الغاليات هاذي مشكلة ربيعتي ساعدوها يزاكم الله ألف خير ولو بدعوه صآدقه
مرحبـا بنآت شحالكن .. ؟
عندي مشكله مب مشكله الا مصيبه وليت الزمن يرجع سنه بس ورا عسب اصلح خطأي وماوافق بس مكتوب لي
انا عمري 20 تزوجت بشخص يكبرني 17 سنه اول ماتقدملي كل حد يمدحه من كل صوب وانا استغربت كيف اخواني يمدحونه بشكل مب طبيعي , وياما تقدمولي اشخاص ولازم ذم ولازم يطلعون فالريال الف عله المهم استخرت وسبحان الله تيسرت الامور وشفت الامور تمشي بسرعه وملجت وبعدها قالولي شهر وبتعرسين
وجهزت بسرعه بسرعه ويا اليوم الموعود وعرست وللعلم الملجه صح كنت اكلم ريلي بس العلاقه من بينا كانت جافه جداا وانصدمت بأشياء وايد مثلا العمر ؟؟ كانو قايلين اكبر مني ب 6 سنوات طلع 17 سنه وطلع بطالي ومايشتغل واوهموني انه عنده مكاتب وعقارات وعرست وانصدمت ان الريال كل شي بايعنه وماعنده ولاشي
وعيشني بمكان مهجووووووووووور والله العظيم حتى الكلب مايتنزل يعيش بهالمكان وعشت وسكت وكل يوم اكتشف شي الا بنات داقين على تلفونه الا مسجات من كل انواع الدوله يقولون له مشتاقين له وانا ساكته وكنت اصيح لين ماروحي تطلع واقوله انا يتيمه حرام عليك ارحمني وكان يدش الغرفه ويسكرها واكتشفت المصيبه العوده ان الريال يحشش !! وفوق كل هذا مايصلي وفوق كل هذا مايصرف علي مب عارفه شو اكتب لكم والله روحي متلخبطه , اكتب واحس اني مصدومه ليش خواني عقوني وفروني عليه ؟؟ اخوي يقوله امانه البنت عندك ويسوي فيني كل هذا ويطلع من البيت ومايرد الا اليوم الثاني والله ان ياني السكر والسبه هو واتصل لاهلي اصيح وان سالوني ليش؟اقولهم فيني حمى او تعبانه مادري في شي يمسكني من لساني ويربط لساني ابي ارمس عنه ابي اخبر اهلي كلهم عن افعاله الوحشيه تخيلو ينش الصبح يكسر الصحون ! اونه يبا يفرغ الي فيه
من عصبيه ويدخن وايد وكم مره شق لي ثيابي وانا اسكت ماقدر اقول شي؟؟ ومره شفت عنده ورقه كاتب اسمي واسم امي ودعاء بنات الله يخليكم شو اسوي عمري 20 جنه 40 وكل اهلي يتحروني مستانسه وانا اصيح كل يوم من الهم ساعدوني ..؟
><"
صحيح ان الزوجه تصبر لكن فيه امور ما ينسكت عنهااا .. وخذج بالغش وهلج واخواانج بالذاات
لااازم يتحملون مسؤليه زوااجج لمدحهم له !!
وخاااصه انه ماايصلي فلاااا تأمنين له .. حااولي تنصحينه ودخلي هلج أو هله
قبل ماا يستوي امنبينكم عيااال تراا العياال يبون قدوة صاالحه وبذمتكم فديتج
استغفري بنيه صلاااح الحااال وهداايه ريلج وانصحيه بالصلاااة
والله ايسر امورج ويهديه لدينه ولج ياارب
وبيحطون حل لكل هـآ ومآ آظن بيخلونج جي . .
والله يكون ف عونج حبيبتي ><" . .
وأكثري من الدعاء والاستغفار
والله يفرج همج