خواتي ابا منكم حل لي
بصراحه ما اعرف شفيني
قصتي اني بعد ما تخرجت ماحصلت شغل و قعدت قريب الــخمس سنوات في البيت وبدون شغل
والحين من سنتين وكم شهر اشتغل في مكان وايد زين و راتب و مميزات رائعه
والحمدلله الف حمد و شكر لله
ولكن
ما ادري شو اقولكم احس اني تعبت من الدوام ….
ما ادري ليش
كله كسوله
وكله ابغي اخذ اجازات
واليوم ما خذه اجازه بدون سبب بس جيه متضايقه
و ع فكره في الدوام انا الوحيده في قسمي الي اكرف واشتغل و هم ما يسوون شي و يشردون من الدوام
وايوون ناس من اقسام ثانيه يعقون علي شغل وكل شوي يسألوني خلصت ولا لا
ادري انه هالاشياء في كل شغل تصير بس والله يا بنات احس اني تعبت وخلاص احن لقعدت البيت و البطاليه …تراني من النوع الي انام وايد ……يتني فتره قلت بغير هالعاده و بنام اقل مرضت مرض الله لا يراويكم و قالي الدكتور لازم انام كفايتي …….
انا اقوم الساعه ٦ و ارجع البيت الساعه ٤ تقريبا
وايد تعب ما ادري لين متى بستحمل
و غير جذيه افكر ادرس ماستر …….من داخلي اقول لااااااا تعب تعب تعب
والله افكر استقيل بس اهلي وايد معتمدين ع راتبي للاسف
خاطري اعرف كيف هالحريم يكملون ١٠ سنوات في الشغل او اكثر……انا تعبت بس من سنتين
ليش ما فيني النشاط الي في البنات الي في عمري
احس اني عيوز مع اني اكل اكل صحي و اسوي رياضه
خبروني شو الحل؟؟
لاتتتركين وظيفتج واسمعي كلامي هالايام صعب تحصلين وظيفة واذا مفكرة بالماستر يعني يبالج دوام ثاني وتفرق اللي يعينج ويقويج
وبالاخص ان في الدوام ما يكون في شيء يديد
ف انا من رايي خذي فترة نقاهه وهالفتره هب تيلسين في البيت
لا اظهري وغيري جوا بمعنى الكلمه
وانشاء الله النفسيه تتحسن
وقوي شخصيتج في الدوام
لا اتسوين شغل غيرج
انت هب مسؤوله عنهم
ويهديج لما يحبه ويرضاه
استخيري قبل كل شي
ولا تتحملين مسؤوليـة غيرج سوي التزاماتج بأمانة
وربي يسر لج
وزملائج يستغلوا طيبتج عسب جيه يخلوج تشتغلي شغلهم!
اهتمي بس ف شغلج وفي حدود المعقول حاولي تغيري وتعدلي ف مكتبج عسب تنتفح نفسج حق الدوام,,,
لما ترجعي س 4 حاولي ما ترقدي لان النوم هالحزة يكسر وتنشي تحسي نفسج تعبانة وما لج نفس ع اي شي صلي المغرب وبعد صلاة العشا تعشي وامشي ساعة وروحي رقدي بتحسي عمرج نشيطة وكلج حيوية الصباح,,
موفقة فديتج
سوري اختي بقوولج شيء انتي عاطيه ويه حق الموظفين يعقون شغلهم علييج.. وانتي قلتي انهم من اقسام 2 انتي مسؤوله عن قسمج شولج خص فالاقسام الثانيه ؟؟!!!
لاتعطين اي حد مجال يستغلج الكل الحين ف الشغل مصالح وبس باجر يوم بدورينهم يسوولج شغل بيتعذرون ..
والسموحه