حسد الحريم وما ادراكم ماحسدهم! 2024.

السلام عليكم ورحمة الله 
اولا هذي مب قصتي
قصة زميلة لي..
وانا علي حطيته وانتوا وشوركم..
تقول:

انا من قبيلة معروفة وتقدموا لي وايدين
بس النصيب يصيب..وتقدم لي شخص خليجي من قبيلة معروفة بعد..
هاي مب مشكلتي..
مشكلتي الحقيقية حريم الاخوان..
من سنوات وانا احس انهم مب هاضميني
وعندهم الحسد بلاش والغيرة على اصولها..
مثلا لم يتجمعون في عزايم كل وحدة تفصخ عبايتها ويبوني انا افصخ بس انا ماخذ راحتي الا فبيتي واكتفي بعباية كاشخة والسلام.. ولبسهم غير يعني علكبر سنهم كل وحدة تلبس لبس مايناسب الا البنات.. وانا متعودة عالكنادير والمخاوير السنعة ..فعرفت ان الهدف يشوفون اللبس وهدفهم الرئيسي الشعر.. اونه شو الاماراتيات معروفات بالشعر لطويل.. والمصخرة الكبرى ان يعتقدون ان الماي ماينا قريب من الهند وهو الي يخلي شعر الاماراتيات حلو..وهذا الي صار في عرس عندهم لبست وتعدلت ..واشوفهم سلموا وقعدوا مع بعض وطول الوقت سوالف وانا مب مسوين لي سالفة.. وفجاة عقب ماروحوا بقت وحدة فمالقت حد وترززت عندي واونها تسولف بس متى؟ عقب ماروحوا ربعها وخلص العرس..وتقول انها تبا تطول شعرها سالتها لين وين وتحط ايدها علخصرها.. وكلهم يبون يطولون الحين والي تبا توصل شعرها مادري شو تخربط..المشكلة 
القهر الي شفته منهم مب بس من صوبهم
حتى من عيال عماته وخواته.. ليش ماعرف.. هل لازم اكون اقل مستوى حتى يتقبلوني؟
على فكرة كل وحدة فيها جمال
لكن انا علحظي غير عنهم.. 
وهذا الي معور قلبهم..
وبعد من كثر مايسالون عن دراستي
حتى الوظيفة مايتني
الله عليم حكيم..وطبعا قدرة الله فوقهم بس بعد الواحد يتحذر..
اباكم تشورون علي
مب مال علاقات هذيل..مال شماته اذا سمعواعن مشكلة نشروها واستانسوا
وحتى اقل شي يخبرون بعض ولا يقولون لريايلهم.. 
وحتى في العزايم مطنشيني
لاتقولون طنشي ترا شي يقهر..بس مابين لحد ماعدا ريلي الي مل من الموضوع.. 
الحين عندي كم وحدة عالواتس اب قبل ماظيفهم كانت وحدة فيهم تتصل علريلي وتسال عني اونها عاد..الحين من خذت رقمي 
صاخة وماتدخل الا اذا وصلها خبر انا بنسافر والثانية بعد نفس الشي مليون مرة تدخل وهاي اخاف منها لان اقل صورة احطها ولا اي كلام اكتبه توصله لزوجها.. وهاي عمرها ماطلبت رقمي الا بعد ماسمعت اني بتوظف
فيني قهر كبير
وحرة كبيرة

صرت اسكت في العزايم وانشغل يابموبايلي. او بتوامي..

شو رايكم بليز لاتقولون سوي علاقة لان من سنوات ومن ماانخطبت والكره في عيونهم.. والمواقف تشهد لان عقب ماربيت بعضهم مايا سلم ولاحتى بارك وحاولت اسوي علاقة مع بنات العايلة بس نفس ااشي ماحس في صدق وصفا 

لا حول ولا قوة الا بالله

هلا اختي والله كنج ترمسين عني اعوذ بالله من حريم الاخوان ، فيهن طبع كريه لما بيروحون مكان ما يخبروني إلا في اخر الوقت علشان ما اتجهز عدل ولما اعتذر يقولون حق ريلي حرمتك فيها تكبر ما تتنزل اتيي معنا ، وغيره وغيره وغيره لا تقولون حقي طنشي لان ما ياني القولون والضغط إلا من سوالفهم الخايسة والله العظيم خواتي لحد الحين ما اقدر في الي سووا فيني

سمحيلي انا ما اشوفها مشكلة

هذا الشي يمر على كل وحدة متزوجة من برى وشي طبيعي

لكن انتي احسج متجنبتهم ومبينه لهم انج ما تبغين تختلطين

هم مع بعض لانهم يمكن مع بعض قبل لا تجين د

او انتي تنتظرين منهم هم اللي يبادرون بعلاقتج وياهم

حريم الاحميا ….دايم المقارنات بينهم والغيره شغاله حتى بالاطفال ( منو عيالها احلى عن الثانيه )

خلي بالج طويل …وسعي صدرج

حاولي تتداخلين وياهم وتكسرين الحواجز من بينهم وبتصيرون خوت باذن الله

شو اقولك الناس اشكال و الوان وانتي ما شاء الله عليكي عاقلة و حكيمة
طنشيهم علاخر و عيشي حياتك و اهم شي ان زوجك زين وياكي
وخلاص هم مب شي اساسي فحياتك

اكبر غلط انه نقارن حرمة الاخ باخت زوجها
يعني هني ما بنركز ع هالاثنين بس لانه اكيد
ف اول كمن سنه بتكون شي مقارنات وغيره
وهالشي لانه البنت غريبه عنهم ويبالهم وقت
لين ما يتقبلونها بس بالسوالف والمواقف
تحلى حياتهم، لكن اذا بنرمس عن حسد الحريم
ف ها موجود بين اختين وصديقتين وزميلتين
وبنات العم والخال و و و و، يعني بين اي 2
وكل وحده فيهم تبا تطلع هي الاحلى وهي اللي
ماشي منها 2 لكن مع ذلك في بنات قمة ف التواضع
والاخلاق، لو الله انعم عليها بجمال ماشي منه لكن
مع ذلك لا تتكبر ولا ترفع خشمها وكذلك البنات اللي حولها
يعني هي نفسيات شي منها القنوعه وشي الحسوده
ومن هني الواحد يقول خير الكلام ما قل ودل، سلمت عليه
بسلم عليها ابتسمت برد الابتسامه، سألت بجاوب وان سولفت
بسمعها اما الزياده والقيل والقال ويا الحريم ترا ما بتجنين
من وراها الا الحقد ولربما اغتابوج ف غيابج . .

اللي احب اشوفه ف نفسي احب اشوفه ف اي وحده معرسه
واللي هو: تحفظ اسرار بيتها وعيالها وان حد سألها تكتفي
برؤوس الاقلام وتهتم ف نفسها بس بتواضع وما تكتسب
طبع الثرثره لانها كفيله بخلق المشاكل . .

وكان الله بعون الجميع . .

الصراحه تعطيهم اكثر من حجمهم يا جماعة الخير ناس ما يتقبلوووون برايهم ما بهتم فيهم ولا بسوي سالفه ولو ما حد باركلي ع المولود مش مهم انتي عليج من هلج وريلج لا تكبرين شي ما يستاااهل وبعدين حتى لو بتوظفين هل يعقل انتي بتجسمين بيزاتج عليهم جي من وين يا يبتهم واهم شي لاتعكرين جو زوجج بمشاكلهم مثل ما انتي اتقولين مللتي الريال ترا رياييلهم هم بعد بيملووون. عزيزتي رفعي نفسج من هالاشيا السخيفه. مافي داعي تحطيها مشكله ف حياتج