أنا خريجة وأنهيت دراستي ولله الحمد .. بس حابة أطوّر نفسي ومهاراتي .!
بشو تنصحوني .. وشو المعاهد اللي ممكن أخذ فيها دورات ( مدينة العين )
وشكرآ لكل من بيمر وبيساعدني أو بيدعي لنا بالخير
والله الموفق
المشاركة الأصلية كتبت بواسطة عيون عسل 
ولو حابة مثلا تكون عندج شهادات خبرة اطوعي في أي مكان ممكن يقبل متطوعات
ممكن اطورين نفسج من ناحية دراسة لغة معينة أو مثلا خذي لج دورة فوتوشوب أو دورة تهتم بتصليح الكمبيوترات وطريقة إزالة الفايروسات وهالسوالف ابدي من الشي اللي تحبينه وتميلين له مب شرط شي نحن مقترحينه عليج
عموما خبرينا شو ميولج وهواياتج وممكن نخبرج بالأماكن اللي نعرفها ^_^
موفقة يارب ومبروك التخرج ولو كانت متأخرة ولا شي
تسلمين والله ع الرد ،
أنا حابة أشوف آرائكم وعقب أختار لأنه حاليا مافي شي في بالي ،
والله ميولي متعلقة بالكمبيوتر .. تصميم وكتابة وهالسوالف
عندي خبرة بالفوتوشوب لكن عادي أطورها من خلال الانترنت
العمل التطوعي .. حالياً عندي عمل مؤقت يومين بالاسبوع وبحصل خبره
لكن ودي بأشياء يديدة أكثر ممكن انتوا تعرفونها "^^
كل الشكر لج ..
/
/
شكراً لكل من دخل .. والله يوفقنا جميعآ
..
هذي فيها شهادات من خارج الدوله
بس حق البنات يلي متخرجات من الجامعه
و بتدرسين اربع شهور و عقب بوظفونج
وبتاخذين 12 شهاده في اربع شهور
و الله يوفقج