شحالكم خوااااتي..
اليوووم مجهزه لكم درس لمحبات المكياج الثقيل الراقي اللي مايكون حفلة وايد بناءاً على طلب الكثير من الخواااات.. و علشان انغير مب كله سكر سكر سكر لازم شوي مالح..^_^!!
و اللي فاتته الدروس اللي قبل هذي روابطهن..عباره عن لوكات ناعمه و عملية..
https://forum.uaewomen.net/showthread.php?t=415994
https://forum.uaewomen.net/showthread.php?t=417544
فحبينا انغير اليوم واتمنى الدرس يكون سهل عليكم ..و ماحبيت اكثر بالأدوات وايد علشان يكون خفيف عليكم..بس بقولكم شي بصراحه.. يباله وحده اتكون متمرسه شوي.. و اذا كنتي يديدة.. بالمحاولة مره و مرتين و ثلاثه بإذن الله راح يكون عقب سهل عليج..و تقدرين اتغيرين الالوان على كيفج..و بالنسبة للعدسات المستخدمة في اللوك فهي فرش لوك الرمادية..
و أي استفسار ثاني انا حاظر..
نبتدي بالأدوات المستخدمة في اللوك..
المكياج المستخدم في الصوره خلونا نبتدي من اليسار لليمين..السوبرا كلر من كريولاين و في الوسط بودرة ماك استوديو فيكس و عقب اللوس بودر من مكب فور ايفر.. و بعد استخدمت الاستيك من كرولاين ككونسيلر لأعلى العين نسيت اصوره وياهم..و الحلوة اللي يالسه وياهم هذي أبله ميعاد بس شعري ترى مب كشه شراتها هههه..
و اهني استخدمت كحل لداخل العين من جفنشي .. و مسكرة ماك الزوم لاش .. و تحت المسكرة كحل ماك الكريمي و يمه كيك الحواجب من كرولاين و شدو بن ناي الأبيض و شدو مكب فور ايفر الاسود و بعد نسيت اصوره ..ههههه..
و الفراشي المستخدمة نبتدي من اليسار..فرشه انجلوت لتحت العين .. و فرشه ماك لدمج الإيشدو
و فرشة كرولاين لدمج الآي شدو تحت العين ايضاً بس انا استخدمتها لما بوزع الشدو الاسود عيازه.. و فرشه صغيره للشدو المائي..
هذا شكل العين بعد ماحطينا عليها الكريم اساس و وزعنا البودرة و اللوز و فوق العين حطينا الاستيك..
عقب وزعنا شدو بن ناي الابيض على الجفن الثابت بالفرشه الصغيره انبللها طشونه بماي و عقب نبتدي انوزع من تحت الحاجب و لحد الجفن المتحرك..
عقب ناخذ من الكحل الكريمي و انوزعه على الجفن الثابت و نبتدي انموهه لفوق لنصف الجفن الثابت ..وراح يكون شكله جذي..
راح اتلاحظون ان الشدو الاسود لما يندمج مع الشدو الابيض بيعطينا الشدو الفضي (السلفر ) و هذا المطلوب و هذا مايسمى بلعبة الألوان .. يعني ماتحتاجين تشترين شدو سلفر واتخسرين عمرج .. في الوان ممكن انتي تستغنين عنها لأنح احيانا بالدمج ممكن انج اطلعينه من الألوان ..هاا حسيتو بأهمية حصة الفن في المدرسة ؟؟؟؟ حق اللي مايسمعون كلام الأبله راحت عليكم ^_^..المهم أبله ميعاد مابتقصر بمجرد ما انج تدمجين الابيض مع الاسود راح يعطيج هالدرجة..
عقب حطي شدو اسود فوق الكحل الكريمي على الجفن المتحرك بطريقة الطبطبه..و عقب بالأيلاينر السائل و يفضل اللي ريشته اتكون شرات القلم من أي ماركة اتحبينها ارسمي عيونج من يدام بهل الطريقة..لحد الزاوية الخارجية..
و عقب من نفس الآيلاينر السائل ارسمي عيونج بهل الطريقة خط مائل..من اسفل العين في الزاوية الداخلية و الزاوية الخارجية..
يتبــــع >>>
ووصلي الخط الاول بالخط الثاني و ابتدي املي الفراغ من داخل..احرصي ماتكون فتحة العين وايد كبيرة
عسب المكياج يظل اوفر بس راقي..
بعدين ابتدي موهي الآيلاينر بفرشة كرولاين يمين و يسار و حطي عليه شوية شدو اسود.. و احرصي دايما على نظافة العين من الاسفل كل ماحسيتي اتناثر شدو تحت نظفيها.. حتى لو كان عليها شي بسيط ..
عقب ارسمي حواجب بتاتو الحواجب من كرولاين و حطي الرموش اذا حبيتي و المسكرة و عقب ماتنشف الرموش حطي فوقها الآيلاينر علشان يغطي على اي صمغ ممكن يبين..
و هذا لوك العين في النهاية..
و هذا شكل العين بدون فلاش..
تم بحمد الله اتمنى اللوك عيبكم..
و بانتظار ردوودكم و مشاركاتكم..و هالله هالله بالردود اللي ماتجرح..اللي ماتحب اللوكات الثجيلة تتطلع على اللوكات الناعمة..
تقبلوا مني أجمل الأمنيات ..
ميعاد الحمادي..
،
سمـّـيت عليــج بالرحمن ..
غــــــاوي الميــك أب ، و العيـــّــون لي أمحلتنه ..
بس الاي لاينر لي تحت حسيتبـّـه نازل بزود 
،
عـ لعموم من بونيــّـــه أتخبـّـــل عـ مكياجج 
؛
و من اشوف موضوع من مواضيعج ،
لزومن عليـّـه اخطف و اطمـّــش عـ الزين ‘
،
واااايد استفيد من دروســّـج و اتونـّـس ابهن ..
فـ لأ تحريمنـــا من يديدج 
،
لأ عدمناج ..
،
تسلم الايادي
المشاركة الأصلية كتبت بواسطة مكيااجي 
تسلم الايادي
مشكووورة غناتي .. دايما الصور اتكون غير عن الطبيعه.. ^_^ .. و بالنسبة للمعه..
بالعمد ماحطيت لأنها ماراح تطلع و اتبين في الصور شرات الطبيعه.. فاللي اتحب اتحط جلتر .. انصحها بجلتر اتولير أو جلتر مكب فور ايفر الماسي.. و اترشه بمثبت كرولاين أو ماك..و يطلع اللوك و لا أروع..
يعطيـــــــــج العافيــــة حبيبتـــــي عالدرس الحــــــــلو..
وربــي يوفقـج…