حمله (( معاً ضد الرائحه النتنه للمتزوجات )) 2024.

مسى الخير للجميع وينعاد عليكن الشهر باذن الله
وانتن على طاعته

يمكن العنوان رفع ضغط الكثير منكن

بمعناه اللي ما تعونا اننا نسمعه

بس ياخواتي

انا ما اقصد كل المتزوجات

والهدف من العنوان شدكن اولا واخيرا

عشان كل وحده تدارك امور بسيطه يمكن هي غافله عنها

الفئه اللي اقصدها هي صحيح فئه صغيره

بس تبقى موجوده

انا حابه اضرب لكن امثله وانتن احكمن

*^*^*^*^*

مثلا:::: ما عندج خدامه تغسل لج وتنضف لج ثيابج
من الهيازه… تردين وتلبسين نفس الجلابيه بس مكوايه
وطبعا ما تكون مغسوله لانج متعايزه…
واحنا ولله الحمد في جو صحراوي حار.. يعني مافي وحده ما تعرق
بس فيه اللي تستخدم الديورنت واللي ما تستخدم

النتيجه:::: تكونين مترتبه وشكلج حلو..
بس
ريحتج خاااااايسه

*^*^*^*^*

بعد فتره
شميتي ريحتج بالصدفه
وبدال ما تتسبحين وتغيرين ثيابج
تمسكين العطر واترشينه رش على عمرج
على اساس محد بيشم ريحتج

والنتيجه::::
ريحه صنان + ريحه عطر = منتج كيماوي يساهم في اسقاط الطيور المحلقه ارضا..

*^*^*^*^*

مثال اخر::::

عباتج تلبسينها مسكره
وطبعا لبسج تحتها هذا لو تلبسين
بيكون كت
يعني العباه دايركت ملامسه (( اباطج ))
يعني لو عرقتي الريحه تنتقل للعباه سيده

So

ريحه الصنان بتكون ع العباه

ونظرا لانج ما تغسلين عباتج بعد كل استخدام
تتركز الرائحه لتصبح (( رائحه عامل بعد يوم شاق من العمل تحت الشمس ))

*^*^*^*^*

وبعد فتره

وبعد لبس كذا عباه
تردين وتعلقينهن في الخزانه
وتبدى الرائحه بالانتشار
كانها بخور.. ولكن…. فاااااسد
وتصير النظيفه مثل الوسخه

ممممممممم

بعد فتره تفتحين الخزانه
وتشمين ريحه وسخه
للاسف
ما تعرفين سببها
تروحين وتحطين البخور والعود في الخزانه
وتصير ريحتها ولا اروع

طبعا
الامر ظاهري

لانج لو رديتي وشميتي عباتج الوسخه
بتلقين ريحتها اووووووسخ من قبل

*^*^*^*^*

مثال اخر::::

ريحت حلجج

وووووووووووووووسخه

ليش؟؟؟

لانها اسنانج متسوسه

طبعا تغلسينهم 3 مرات باليوم

بس هذا ما يكفي
لانه التسوس يبقى اسمه تسوس
لحد ما تروحين عند طبيب الاسنان ويعالجهم لج

*^*^*^*^*

خواتي

القصد من الموضوع التنبيه ثم التنبيه ثم التنبيه
والله ويعلم ربي اني اتفشل اذا مرت علي وحده وريحتها وسخه
كل اللي ايي ببالي لو يشمها ريال
شو بيقول
وخاصه لو كانت كاشخه والمكياج يقطر من ويهها
يعني غلبها تتنظف قبل لا تلون هالويه؟؟؟؟

تخيلي نفسج قاعده.. وحرمت اخوج وياج واخوج بعد اللي هو ريلها
وهي قاعده تتكلم وريحه ثمها وسخه.. ما بتنحرجين؟؟؟؟

بس طبعا ما تقدرين تقولين لها ريحت حلجج وسخه؟؟؟ بتمين ساكته ومتفشله

يعني عفوا.. وهي وياه بروحهم وتطلع منها ريحه وسخه!!! شو بتكون ردت فعل اخوج

ابصراحه ما اتوقع ولا ودي اتوقع

*^*^*^*^*

ويا خواتي

العطر والمكياج والبخور ما يحل شي
النظافه ثم النظافه
والله ما بتخسرين شي
تسبحي وتنظفي وكفايه
حتى العطر وقتها ما بتحتاجينه
لانج بالمختصر (( نظيفه ))

*^*^*^*^*

خلن عنكن المظاهر
واهتمن بالجوهر
انتي انسانه مؤمنه
يعني نظفه ولله الحمد

*^*^*^*^*

اتمنى محد تضايق من كلامي ولا حد زعل مني

بس حمله اتمنى انكن تتضامن معايه عشان ننشرها وكل وحده تحس بانها صادف وانها تتصدرف
مثل الامثله الموجوده
تتدارك روحها
لانها لا تتوقع حد ايي وايقول لها ريحتج وسخه

بالعكس الكل بيبتعد عنج وبيكرهج والسبب تافه تقدرين تداركينه

*^*^*^*^*

واخر كلامي…