خلافات الزوج والزوجه للبنات والمعرسات 2024.

والردود كالتالي ..

– شو تبين فيه قبضّيه الباب << مش بالظبط بس بهالمعنى

– يخسي منو هو يسبني

– افضل شي تتركينه

الخ ……….

يعني الردود كلها تحث الوحده بعدم المسامحه والبعد والطلاق الخ..

الحين انتي ياللي حرضتي الحرمه عالمشاكل وكبرتي راسها على ريلها ..

نسيتي انه يوم لك ويوم عليك ؟؟

نسيتي انج لاقدّر الله باجر ولا سمح الله بتصير مشكله بينج وبين زوجج؟؟

منو بيوقف معاج ؟؟ ولا بتمشين على نصيحتج اللي كنتي بتدمرين فيها بيت هالحرمه؟؟

وانتي يالبنت ؟؟؟؟؟؟؟؟؟؟؟؟؟؟؟؟؟؟؟؟؟

مابتعرسين باجر؟؟؟؟؟؟؟ ولا بتعرسين وانتي حاطه في بالج نصايحج اللي بعدج ماعرستي ولا جربتي هالحياه ولامشيتي في حلوها ومرها؟؟

دخيلكن للمعرسات يا تقولن شي يصلح الأمور ولا فقط ادعن انه ربي يجعل اللي فيه الخير..

وانتن يابنات ….. لاتقولن اختي وامي وبنت خالتي وعمتي سوت وحطت وقالت!!

في النهايه يوم بتعيشن الموقف بتعرفن تحكمن

فرجااااااااااء خاص للبنات اكتفن بردود الدعاء فقط واكيد بتقولن عني..

منو تكون هذي تقول جيه وليش وعلى كيفها !!

بس والله لأني في يوم كنت بنت وتفكيري نفسكن ..

يخسي ويهبي ومنو هو ولو شو الخ……

بس عرست وعشت جو المشاكل وتصرفي كان صفر عالشمال عن يوم كنت بنت

ويالمعرسات اذكرن انكن معرسات ولاتضرون البنت ..

ونرجع لراعية المشكله ………

حبيبتي انتي حطيتي مشكلتج من باب التخفيف عن الهم ..

ونقدر نقول المنتدى ملجأ أو عباره عن مذكراتنا اللي نكتب همومنا بقلمنا..

ارجوج يا إختي الكريمة حطي هالنصيحه في بالج ..

لا انا ولا امج ولا اهلج ولا بنات المنتدى بيعوضونج عن ريلج..

اصعب مافي الأمر عيالج لازم نضحي عشانهم لو الريال مايستاهل..

كل شي في هالزمن يتغير ومحد بينفعج يوم بتتطلقين..

محد بيصفقلج والريال مرده ينسى ويحصل غيرج

وإنتي ؟؟؟؟؟ شو حياتج !!

لاتقولين عادي وبعيشها بروحي..