انا مشكلتي وايد كبيره بالنسبه لي انا كنت ادرس بالكليه وطلعت فما في اي كليه ثانيه تقبلي وخاطري اكمل دراستي .. هني بدت الازمه لما ظهرت من الكليه اول ما ظهرت كنت متفاله اني راح اكلم دراستي باي جامعه ثانيه ولا اشتغل اما اني اقعد بطاليه كانت بالنسبه الشي المستحيل فاول ما كلمت اهلى قالو ما عندنا بيزات قلت بشتغل وبكمل دراستي لان ما في اي كليه حكوميه تقبلي لاني انطردت .. فكلمت اهلى كنت واثقه انهم ما راحو يقولن لا فصدمني ردهم لما قالو ما عندنا بنات يشتغون !! وانا كنت ادرس بزنس والكل كان يشجعني ولا عشاني انطردت قالو لا ادفني نفسج حيه صدمني ردهم وبنفس الوقت حطمني واااااايد تعبت نفسيتي مو لاني ما كملت دراستي بس لان اهلى لغو شخصيتي من الوجود قاعده في البيت نفس الطوفه حتى ما اكلم ربيعاتي قطعتهم عن شو بسولف معاهم الي تتكلم عن دوامها والي تتكلم عن ريلها انا عن شو بتكلم عن الرقاااد ولا التلفزيون !! والله تعبت اليوم نفس باجر باجر نفس اللي عقبه حتى اخر مرة طلعت فيها من سنه تخيلوو قمت اتجنب ربيعاتي لان اعرف اني ما راح اشوفهم اهلي ما راح يخلوني اشوفهم من دون سبب اهلي حسسوني اني عديمه شخصيه لا دراسه ولا دوام حتى الي ما داومت تدور وتاخذ دورات وعايشه حياتها لا انا والله شكلي تغير الف صرت ضعيييييفه وجمالي راح حتى وحده من اهلي شافني مرة انصدمت قالت وين الي يتكلمون عن جمالج قبل انصحوني شسوي ذبحني وقت الفرااغ و24 ساعه ساكته ما عندي احد اسولف معاه لا تقولي سوالفي مع خواتج ما احب اسولف معاهم انا حساسه زياده عن اللزم خاطري احس عايشه لهدف بس حياتي رقاد وتلفزيون بعد ما اشوفه وايد انا انسانه طموحه بس الله ما كتب لي اكمل دراستي شو ذنبي انا يعني اموت ؟؟ لا ربيعات ولا طلعات حتى ما اروح السوق حالي حال البنات وايد تعبت نفسيتي انا الحمد الله اصلي واذكر الله بس تخيلو تعيشون هالعيشه فراااااااغ من انش لي ارقد ما اتكلم .. ابي احد ينصحني بليييز ونا حتى ما اقدر اواجه ربيعاتي اتحاول اتجنبهم قد ما اقدر لان اعرف كل وحده تسولف عن نفسها وانا احس بالحسره .. وانا عمري 25
الدراسه مش كل شي … وايد بنات تخرجن و امتياز و اخر شي قعدن فالبيت لاسباب مختلفه
يااختي الدنيا ساعه فجعليها طاعه !! شغلي نفسج في شي مفيد اقري و اثقفي ,,,دخلي ادرسي اونلاين وايد بنات يدرسن اونلاين
او روحي حفظي كتاب الله ماضن حد من اهلج بيعترض …. ياختيه الدنيا وايد اكبر من كليه و شغل
تعلمي اشغال يدويه و ابدعي
دوري عن هوايه تحبينها و تعلميها
الله يوفقج
ماعرفت انتي ليش انطردتي عشان رسبتي يعني ؟؟؟
ردي حاولي مع الكليه وحاولي لو تدخلين انجاز مب مشكله المهم تشغلين وقتج وانا اقول لو تشغلينه بالدراسه احسن
وبعدين ان شاءالله بتشتغلين
واقري قران وسورة البقره وصلي قيام الليل وادعي ربج يفتحها عليج
ودامج يالسه فاضيه احفظيلج شي من القران وقظي وقتج بشي يفيدج باخرتج
ترا الوقت نعمه ولازم نستغله بالزين
والله يوفقج
والله يالغالية شكلج إلا مثلي أنا بعد مطرودة من الكلية
غناتي الفراغ صعب وأنا مريت به كنت وايد تعبانه
بس الحمدالله صرت أحفظ القرآن وأستغفر والحمدالله قمت بنيت نفسي بنفسي ما أستنا حد يقولي
غناتي لا تسني أحد يقولج سوي جي ولا جي لا فديتج أبروحج زرعي بداخلج أمل
وحطي هدف في داخلج وبتوصليلة أنا دايما كنت أقول دام سبحانه موجود الأمل موجود
كنت أحس لما أقولها أني قوية وأقوى أكثر
دايم كنت أقولها
ربي يعطيج كل إللي تتمنينه ويرزقج ويعوضج بخير
وأسمحيلي جان طولت عليج
اول شي داومي ع قيام الليل عشان ربي يفرج كربتج هذي
وثاني شي ابدي اشغلي وقتج ،،
الخطوة الاولى انج توزعين وقتج ،، نشي الصبح وابدي سوي شي معين .. رياضة مثلا او طبخة بسيطة او مشي ،، او حتى تقرين جزء قرآن .!
وامشي على جذي طول اليوم ،، وزعي وقتج وسوي انشطة فيه ،،
اقري كتب .. روايات ،، احفظي قرآن ،، سوي اشغال يدوية ،، تعلمي طبخات يديدة ،، تعلمي شغلات الكمبيوتر وسوالفه من تصميم وبرمجة وغيره ترى في مواقع تعلم هالشي
وصدقيني بعد فترة فديتج بتلاقين ربي يسر لج امورج وانحلت سالفتج وتعلمتي اشيا وايد،، وقلب اهلج لان عليج و توظفتي بعد باذنه الواحد الاحد
بس ابدي بالقيام ورتبي وقتج معاه
موفقة
ثانكس عالنصيحه ويزاكم الله الف خير بس كيف ادر س اون لاين اول مرة اسمع فيها هذي !!