السلام عليكم
شحالكم خواتي
انا قريت مواضيع بخصوص الاخت دانة المزيونة "ام سيف"
الاغلبيه قالوا تحيمنا عندها وصار الحمل من بعد
انا اعرف وحده معرسه من 7 سنوات وللحين ما حملت والثانيه من 3 سنوات ونفس الشي
ف انا خبرتهم باللي قريته وطلبوا مني الرقم
ياليت اللي تعرف رقمها اطرشلي عالخاص ونسوي فيهم خير
عسى يحملون وربي يجازينا خير
ويارب لا تحرم اي حد من لذة الامومه وانا وياهم 
وهيه صح عندي استفسار بما اني صغيره ونيو عروس فما عندي وايد خبره
بغيت اعرف هل ممكن يصير حمل في اخر فتره يعني ما قبل الدوره
يعني مثلا قبل لا اتيني الدوره باسبوع هل يصير الحمل ولا ما يصير
ولا بس يصير بعد الدوره مباشره ومن 12 – 17 بعد الدوره
ياليت توضحون لي
حبيبتي ربي ان شاء الله يبلغهم الذرية الصالحة اللهم آمين
رقم أم سيف بدزلج اياه برسالة ع الخاص …
وبخصوصج أنتي عادي أحياناً تختلف الاباضة من وحدة لأخرى في ناس تكون عندهم الاباضة متأخرة
يعني موب شرط فترة 12 لين 17 من الدورة ..
أنا دايماً أحس الاباضة عندي إذا صارت عندي
تكون من 16 وما فوق
رقم أم سيف بدزلج اياه برسالة ع الخاص …
وبخصوصج أنتي عادي أحياناً تختلف الاباضة من وحدة لأخرى في ناس تكون عندهم الاباضة متأخرة
يعني موب شرط فترة 12 لين 17 من الدورة ..
أنا دايماً أحس الاباضة عندي إذا صارت عندي
تكون من 16 وما فوق
ربي يرزقنا آجمعين
مشكوره اختي على الرد
ووصل الرقم وطرشتلهم ^-^