خواتي من مميزات خبز الجباب انه يكفي ناكله كوجبة ريوق لانه يحتوي على البيض والحليب وخاصة اذا اضفناله العسل
والحلو فيه بعد انه سهل التحضير وما يخيس المطبخ
المقادير: (8-9 اقراص)
كوبين طحين
ملعقتين ط سكر
ملعقة شاي خميرة
ملعقتين ط حليب بودرة
كوبين ماي وتحطين فيهم شوية زعفران
ملعقتين ط دهن
بيضتين
الطريقة:
تخلطين المقادير ويا بعض
وتغطين على الخليط
وتخلينه على صوب مدة نص ساعه او ساعه
عقب ما استوى الخليط انجهز التاوة ونحرها شوي قبل لنحط الخليط
يوم تسخن التاوة نحط شوي من الخليط في التاوة
نتريا الطبقة اللي تحت تستوي عقب نقلبها
وهني بيكون شكلها من تحت
ونتريا عقب لين تستوي الطبقة اللي فوق
وهني النتيجة
وتاكلونة ويا الدبس او العسل او حتى القطر
وهني وعافية عليكم
تسلم الانامل ….
بالعافيه حبيييبتي
شكله لذيذ
تسلم ايدج ..
يوعتيني شكلي بتريق خبز جباب؟؟؟؟
تصدقين لين الحين ما تريقت
ما بطرشيلي ^_^