اتمنى الي عندها فكرة عن هالموضوع تساعدني
خواتي انا حملت حملي الاول وكان طبيعي لحد ماوصلت اول الخامس تقريبا الاسبوع 17 كان عندي نزول ف المشيمة فجأه يتني كحة قوية تميت اكح وياني نزيف قوي وايد رحت الطوارى ماسولي شي قالوا كل شي تمام البيبي والنبض ورخصوني طبعا ثاني يوم خف النزيف لاكن يتني حمى وصلت 39 رحت المستشفى وبعد فحوصات الدم والبول قالوا فيج التهاب ف البول والمهبل وترقدت يومين ع المضاد وسولي صوره وكان كل شي تمام الحمدالله بس كان في دم ينزل وفي شي ينزل مثل الزلال وخذت ابرة تثبيت واليوم الثاني نشيت شفت الدم يزيد وكنت طول اليوم احس بثقل تحت و24 ساعه ع الحمام عزكم الله وفليل رحت الطوارئ وكانت الصدمة مافي ماي للبيبي طبعا انا بكر وماعرف ولا حسيت بشي ينزل بس يمكن كان ينزل مع النزيف ترقدت اسبوع وشوي ومافي فايدة الالتهاب يزيد ومافي ماي بس كانوا يقولولي الرحم مسكر
واخر شي قالولي الالتهاب وصل للمشيمة بتيج التصاقات او يمكن ماتحملين مره ثانية ووايد اشياء وانهولي الحمل بالحبوب لان كان وايد خطر ع صحتي ونزلت بنتي ميتة الله يرحمها و يخفف علي فراقها ويجعلها طير من طيور الجنه ..
طلعت بعدين نتيجة المشيمة وقالوا الالتهاب كان في المشيمة نفسها بعد.
والحمدالله الله رزقني بالحمل بعد 6 شهور والحين انا حامل
خواتي الي قرت قصتي ولها سابقة مثلي يليت تفيدني وخاصة خواتي الي يربطون في حد سوى ربط عشان سالفه مثل سالفتي ولا اغلب الربط يكون لقصر عنق الرحم.. في بنات نصحوني اربط ف هالحمل بسس عكلام الدكتورة ان حملي فتح الكيس بسبب الالتهابات فالحين انا محتارة اخاف ما اربط واندم واخاف اربط وتزيد الالتهابات ويصيرلي نفس قبل الله يخليكم الي مرت نفس تجربتي تنصحني
ادعولي بنات ان الله يثبت حملي هالمرة على خير ويشافيني ويعافيني
والحين انا فيني التهابات للاسف مع اني تعالجت لاكن ع كلام الدكتوره مناعتي وايد ضعيفه ف الحمل وبسرعة تيني الالتهابات محتاحة دعوة صادقة منكم ويارب يتمم حملي و لكل حامل حملها على خير يارب
والسموحة لاني طولت مالي غيركم خواتي
الله يثبت حملج يارب ،انا بعد مسوية ربط واعد الايام والاسابيع انها اتعدي على خير لان كم مرة عندي الربط انفتح ،وانا سمعت الالتهابات اتسبب الاجهاض ،الله ثبت حملي وحملج وحمل كل وحدة يارب العالمين
كثري شرب الماي وحطي ايدج على بطنج ورقي نفسج والجنين وان شاء الله يثبت حملج وتربين بالسلامه
الله يثبته ان شالله