ريلي بيسافر مع ربعه وقلبي مو مطمن

السلام عليكم ورحمة الله وبركاته
بدخل في الموضوع على طول
ريلي امس يقولي انا بروح البحرين مع ربعي قشته 3 ايام ونرجع
انا هني ماعرفت شو اقول انا مابيه يروح وبنفس الوقت مابي احرمه
بس شو معنى البحرين انا ابي اعرف الشباب شو شايفين في البحرين يعني والله مافيها زود
لو قالي قطر السعودية عمان مو مشكلة بس البحرين مدري قلبي مول مو مطمن مو لاني مو واثقة فيه لا لعدة اسباب هي
_ان اخوي رايح هناك ويقولي هناك كل شوي ايون بنات وحريم يدقون باب الغرفة يبون يقعدون معانا

_واذا قعدنا في كوفي ويشوفونا ان احنا مو من البلاد ايون عادي يقعدون معانا بكل وقاحة

_وبحرهم استغفر الله السيف يسمونه

-واعرف وحدة تقول الحريم يدقون من الفندق لريلي يبون ايون عنده حتى وانا معاه

_وقالي اخوي هناك عندهم عادي ندخل محل وحدة تبيع اتم تسولف معانا لين ماتاخذ الرقم الا انتو من وين وشو تشتغل وشو اسمك وكم عمرك واتم تتضاحك وتسوي حركات

_ووااااااايد منتشر بين الشباب ان البحرين بانكوك الثانية

المهم يابنات انا خايفة وايد وبنفس الوقت ماقدر احرمه
اذا ماخفت منه اخاف من شيطانه اخاف ريله تاخذ على المكان وقلبه ينفتن في بنات الهوى
واخاف من ربعه لاني ما اعرف طينتهم

بنات انا ما الفت الكلام من عندي انا هالكلام واثقة فيه مليون في المية
وملاحظة انا ماحددت جنسيات الحريم والبنات فرجاء مابي حساسية من هالجانب
لاني ماعرف جنسياتهم

مشورتكم حبيباتي بشو تنصحوني

ما ادري بس ريلج من اي نوع من الرجال يعني لعاب ؟؟؟؟؟

الله يهديهم ويبعدهم عن كل هاذي الأشياء
الصراحه أنا مستغربه شباب هاالأيام ما يصدقون يلقون فرصه سارو البحرين

دام ريلج مب راعي هالسوالف لا اتحطين افبالج انه بيتمصخ اهناك / تعالي شوفي بلادنا وبتعرفين ان في كل بقعه من بقاع الارض شي وسائل للخراب ، بس اللي امحاسب ع نفسه طبعاً ما بيلتفت صوب هالسوالف ، صلي استخارة حبيبتي وشوفي كيف بتمشي الامور ، شوفي قوليله لااتسافر ومن هالكلام واذا شفتيه ملزم ويلسته بتسويلج مشاكل مالها أول ولا تالي ، خليه يسير واتوكلي على رب العالمين ، وقوليله اذا سويت شي وافبالك انا مااشوفك اترا ربنا يشوفك وسبحان الله ، واذا بيسير قوليله واحد من الاهل بيسير في هالفترة عشان يزيغ ان حد بيشوفه يسوي شي غلط .

وربي يحفظكم .

واااااااااي صدق البحرين جي
والله اني مادري
انا ريلي سار مع اخويه واخوه وحد من ربعهم
لو كنت ادري ما كنت بخليه….مع اني ما اروم امشي كلمتي عليه هههه
بس الحمدلله ما تمو وايد يومين وردو …
وانتي حبيبتي لاتضايجين بعمرج. دامج واثقة ف ريلج خلي يروح بس كل اشوي اتصلي فيه..
لا تخلينه ياخذ راحته هههههه…لا امزح وياج
المهم مثل ما قالت الاخت ان الريال لو يبي يغلط ترى الخير ف بلادنا..
موفقة

الغاليه اذا مب مرتاحه افتحي وياه الموضوع وقولي له حبيبي انا ماباك تسافر روحك اجل هالسفره وخلنا نسافر سوا…..يعني اهم شي راحتج بعد هو يسافر وانتي اتميين متحرقصه وزايغه وتفكريين بتتعبين والله…انا حاسه فيج….حاولي وياه بس بأسلوب حلو من دوون مشاكل او زعل….لأنه مشكلتج تعرفيين شو هناك وبتميين طوول الوقت تفكرين ومب زين التفكير وايد ترا….وقولي له انه هناك منتشره الأمراض وخصه في فنادقهم صدق هالكلام ترا…وتخافيين عليه ومن هالكلام..واذا ما طاع وكلي امرج لرب العالميين وادعي كل يوم واستغفري اكثري من الإستغفار عشان ربج يبعد عنه بنات الحرام

إلا هم 3 أيام لا تعقدين السالفة خلي يسافر عشان يحس بقيمتج .. تراج بتكونين معاه على الاتصال دوم و حسسي بالثقة عشان يقدرج ويحترمج .. ويحس انج انتي راحته مب تسكرين عليه كل الابواب و تحسسينه بهذا الشعور وهو عدم الثقة كل ما فكر يسافر