عيشي حياتج واستمتعي واخشعي في عباداتج واذا قدرتي تحصلين وظيفة بعد وااايد زين عسب تملين وقتج او تسوين لج شغلة في البيت
الرياييل مامنهم امان وعرفت الحين انه ريلج مب قد كلمته اوخاين
ولاتطلبين الطلاق ولاشي
خلي الكرة في ملعبه يلعب مثل مايبغي وخله يقرر عكيفه
بغى يروح خله يروح بس قوليليه لاتتي عقب تصيح
وبها الطريقة افتكيتي من الصدعة والحنة خخخخ
لاتهملين عيالج ترى مالهم ذنب ولاتفكرين في الطلاق وانج تتزوجين مرة ثانية
الا خسي تفكرين تعطين الي بقى من عمرج حق ريال وتبهدلين اليهال انتبهي في ها النقطة
اعطي وقتج حق عيالج وعباداتج وحق شغلج اذا توظفت
وعليج بالاستغفار
ولاتشكين ابدا في قدراتج او تسمحين لحد انه يسمعج كلمة ويقلج انج انتي المقصرة
ردي عليهم انج انتي واثقة من نفسج (( في حالة انج مب مقصرة لكن لو فيه تقصير فيه كلام ثاني ))
فهمتي
حطي في بالج انتي احسن من الثانية بمليون مرة
خلج قوية وصلبة وطبعا القرار بيدج انتي وحدك اذا بغيت الطلاق او تعيشين معاه على حسب شو اتفقتوا قبل الزواج
مالت على رياييل ها الزمن غدارين وعقولهم صغيرة ومب قد كلمتهم في الاول يتمسكنون لين مايتمكنون وبعدين تطلعلهم القرون
تسلمين على موضوعج
في فرق بين الاثنين
الخاين …
اللي تزوج عليج
الأولى .. خان رب العالمين قبل خيانته لحرمته .. ويكفى انه سعى للحرام او زنا حتى لو بسماع صوت الساقطه
الثاني.. شرع الله وما نقدر نقول شي
في النهاية كوني ملكة بيتج .. ولا تخلين الريل أكبر همج ..
بالعكس طلعي وضحكي ولبسي .. وعيالج اهم شي .. لا تهملينهم ^_^
شاكرة لج
والله لا ييب هذا اليــوم علينا يارب
بس اختي الغالية نقطة صغيرة انتي حاطة في عنوان موضوعج ريلج تزوج عليج
وكاتـبة داخل في الموضوع انج انتي أحسن منها ,, وان الريال خاين
اذا اريال عرس على حرمتـــه ترى ما تعتبر خيانــة غاليتي ,, هذا شرع الله وهو يوم الحساب بنشوفه يا مايل بمشيته يا مستقيم الله العالم ^_^
وهي طبعا اذا حرمتة خذته على سنة الله ورسوله فما يستوي ان نحن نفضل نفسنا عنها
ماشي فرق بين الناس إلا في ايمانهم وعباداتهم وهذا الشي رب العالمين الي يقدره مب نحن 
أهم نقطة ان الحرمــة ما تشوف هذا الشي آخر المسار
وتعيش حياتها فيما يرضي الله
وتتنعم وتستغل الطاقات والقدرات الي رزقها رب العامين بها ^_*
وماتحبــط لإن الحياة حلوة مهما يستوي
ورب العالمين يبتلينا يوم يحبنا ^_^
لإته يبغى لنا الاجر الكثير
الله يسخرلنا رياييلنا يارب ^_^
المشاركة الأصلية كتبت بواسطة bellegirl 
والله لا ييب هذا اليــوم علينا يارب
بس اختي الغالية نقطة صغيرة انتي حاطة في عنوان موضوعج ريلج تزوج عليج
وكاتـبة داخل في الموضوع انج انتي أحسن منها ,, وان الريال خاين
اذا اريال عرس على حرمتـــه ترى ما تعتبر خيانــة غاليتي ,, هذا شرع الله وهو يوم الحساب بنشوفه يا مايل بمشيته يا مستقيم الله العالم ^_^
وهي طبعا اذا حرمتة خذته على سنة الله ورسوله فما يستوي ان نحن نفضل نفسنا عنها
ماشي فرق بين الناس إلا في ايمانهم وعباداتهم وهذا الشي رب العالمين الي يقدره مب نحن
أهم نقطة ان الحرمــة ما تشوف هذا الشي آخر المسار
وتعيش حياتها فيما يرضي الله
وتتنعم وتستغل الطاقات والقدرات الي رزقها رب العامين بها ^_*
وماتحبــط لإن الحياة حلوة مهما يستوي
ورب العالمين يبتلينا يوم يحبنا ^_^
لإته يبغى لنا الاجر الكثير
الله يسخرلنا رياييلنا يارب ^_^
بس في النهاية تعور
سواء كان زواج بالثانية او خيانة
لا تدققون وايد ^ـــــ^ لانه هدف الموضوع هو رفع معنويات الوحدة الي تنحط في الموقفين
والسموحة منكن
بس عاد يوم اتين للصدق بعض منهم اعوذ بالله ماينطاق موليه والبعض الثاني فديتهم والله ينحطون على الجرح يبرى
وريلي واحد منهم
بس لو بتين عند الحريم ترى والله الريايييييل اهون بوايد من الحريم
والله يهدي الجميع دون استثناء