خواتي سوال. هل إذا كان وزن البيبي صغير ما. يحتاج خياطة بعد الولادة 2024.

السلام عليكم .خواتي عندي سوال. إذا كان وزن البيبي 2كيلو او اقل هل صدق إذا ما قصت الدكتورة المكان عشان يطلع البيبي. هل صدق. ما يحتاج خياطة ?
لانه اختي ولدت من شهر وهذا كان ثاني بيبي
وزن البيبي 2كيلو ف نزل بسهوله بدون الحاجه للقص
ف قالت لها الدكتورة ما تحتاجين خياطة لانه ما قصينا شيء فالمنطقه

واختي اتحاتي لانها بتطلع من ال40 بعد اسبوع
اتفكر كيف بيكون المكان بعد هالولاده?
تخاف من ردة فعل ريلها هل بيلاحظ. توسع فالمكان ?لانها ما. سوو لها خياطة
وشو ممكن اتسوي هالايام عشان اتحافظ على المنطقة
هل ض?وري تقعد في ماي وملح ?بما انها ما صارت لها خياطة احس ما ضروري

بليز جاوبوها
هي تنتظر الرد

هيه اختي عادي اذا كان البيبي صغير ما يحتاج خياطه الا اذا صار عندها تمزق ذيج الحين يسون لها خياطه
اناا اختي ولدها كان 1.800 ماسولها خيلاطه بس ياها تمزق وخاطوها خياطه بسيطه

اتمني اني افتدج

الدكتورة اكيد مابتقول هكذا الا والامر ما يستدعي لخياطة لانة وزن البيبي قليل

ربي يحفظه لكم

ما اعرف والله
اتمني يساعدونج خواتي

اكيد الدكتوره عارفه انها ما تحتاج

ما في داعي تحاتين الخياطه لأن السالفه منتشره على نطاق ضيق في كل دول العالم,ما أدري ليش عندنا يصرون على الخياطه .الله خلق هالجزء من الجسم بحيث يتوسع عند الولاده ويرجع لحالته الأولى بعد الولاده, لكن الطبيبات الله يهديهن يستعجلن بالفتح و الخياطه ولا تنسين هالخياطه ما كانت أصلا موجوده في الماضي يعني في العصور القديمه حتى أيام أمهاتنا و جداتنا. تصدقين حتى في أوروبا يستغربون ليش نحن نقص و نخيط عند الولاده .بالعكس أختج لازم تفرح إن جسمها ما تشوه بالقص و الخياطه.

لا تحاتي. انا ربيعتي ما سووا لها خياطة وكان وزن ولدها كيلوين و۹۰۰ جرام. ولان ما صار لها تمزق فما احتاجت خياطة