السلام عليكم بنات …
انا من فترة شريت لاختي
حبوب شيتو سو
…بس عقبها عشان اطمن يوم تبدا تستخدمها سويت سيرش في النت قريت في منتدى انه في وحده معرسه (كانت تستخدم حبوب تخسيس بس ماذكروا اسمها) اتاخرت في الحمل …ويوم سارت عند الدكتوره قالت لها انه حبوب التخسيس اللي كانت تستخدمها تحتوي على نبتة الكتان وهالنبتة سببت تشوه الرحم
…
والحين مااعرف شو اسوي …اختي من النوع الكسول ومافيها شدة رياضه ,,,مع انها بعدها صغيره ..وكله تحصلونها راقده
..
سويت سيرش في النت عن الحبوب نفسها لقيت انه مالها عوارض ومكتوب انها عبارة عن اعشاب مستخرجه من طحالب واعشاب بحرية
سؤالي هو منو فيكم جربته؟
وهل حسيتوا انه في عوارض؟؟؟
وهل صار حمل عادي من بعد استخدامه؟؟
اهم شي الحمل ؟؟؟
اتريا ردودكم؟؟
لاتخبلون عليه فيها عشان الكل يستفيد
امم والله ماعرف شي عن الحبووب .. بس بعطيج عن تجربه الحبووب ..
لما كنت في المدرسه وب الصف العاشر .. سوينه اختبار عن حبوب التخسيس .. ظهر انه الحبووب ما تخوز الدهون لا تتخلص من البروتينات … اللي مثل الدياي والسمج وجي ..
فا ها شو يؤدي .. انه المعده تكون فارغه وعصارت المعده ماتحصل شي تهضمه.. فا اخر شي رح اتصير تقرحات وسوالف انتي غنا عنها وبسم الله عليج من هاي التقرحات ..
ربي يعطيكم الصحه والعافيه .. وفكري في نفسج ونفس اختج ولا تاخذون حبووب ..
سوو ريجيم ومشي خفيف اذا متهايزين ع الرياضه .. ^^..
تراني قلت هي هييييز …ماتتحرك وااايد …نصحناها بس ماشي فايده …
بس مشكوووره على الرد
هلا حبوبه والله ربيعتي آخذت بعد حبوب للتخسيس بس ما أدري سو اسمها وكان عمرها 24 سنه وصار عندها توقف بعضلات القلب ودخلت المستشفى لمدة شهر وبعدين يلست 3 سنوات ما تييب عيال فنصيحه من أخت لا حبوب ولا شي في وايد أشياء ممكن تساعد المشي والتخفيف والشاي الصيني والسموحه
انزين حتى الشاي الصيني يعتبر مادة تخسس الجسم …
يعني لو يينا نفكر لها الشاي اللي تقولين عنه فهو اكييييد يحتوي على مواد احنا مانعرفها ولو بتقولين انه كله مواد طبيعيه فانا بقولج انه الحبوب اللي عندي كل اللي مكتوب عليها انها بعد تحتوي على اعشاب طبيعيه …ها لزوم التسويق وها كله كلام شركات …يعني ممكن هالشاي يحتوي على مواد تخسس نفسها اللي تحتويها هالحبوب…يعني نفس المكونات …ومب عشانه شاي يعني عادي ..
والحبوب اللي عندي من الصين بعد…يعني ماطاح الا انبطح 
ومشكوووره على الرد
اختي كلامش صحيح بس الشاي اللي اتكلمت عنه مجرب من وايد ناس ف يالبلاد وبرع البلاد وانا جربته شخصيا وعلى كل حال اللي تشوفينه مناسب اختي سويه وربنا يوفقش وكل عام ونتي بخير