خواتي في الله
انا من بلغت و انا أعرف إني عندي تكيس بالمبايض فيعني تقريبا من 8 سنين اتعالج عنها ( على الرغم من إني كان وزني 46 و طولي 164 يعني هيكل عظمي كنت و الحين من سنه تقريبا صار وزني 63) و كنت لاعبة في الفريق الرياضي ايام المدرسة
و تزوجة من سنه و 3 شهور و لا حملت و لا مره
المهم
أنا صار لي من ثلاثة اشهر -ورى بعض- آخذ ابر لتنشيط المبايض
أول مره خذيتها كانت لمدة عشرة ايام (50 I.U) و بعدها ابرة التفجير و لا صار حمل
المرة الثانية نفس الشي لكن طولت لأربعة عشرا يوم
هالمرة الثالثة صار شي غريب عجيب
كيف يا بنات آخذ بس 4 ابر (50 I.U) و الاقي حجم البويضات 44.6mm 37.3mm 33.8mm
شو رايكم بحجم هالبويضات .. انا اللي أعرفه الطبيعي يكونون بحجم 18mm-20mm
و الدكتورة اللي كشفت علي قالت لي عادي و عطتني ابرة التفجيرة و الله رحت لدكتورة ثانية و قالت لي بعد عادي
انا مب مصدقتهم ابد .. و الله طول الطريق أفكر .. أحس فيني شي غلط
اللي عندها اي معلومة الله يخليها تفيدني و تنصحني
بس انا قبل ما احمل كنت ابا احمل بسرعه مع انه ماعندي مشاكل لله الحمد
بس رحت لدكتورتي وعطتني هالابر انا احجتجت بس ابرتين الاولى خمسين مل ولما راجعتها قالت كباار البويضات بس مش بالحجم المطلوب فعطتني ابره ثانيه ا 100 مل ولما راجعت جفتهم كبااار واااايد فقالت اوكي الحين تمام عطتني ابرة التفجير وكنت استخدم كلوميد والحمدالله صاار حمل على طول
يعني عادي اظن تكون كباار انا صارلي جي
والله يعطيك عافيه ويرزقنا معاج بالذريه الصالحه
نفس الطريقه اخذت ابر والي اعرفه وقالتلي اياه الطبيبه اذا البويضات واايد كبار
ماتتلقح بس هم لازم تعطيج ابر التفجير
عادي وانسب حجم 17 _ 20 انا كانوا 24 ثلاث بويضات
وهم ماحملت والحين صارلي تسع شهور احاول احمل ماحملت لي الحين =(
ربي يرزقني واياج وجميع البنات يارب =)
بس لو تلاحظون حجم البويضات
حجمهم مب اللي متعودين عليه
الحجم فوق 20 .. واصل لل40
فاللي أريد أعرفه .. هل هالحجم طبيعي (30مم فما فوق) ؟!؟!
الله يرزقنا كلنا بالذرية الصالحة .. و الله أهم شي الصبر .. و الفرج بإيد رب العالمين
((**((الله يرزقنا جميعا))**))
بسأل واردلج خبر ان شاءالله خير ربي يرزقج بالذريه الصالحه يارب =)