خدامة نيبالية للتنازل . اللي تباها تطرشلي على الخاص ^_^ 2024.

السلام عليكم خواتي
قبل اقل من شهر يبت خدامة نيبالية عمرها 42 سنة .. و انا كانت عندي فليبنية بس كنت مترددة اسفرها او لا … و عقب غيرت رايي و خليت الفليبنية فتمت عندي هاي النيبالية
هي مشتغلة في السعودية سنتين …
اول ما يتني ما كانت تعرف تشتغل او شو تسوي بالظبط بس الحين ماشاء الله احسها تعلمت و انا مخلتنها عند الوالدة اتم عندها هناك و هي علمتها الشغل
بصراحة يا بنات انا ابا ادورلها مكان زين و ناس طيبين لانها واااااااااايد طيبة حليلها و تحبني .. و وايد تغمضني .. احسهم وايد ناس فقرا و محتاجين … ابغي اردها المكتب بس تكسر خاطري اخاف يسفرونها او يلعوزونها … و هي عند الوالدة كل شوي تسأل عني و عن عيالي وتقول انها مشتاقة لبنتي الصغيرة كانت شالتنها 24 ساعة و تحاتي اكلها وايد .. يعني حنونة و طيبة وايد … واحس يبالها شويه بارض عشان تتعلم .. و كون اني ادرس فماعندي وقت اعلمها فخليت الفليبنية عندي مع اني ما دانيها بس شغلها مثل الساعة و مرتبة فمن جيه متحملتنها ….

الخدامة مكلفتنا قريب ال 5000 مع كل شي تقريباااا … و راتبها 700 درهم

اللي تباها تراسلني على الخاص

للعلم هي ما كانت مسلمة بس اسلمت في السعودية على كلامها لكنها ما تعرف تصلي و تقول تبا حد يعلمها .. و هي متزوجة مسلم و عيالها مسلمين … هذا و الله أعلم ……..

uuuppp

الله ييسر لها

ان شاء الله اختي

ررررررررفع

السموحة اختي بس لو كانت طيبة وزينة ما كنتي بتتنازلين عنها وعلى قولت المثل لو كان فية خير ما رماه الطير