السلام عليكم ورحمة الله وبركاته
كيف حالكن خواتي ..
اقدم لكم اكلة رووعة .. وريحة العيش فيها اروع ..
المقادير ..
دجاج – بزار محلي – ملح – كمون-كركم- معجون طماطم-وشوية عصير ليمون- زيت..
نغسل قطع الدجاج ونحطه في طاسة ونضيف له ملح حسب الرغبة وملعقتين بزار وملعقة كركم و نص ملعقة كمون و2 ملعقة اكل معجون الطماط وعصير ليمونة صغيرة ..ونضيف شوية زيت..ونخلطهم زين..ونخليهم على الاقل ساعة ..
عقب نحط الدجاج في صحن الفرن ..ونغطيه بالامنيوم..وندخله الفرن..
………………………………………
بالنسبة للعيش …مقاديره ..2 كاس عيش – بصلة صغيرة – 7 حبات مسمار ..5 هيل ..-عود قرفة ..- حبة فلفل اخضر حار..- طماطة وحدة حجم وسط حمرة ..- زيت ..
نغسل العيش ونخليه 15 دقيقة
نحط البصل في الجدر .ونضيف المسمار والهيل والقرفة ..يحمر البصل ..نضيف له 3 كاسات وربع ماي
طبعا كمية الماي على حسب نوعية العيش…في عيش يبى ماي اكثر وفي اقل ..
.. ونضيف الطماط والفلفل الحار …نضيف العيش عقب ما يفور الماي ..ونخليه ليين يستوي…ولا تنسين ملون طعام…حطيه فوق العيش شوي..
…………………………………………..
او اذا بغيت تستغنين عن ملون الطعام….
حطي هالخلطة ويا العيش …يخلي العيش الذ بوااايد…
بطاطا كبيرة – بصلة كبيرة ..
نقطع البطاطا لقطع وسط …ونقطع البصل شرائح..ونقلي البطاطا والبصل مع بعض في جدر صغير ..ونضيف له ملح وفلفل اسود وملعقة كركم ..ونقليه على نار هادئة .. نضيف شوية ماي ملعقتين للبطاطا ..اذا حسيتيه بيحترق..
نحط البطاطا بالبصل في جدر العيش ونخلطه مع بعض..
وطبعا ما ننسى الدياي ..عقب ما يستوي ..شيلي عنه الالمنيوم ورديه للفرن ..عشان يحمر السطح شوي ..
وهاذي بتكون النتيجة النهائية ..
ان شاء الله يعجبكن ..
تسلمين يالغالية
تسلمييين تسلم ايدج حبيبتي
تسلم ايدج
يعطيك العافيه يالغلا 