اشحالكم وعساكم بخير وعافييييييييييه …
دخيلكم الدعـــــــــــاء الخالص …!
موضوعي بمختصر مفيد …تقدم لخطبتي ولد عمي .. لديه جنسيه أحد مجلس التعاون الخليجي
عنده شغل ف الامارات أكثر من سنه لكن غير مثبت الى الآن راتبه لايزيد عن 3000
في بدايه الموضوع ابوي قال لي أن افكر في الموضوع ومافي شي بالغصب
أنا استخرت عده مرات وما ارتحت وفي الأخــــــير رفضت
لان كل المؤهلات للزواج ماتنطبق في حالة ولد عمي / لامنزل ولا شغل ثابت والراتب مايساعد يفتح بيت ..وفكرت في المستقبل العيال كيف بيكون حالتهم أبناء المواطنات !!!
المهم بعد الرفض …. أبوي زعل ومب راضي يكلمني أبدا …!!!!
أبي رايكم ومشورتكم شو أسوي في الوالد حتى بعد الرفض مصر على موقفه وزعله ..!! والزواج مب بـ الغصب ..
يزاكم الله خيـــر ..ودعواتكم لي
والله يعووووضج ان شاء الله ويوفقج
غاليتي 
ماخـاب من استخــار
لكـــن في ملاحظـة عن قرارج أختي
من متى كانت مؤهلات الزواج هي البيـت والشغل والراتب ؟ !!
" إذا جاءكم من ترضون دينـه وخلقـه فزوجــوه "
ومب من ترضون بيزاتـه أختي
الريـال ما ينعـاب بالأشيـــاء الي قلتيـــها ,, وبالعكس انتي لازم تساندينـه وتوقفيـن معاه خطوة خطوة ^_*
سبحـان الله يمكــن هذا الريال الي استحقرتي مكانتـه الماديـة الحين ,, يستوي أغنى من ما تتصوريـــن في المستقبـل وتقعديـن تتحسريـن ^^ !
ولا تنسين ان فقراء الدنيـــا أغنياء الجنـة ,, لعله كان بيكون سبب في دخولـج الجنـة
علـى العموم الوالـد شكله الولد كان داش خاطـــره ,, بس انتي رفضتي
وهذا الشي زعلـه اعذريـه أختي ^_^
اطلبي منه السمـاح وخبريـه اسباب الرفض يمكـن هو يقتنـع الله أعلم
وربي يهدينـا أجمعيــن
لأن زعل الوالدين وايد كبير وما يخليج مرتاحة أبدا
أدعي في صلواتج إن ربي يحنن قلب الوالد عليج ويرضى عنج
ابوج مب هاين عليه ولد اخوه
لكن مب انتي الضحيه
اصبري و لازم الوالد بيقتنع