومع الايام يقل ولو شفطي مايطلع الا حق البيبي يوم يرضع منج …
وحبيبتي حاولي ترضعينها من صدرج علميها كيف تقبضه وصدقيني بتتعود لانها كلما تمص من صدرج كلما يزيد الحليب سبحان الله …والشفط بالجهاز ترا يقلل الحليب …
طبعا اول اربعين يوم ماشاء الله الام يكون فيها حليب حتى لو تشفط ومع الايام يقل ولو شفطي مايطلع الا حق البيبي يوم يرضع منج …