ليش مايتثبت موضوع يهتم فهالمشكله وكل وحده قبل ماتكتب موضوعها او مشكلتها مع اهل ريلها تدخل الموضوع المثبت وتقرا القصص اللي فيه عشان تهون عليها مصيبتها هذا أولا
ثانيا البنات اللي يدشون المنتدى ويقرون هالسوالف عن مشاكل اهل الريل
المفروض كل وحده تفكر فحرمة اخوها هل هي مرتاحه وياها وتاخذ بخاطرها وتشوف شوه اللي مضايقها
والافضل انه اية بنت تدخل هالموضوع تخبر أهلها انه مب ضروري انه اخوها اذا عرس يتم وياهم فالبيت لانها بنفسها بكره بتعرس وتبا تاخذ راحتها فبيت مستقل
اذا ((وقدموا لانفسكم واتقوا الله))
يعني الزمن دوار واللي ترضينه حق حرمة اخوج بيرضاه الله فيج ولو بعد حين عن تجججججججربه مريييييييييييييره
تعيش احداثها الان حمواتي الثنتين مع رياييلهم واهلهم وألعن بعد
لانهن كانوا راضيات باللي يصير لي وساكتات ربي عطاهم ليما عرفوا ان الله حق
انا مب متشمته استغفر الله بس حبيت اعلمكم ان هذي من سنن الله في الارض طال الزمن او قصر لابد لكل ظالم يوم
المهم
اية بنت مابعد عرست تشتري راحة راسها وتسكن فبيت مستقل لو شقه اهم شي برررررررع بيت اهل الريل
عشان تظلون اتحبون بعض أطول مده ممكن وكل واحد مايشيل على الثاني وتكبر السالفه وهي أصلا حق شرعي من حقوق الزوجه
يعني البنت اللي تطلب بيت مستقل ماشقت في الدين
وكثير عادات عند العرب ماهي من العبادات في شئ
الرسول صلى الله عليه وسلم رغم كثرة زوجاته الا ان كل وحده منهن فبيت روحها ولو انها ماتجد ماتأكله المهم ان بالها مرتاح والبطن لاحقين على ترسه
قريت رد وحده من الخوات عن اهل الريل وهذا كان ردها
((مب عارفه شاقول ادري ان بعضكن بيتحسس من كلامي
خواتي من زمان كانت العرب عائلات في بيت واحد والبيت يالله حجرتين وبالكثير ثلاث وكانوا ماشاء الله في البيت الواحد الجد والجدة والعم والعمه والعيال لمعرس ولي بعده بس كانت الحجر سادتنهم ياترى ليش!!!!!
وتغير الزمان وستاسعت العرب وعطيوا بيوت وكبرت البيوت وتغيرت واصبحت البيوت قصور بس, كان الثمن ان
النفوس تغيرت!!! الحين نتغمض على وقت لحقنا عليه وياليته ماتغير!!!سبحان الله..مادايم إلا ويهه
الحين الناس ادور العزوه وووووووينها
وووووووين الحرمه لي يوم بياخذها الريال بتقوله باعيش اوياك لوتحت ضل شيرة بالمعنى؟؟؟؟؟؟؟؟!!!!!!!!!!!؟؟؟؟؟؟
عشنا ويا عماتنا وعمومتنا (الله يرحمهم) ربوا عيالنا وربينا عندهم تعلمنا على علمنا المذاهب العدله والمعنى والسمت
يارهم الله ويار الله زمانا اوياهم…وتعالن بتخبركن
من استوينا ماسمعنا عن طاري لي بياخذ حرمه ياخذلها بيت روحها (منقود عندنا) هذا لي قاصر!!!!
ضاقت عليكن الحجر ….صبرن والله بيفرجها
وتنالن قصور في الجنه هب فلل في دنيا زايله
وسامحني جان رمستيه مايت على هوى (البعض))))
كلامج عاعين والراس
عند الناس اللي ممكن يناسبهم هالكلام
بس مادام النفوس طيبه
اما اذا سأت ف((لاضرر ولاضرار))
صج اتذكر حرمة اخويه لمن كانت معانا فنفس البيت وماكانت عندنا خدامه
كنا نتضارب وياها عشغل البيت وماكان يعجبنا طباخها ولا غسيلها
عقب خلينها بحاله تطبخ حق ريلها وبنتها وروحها وشغل غرفتها خاص فيها
تمت على هالحال حوالي اربع سنين وبعدها طلعها أخوي فبيت بروحها وبعد شهرين من السكن المستقل تزوج عليها قهرنا كلنا مسكينه توها ماتنفست ….
والله كنا نتذكر سوالفنا وخناقنا معاها نستانس انحس فيه حد ويانا فالبيت
كانت من عمرنا مره نتخانق وياها مره نسوي مكياجها ونفصل فساتينها
بس كانت ايام حلوه لحد ماعتزلتنا وهي فالبيت وصارت كلللللش ماتطيقنا
احيانا اقول يمكن كنت ظالمتها عشان جذيه ربي عاقبني باهل ريلي
وعشان جذيه كنت او ماعرست أدااااااااري خاطر أهل ريلي مدارى اسوي الشغل اللي عليه واكثر اسهر مع وليدي واقوم من الصبح افطر اهل المدارس امرض عمتي يوم مرضت اتتبع زعل خوات ريلي واجيب لهن الهدايا من فلوس اهلي لكن ماكان شئ يرضيهن
هالكلام من سنين طااااااافت
والحمد لله انا فبيت بروحي من حوالي14سنه ومرتاحه احبهم ويحبوني والحمد لله
جني شردت عن الموضوع >>>>>>>>>>
المهم كل وحده عندها حرمة أخو عليها ان تسعى جاهده لاقناع والديها بانه لابد ان تسكن حرمة اخوهم بعيدا عشان تدوم المحبه
الا اذا هي رافضه
والسلام
المشاركة الأصلية كتبت بواسطة أحبكـ 
مالك يابن آدم الا ماقدمت يداك
مادامها طيبه فانتو اكيد تستاهلون الطيب
بس والله أريح لكم ولها مدامت بروحها أدوووم للمحبه والله يديمها عليكم نعمه
ولمن تكونون ضيف عندها فبيتها غير عن لمن تكون هي الضييييييييييييفه
الله يسعدكم كمان وكمان
وشكرا لج
هذا كلام ابويه فديييت قلبه
يقول الولد اللي يعرس يظهر ف بيت بروحه عسب الحب بينه وبين اهله ما يختلف عسبة حريم
الحمدلله رب العالمين زوجة اخوووي جنـــة وتنحط ع الجرح يبرى يا الله انك لا تغير عليناااا
ونحن دوووم ف صفها .. مرة يتنا زعلانه على اخوي والله جلبنا عليه كلنا الين كره نفسه
الله لاااااااااااااااا يغير علينا ابببد والله يعييييين كل حد عنده هم وربي يفرج ع اليميع يارب
مشكوووورة يالغالية ع الموضوع المهم
بخصوص حرمة اخوي ان شاء الله ربي تطلع فبيت بروحها اخوي بنالها وهي توها عروس بس ساكنه معانا ان شاء الله جان خاطرها تظهر اخوي يظهرها بسرعه الحمد لله نحن ما عنا مانع وانا الوحيدة الي معاها من خوات ريلها يعني مرتاحه هههههه وهلي ما يتدخلون بحياتها ابد بس يحاولون يريحونها وانا احبها وهي تحبني والحمد لله الامور طيبة