افكراسافر النمسا شهر العسل ان شاء الله…شورايكم؟؟؟
وعندي كم سؤال بغيت الخبرات يجاوبوني 
– شو الجو في الصيف.؟
– شو احسن خط طيران ؟
– شو أفضل أحجز عن طريق وكالة سفريات أو الانترنت ؟؟؟
– وشو خطة السفر هناك ،، يعني شو المدن اللي لازم ازورها وكم يوم لكل مدينة؟؟
والبقيه بعد ما أسمع أجوبتكن الله يوفقكن
المشاركة الأصلية كتبت بواسطة (حب الوطن) 
وعليكم السلام ورحمة الله وبركاته
افكراسافر النمسا شهر العسل ان شاء الله…شورايكم؟؟؟
النمسا وايد حلوة وخفيفة وخاصة مناطقها الخارجية بس لو تضيفين دولة أخرى وذلك يعتمد على مدة الرحلة
وعندي كم سؤال بغيت الخبرات يجاوبوني
– شو الجو في الصيف.؟
أحيانا بارد وأحيانا حار بس شهر 8 أفضل من شهر 7
– شو احسن خط طيران ؟
الامارات = اللوفتهانزا= السويسرية
النمساوية لاااااااااااااا
– شو أفضل أحجز عن طريق وكالة سفريات أو الانترنت ؟؟؟
بكج شهرالعسل ( وكالة)
– وشو خطة السفر هناك ،، يعني شو المدن اللي لازم ازورها وكم يوم لكل مدينة؟؟
حددي المدة والتاريخ وبنرتب لج المدن
والبقيه بعد ما أسمع أجوبتكن الله يوفقكن
ألف مبروووووووووووووووووك والله يوفق
مشكورة غنااااتي مااااقصرتي..
انا سفرتي ان شاء الله في شهر 7 بس مب عارفه كم يوم راح اتم؟؟؟ يعني اسبوعين اظن كفاية!!!
عزيزتي انزين شو احسن وكالة سفريات مضمونه؟؟؟؟ يعني نبى شي محترم وسعره زين
lovecandle
مشكورة يالغلا… بس في أي شهر كانت سفرتج؟؟؟
دهن_العود…بدر0البدور….ام عمير
مشكورات ع المروووور والرفع
بس المشكله فيينا كانت حر وايد .. تقريبا 30 درجة .. كنا سايرينها في اخر 7 و بداية 8 .. بس اخر الايام شوي بردت .. يعني مب وايد يعني تقريبا استوت 23 …
خطوط الطيران خذي الامارات على البزنس ..
خط الرحلة احنا سرنا فيينا و عقب سالزبورغ و عقب زيلامسي …. طبعا فيينا لازم تنزلين فيها لنه المطار فيها .. صح سالزبورغ فيها مطار بس ما تنزل فيها طيران الامارات .. لنه صعب وايد مطارهم على قولتهم في مكان جبلي …. و سالزبورغ مدينة موزارت الجميله الاثرية .. بينها و بين فيينا بالقطار ساعتين و نص على حسب المحطات الي بيوقفها .. و بين سالزبورغ و زيلامسي 3 ساعات .. في ناس بس تبا زيلامسي بس وايد صعبه تكون رحلتهم .. ينزلون في مطار فيينا 6 ساعات بالطياره و عقب يكملون بالقطار لين زيلامسي 5 ساعات .. تعععععععععب ..
عالعموم شو رايج تشوفين تقريري عن النمسا و تشوفين التفاصيل اكثر؟ ؟
https://forum.uaewomen.net/showthread.php?t=324044
الله يتمم لج العرس على خير