شحالكم خواتي ..
هذا أول موضوع أكتبه بالمنتدى .. بس كنت أتابع بالقراااااااءة
وبصراحة المنتدى مفيد جدا بتعدد مواضيعه
واليوم عندي موضوع .. بس لاتضحكون علي :1 (30):
لأني جد محتارة وخايفة من هالشيء ..
الله يسلمكم أنا حامل بالشهر الثامن .. وهو حملي الأول ..
وكل تفكيري بيوم الولادة..
شو الأعراض .. كيف بعرض أني بربي.. شو هو الطلق .. الماي ينزل متى .. الـ 10 سم اللي المفروض يفتحن .. يكونن بعد نزول الماي والا قبله.. واذا نزل الماي شو أسوي ..
وهل في فترة زمنية معينة بين فتح كل سم و آخر ……؟
متى المفروض أروح المستشفى ؟
هل لازم آكل شيء قبل الولادة؟؟
بعد الولادة مباشرة شو أسوي .. آخذ دش ..وإلا أناااااااااااااااام ؟؟
ياريت من خواتي اللي جربن الولادة يثقفونا احنا الحوامل بالبجر ..لأنه الاسئلة ما تخلص أبد..
والوحدة تبقى محتارة و زايغة من هاليوم.. خبرونا تجاربكم وأفيدونا بنصائحكم ..
انتظر أجوبتكم واعتبروني أختكم الصغيرونه :22 (23):
ومشكورين
عطر الكلمات
انا حامل بالبجر وفي الشهر الثامن
افيدونا
وان شاء الله تقومون بالسلامه
شو الأعراض
اعراض قبل الولاده هي نزول البطن بشكل كبير..الالام حاده في منطقة المهبل بسبب ضرب راس الجنين
اليوم اللي قبل ممكن احساس انقباضات..يعني اذا حطيتي ايدج على بطنج تحسين ييبس و يرجع طبيعي..و يوم تقترب الولاده يكون في الم خفيف مع الانقباضه..ممكن ينزل دم مع مخاط دليل قرب الولاده ماله داعي الخوف هذا شي طبيعي مافي خطر
.. كيف بعرض أني بربي
تقترب الانقباضات من بعض بمعدل خمس دقائق بينهم و يزيد الالم المصاحب..تروحين المستشفى اذا نزل ماء الجنين او تحسين انج ما تقدرين توقفين خلال الانقباض..اهم شي تتنفسين عشان يوصل الاكسجين للجنين..لان حبس النفس خطر للجنين و ايضا يزيد الالم للام
.. شو هو الطلق
هو الانقباضات اللي تصيب الرحم و تحرض الجنين للخروج من جسم الام
.. الماي ينزل متى
على حسب يختلف من حرمه لحرمه…في من الحريم ينزل في البيت و قبل الانقباضات…و في منهم لوقت الولاده ما ينزل فتضطر الدكتوره انها تنزله بطريقتها
.. الـ 10 سم اللي المفروض يفتحن
الانقباضات الخفيقه بالاضافه الى ضغط راس الجنين على الرحم يفتح..ممكن الحامل تفتح الى 5 سم و تكون عادي في بيتهم..و لكن بعد ال5سم خلاص لازم تدخل حالة ولاده..ففتح 2 او 3 سم مب خطر و الدكتوره تخليها ترجع البيت و ممكن اتم 10 ايام و اكثر بدون تطور
.. يكونن بعد نزول الماي والا قبله
مثل ما ذكرت قبل على حسب..كل حرمه تختلف..و كل ولاده تختلف حتى لو المرأه نفسها
.. واذا نزل الماي شو أسوي ..
روحي المستشفى على طول لان في خطر التسمم و الجنين صار مكشوف مافي سائل يحميه..لازم تكونين في مكان معقم
وهل في فترة زمنية معينة بين فتح كل سم و آخر ……؟
الاول خمس سم يختلف و ممكن يطول ايام و اسابيع..و لكن بعد الخمس الاخريات تعتبر حالة ولاده و اغلب النساء ياخذون ساعه لكل سم او نص ساعه في بعض الحالات
متى المفروض أروح المستشفى ؟
يوم تقترب الانقباضات من بعض بمعدل خمس دقائق بينهم و يزيد الالم المصاحب..تروحين المستشفى اذا نزل ماء الجنين او تحسين انج ما تقدرين توقفين خلال الانقباض
هل لازم آكل شيء قبل الولادة؟؟
خلال الطلق لا ما انصح لان يمكن ترجعين لان قوة الطلب تسبب الغثيان..بس غذي نفسج قريب الولاده
بعد الولادة مباشرة شو أسوي .. آخذ دش ..وإلا أناااااااااااااااام ؟؟
بعد الولاده على طول بيعطونج ابره بنج عشان يخيطون و انتي بتنامين و لا بتحسين بالدنيا
يوم بتصحين ممكن تطلبين منهم المساعده لاخذ حمام لان بتكونين ضعيفه بعد الولاده
او تأجلينها لليوم اللي بعده لكن لا تجبرين نفسك اذا شفتي نفسك تعبانه…بعد الولاده تحس المرأه ببروده في جسمها فتحتاج الدفء و التغطيه..فلا تنسين اخذ جوارب معاك للمستشفى
ان شاء الله اكون افدتكن و لا تنسوني من دعائكن ان الله يوفقني و ييسرلي اموري و يرزقني الجنه و اياكم يا رب
الله يقومج بالسلامة .. و يزرقج الذرية الصالحة ..
غروب11
تسلمين الغالية ..
بس انا اختلف معاج .. اعتقد انه الحامل في المرة الأولى تكون زايغة من هالسالفة وايد .. لأنه الولادة تعتبر شيء جديد بالنسبة لها .. و تبدأ توسوس خوفاً على الجنين و على نفسها ..
أم رفيعة ..
الله يسهل عليج دنيا و آخرة ..
والله جان زين يمر كأنه ألم الدورة و بس ..
" يعجبوني الناس اللي يسهلون الأمور و يهونونها " .. 
آخر كلام ..
الله يعطيج العافية .. ويوفقج في كل خطوة و يرزقنا و إياج الجنة ..
عزيزتي .. مشكورة على الكلمات و النصائح و الملاحظات اللي كتبتيها ..
و ان شاء الله بتفيدني أنا و خواتي ..
وعجبتني فكرة الجوارب لأنها ما كانت في قائمة الأغراض اللي باخذها المستشفى ..
وبصراحة عطيتينا نبذة حلوة عن آثار ما قبل الولادة ..
ما تقصرين الغالية ..
عطر الكلمات
لاتخافين الله ماينسى خلقه .. وبيسهل لج في ولادتج ان شاء الله توكلي عى الله ولا تحاتين شي ترا الولاده مابتي الا فجاه في يوم انتي مش متوقعه فيه شي .. وبعدين يقولج كم نصيحه :
اذا نزل عليج ماي او دم او حسيتي بالم يروووح ويرجع حاولي تحسبين الفتره هل اليج في فترات زمنيه متقاربه ولا كيف يعني كل 25 دقيقه وبعدين تزيد هذا معناه طلق اما الالم العاديه فتكووون منان ..
قبل الولاده : كلي عدل لان فتره الولاده مايخلنج تاكلين شي .. واذا حسيتي برد او حر لازم تقولين لهن ..
اهم شي تكونين مجهزه اغراضج كلها :22 (24): وحاطتنها في شنطه ومع اغراض البيبي وخذي شنطه صغيره حطي فيها ملابس حق اول مايولد البيبي ان شاء الله ..
وبعدين لاتودين معاج الولاده حد يوترج :1 (30): :1 (30): اللي ناويه تروووح معاج تاكدي انها لها قلب قوي علشاااان تقرا عليج وتساعدج مب تربكج …
واحلى مافي البجر انها ماتعرف شوي ياينها يعني يخلص الوقت وتربي واهي مسكينه تتريا في شي باقي هههههههههه هذا اللي صار لي … يعني بيمر الوقت واتني ماتعرفين متى النهايه ويوم تخلصين كل شي بينسيه في لحظتها :13 (25): يوم بتشوووفين اللي تترينه من تسع شهووووور ….
اما عن بعد الولاده هن النيرسااات بيساعدنج تتسبحين وتبدلين ثيابج حليلهن صبورات …
واسمحيلي اذا طولت … حاولت اختصر