بغيت منكم دعوه بظهر الغيب لي ..
انا انسانه احب انسان .. اباه و يباني لكن امه و اخته موقفين موظوعنا
هله يجوفوني دبه ( وزني 64 ) لان هو ضعييف واايد وااايد يعني 50
و انا اعاني من تكيسات المبايض و نزولي وايد صعب 
انا من 9 سنوات من مستشفى لمستشفى عشان هالتكيسات و لا شي يفيدني للعلم اعاني منها من عمري 12 سنه
انا اسوي قد ما اقدر عشان اضعف و انزل وزني .. لانه اذا يوو و شافوني المره اليايه ما يقولون نفس الكلام
بتقولون لو هو يباج بيتكلم … المشكله ان هن قايلات له انها دبه و متييينه و انت ضعييف
ف هو ساكت محترم كلام امه .. لان بالنسبه له كله ولا امه
بس المشكله مب وزني
انا تعبااانه .. المشكله اني دوم افكر فيه و اتريا اليوم الي الله بيرزقني قربه و بكون وياه تحت سقف واحد و على رغم علاقاتي الكبير و صديقاتي الوايدات الا اني احس بالوحده
و الي صدق يخليني كل يوم اصيح صيااح اني احس ان هالوحده الي اعاني منها ما بتنتهي الا يوم بكون وياه ما ابا شي كثر ما ودي اكون معاه و قربه و حوله و وياااه
والله اني وايد تعبااانه .. معدلي نزل و تركيزي فالاشياء معدوم لاني اكون ساهيه فيه
والله عمري ماحبيت من خاطري جي و اريد هالانسان يكون من نصيبي
ياكم اشغل عمري لكن مخي هووو .. يا كم استغفر و اسبح و ادعي
لدرجه اني يوم ادعي ابدا ادعي له قبل لا ادعي لنفسي او لاي انسان ثاني
انا مابا منكم غير دعوه عن ظهر الغيب لي ان الله يرزقني قربه و يجمعني به بالحلال عاجلا
لا تنسوووووني طلبتكم
غاليتي 
ربي يسر أمورج ويرزقج الي تتمنينـــه
بس السمــوحـة منج السبب ابدا مب مقنــع ,,
ولو هذا الريال يحبـج حب شريــف ويبغــاج
يقدر يقنـع أهلــه ويتوكل على رب العالميـــن ^^
لو كان السبب خلق أو وزن مفرط ممكن قلنا ناس شكليين
بس وزنج لا هو مبالغ فيه ولا شي
وغاا هو مب قادر يقنــع أهلــه بهذا الشي الي وايد صغير ..
فما أعرف كيف بتكون علاقتــه معاج بعد الزواج !
هل بيدخـل أمه في كل صغيرة وكبيرة ^_^ ! …
رضى الوالدين شي مفروض ,, لكــن بما يرضي الله ^^
ولازم تكونين متأكدة أختي ان لو هذا نصيبج الي قدره لج رب العالمين
سواء بتدخل أهله أو أهلــج الزيجـة بتم لإن رب العالمين الي يقرر ومب العبـــاد ^_*
واذا ماكان من نصيبـج فالأمور بتتعســر ولازم تكونين على ثقـة ان رب العالمين يحبنــأ
ويختـــار خير الأمور لنــا ^_^
حتى لو ما شفناها ايجابية’ ,, لكن سبحانـه وتعالى علام الغيوب وأدرى بالي يناسبنــا
ولا تنسين الإستغفار غاليتي ,, وتعودين لسانـج على الذكر
ودعوات من قلبــج في ساعات الاستجابــة وخضوع لرب العالمين في الساعات الأخيرة من الليل
ان شاء الله كلها اشياء بتيسر أمورج باللي فيه الخير حقج
وعســب تنسين اي شخــص لازم تشغلين نفسج بكل شي تحبينــه
لكن بالبدايـة تشغلين عمرج باللي يرضي رب العالمين
والصلاة تنهى عن المنكـر حافظي عليها
وربي يقدم لج الي فيه الخير ^^
مشكلة الي تحب قبل الزواج
الله يعينج
ربي يرزقج الزوج الصالح يارب
وتأكدي ((وَعَسَى أَن تَكْرَهُواْ شَيْئًا وَهُوَ خَيْرٌ لَّكُمْ وَعَسَى أَن تُحِبُّواْ شَيْئًا وَهُوَ شَرٌّ لَّكُمْ))
كل شي نصيب
قال دبه قال وبعدين انا لو منج ماافكر فالموضوع ابدااان ماحب حد يقول عني جييه قبل الزواج
عيل بعد الزوااج شو راح يقولووون ..؟ حبيبتي عيشي حياتج يمكن هالشي خيره ولاتتضايجين
ماتعرفين حكمه ربج وييين ..؟؟والحمدلله وربي يشفيييج ويرزقج بعمه وحمياات وريل يقدرووونج لنفسج يارب