حرمة اخويه والخدامه 2024.

شحالكم عزيزاتي؟؟؟؟

انا تعبت نفسيا من حرمة اخويه
عندها خدامه اندونسيه وهي من النوع اللي استعابها بطئ واليخه حرمه اخويه ماشالله عليها ماتتحمل شي دوووووووووووم اتصارخ عليها ومرات تضربها ع اتفه الاسباب ولا فوق ها كله مسلمه امور عيالها للخدامه يعني عندها طفل عمره 7 شهور تخليه دووم وياها وتسير اي مكان تباه وانا لاحظت عالشغاله انها ماتتحمل الولد الكبير اللي عمره 3 سنين وكم شفتها تضربها وهو مايقصر من النوع الشيطاني وهي طبعا مابتتحمله اكثر وتطلع حرتها فيه كم مره نصحناها وقولنا لها عن بلاوي الخدم بس اذن من طين واذن من عجين وكله تقول ماتقدر تسوي في عيالي شي والله ياويلها
نحن نقول لها عامليها زين والله انها مسكينه وحرام عليج مايستوي جي

ماشي فايده

وانا خااايفه واااااااااااااااااااااااااايد ع عيال اخويه وخاصه من بعد ماسمع بلاوي الشغالات فاليهال

انا عن نفسي مابلومهن

بتقولون ليش؟؟!!!!

لان لو تعاملنا وياهن اووكي وحسسناهن انهن ادميات والله انهن مابيسون شي

بس

الله المستعان

عطوووووووووووووني حل شو اسوي ويا المدام؟؟؟؟؟؟؟

حرام عليها خبري اخوج عليها

هي ماخذتها عسب تضربها وتعذبها ؟والله مالومها لو سوت شي في اليهال الله يهدي حرمة اخوج رمسوها يمكن تقتنع وتحسن معاملتها وياها لان الخدامه بعد انسانة والله مسكينة غمضتني

وين اخوكم عن حرمته كلموه احسن
وحرمة اخوكم لا هي اول حرمة بهالطبع ولا اخر حرمة بس الله يحفظ عيالكم
احنا عيالنا اذا صاحوا وحنوا وتشيطنوا ما تحملناهم فما بالكم بالخدامة هب نشادة عن عيالنا

خبري اخوج عليها دام ان الشغاله مب مقصره ليش تضربها حرام عليها بعد ؟؟مشكله والله عن اطلع الحره بعيالها والاندنوسيات ماينقال عنهن

هاي ماشي دواها غير انج اتراوينها فيديوهات عن بلاوي الخدامات ويا اليهال اللي اتعور القلب عسى تتعض وتخاف ربها شوي….زقريها يوم وقوليلها فلانه تعالي شوفي شو حصلت والله اني خفت..وبتي اتشوف واكيد بتتروع وبتفكر ساعتها صح..إلا إذا هالنوعيه ميته قلوبهم وما يأثر شي فيهم والله يهديها ان شاءالله ويحفظ عيال اخوج ويصبر الخدامه عليها..

حراااام و الله يغمضني بعض الشغلات تهد بلادها و ريلها و عيالها إذا كانت معرسه و اتي ادور رزقها فبلاد ما تعرف

عنها شي و تنظلم و تتبهدل و تنهان عسب بيزات يعني نحن الي محتاجينهم فـ لازم انطول بالنا عليهم شوي..

حاولي تكلميها قوليلها هذي لغتها غير عن لغتنا فشي طبيعي ما تفهم قوليلها لو انتي سافرتي بلادها و راطنوج و ما

فهمتي شو بتسوين و قوليلها خلج أوكييه وياها عسب تكون زينه لعيالج إذا ما سمعت منج خبري أخوج خليه يتصرف

وياها و خليه يفهمها يا انها تحسن معاملتها للخدامه و هذا كله علشان عيالهم يا يسفرها و تقعد هي تجابل عيالها

أحسنلها..

و الي عندها خدامه و مب مقصره وياها فشي تخااف الله فيها و الله حرام هذيل فالنهاية اوادم حتى لو كانو كفار أنتو

بمعاملتكم الطيبة تبينون ان المسلمين طيبين و معاملتهم زينه و ما يفرقون بين كافر و مسلم بالعكس يمكن و ربج

تحببينها فالدين الاسلامي..

و الله يصلح حرمت أخوج و يهديها إم شاء الله..