ريلي وربيعه السوء 2024.

السلام عليكم ورحمة الله وبركاته
خواتي والله ماعرف من وين أبدى شو اقول بس رريلي بدى يتغير
فترة الملجه كنت احسه وايد يحبني ويدلعني حتى أنا كنت اهتم بعد فيه
بس من بعد الزواج بدينا نتضارب وونتزاعل من بعض ع اسباب تافه هو يقولي انه كل ريال في بداية زواجه تستوي بينه وبين زوجته مشاكل بس أنا بدى الحين الشك وقلت الثقه تقل من صوبهوالمشكله ومافيها انه بدى يقولي كلام يخوفني منه ومن المستقبل الي بعيشه وياه كل وحده فيكم تحط نفسها مكاني وتقول شو بيكون ردت فعلها اذاقاللها انه هو يعرف ريال متزوج 4 حريم ومرتاح وكل وحده فيهم تشتغل وعقب يقول حلو التنويع بصراحه أنا حسيت بغصه كبيره وزاعلت بس راضاني وقالي هو مستحيل يسويها بس من فتره رد يقولي عن ربيعه وانه متزوج ويرمس بنات والبنت من كثر الوله كل شوي تتصل فيه وحرمته ماتعرف أنا عصبت ومارمسته حسيت ان ربيعه اثر عليه وعادي عنده هو بعد يتسلى شرات ربيعه جان يطرشلي انه هو يلوم ربعه الي متزوجين و يرمسون بنات بس العيب من الحرمه الي بعد الزواج تتغير ع ريلها وماتسمعه كلام حلو يونسه عقب قالي حتى انتي حسيت بغصه كبيره لانه الله الشاهد عليه ماقصرت فيه بس مرات اكون مالي بارض ابادله بنات أنا زعلانه منه وماابا ارمسه خلاص مب قادره لانه قالي كلام وايد حتى مب قادره اغصب عمري ورد ع اتصالاته بصراحه عرفت شو مستقبلي وياه دام هذا تفكيره من الحين حتى لو يحبني بس بيدور ع غيري حسبي الله ونعم الوكيل بربع السوء

لا حول ولا قوةى إلا بالله

غاليتي الي متزوج 4 ما يعتبر رفيق سوء

لكن الي يحرضه على الحرام هذا رفيق السوء ..

انتي بعدج في بداية الزواج واحتمال ريلج يقولج هالكلام بس يجربج

حاولي تكونين جدية وفي نفس الوقت واثقـة من نفسج

تحكمي في مشاعرج بالطريقة الي تناسبج أختي

وكلمي ريلج بخصوص الي مزعلج يمكن هو ما يعرف شكثر هذا الشي يأثر عليج ..

و ربي يوفقج أختي

في حديث سهل بن سعد مرفوعاً إلى النبي صلى الله عليه وسلم:

ثنتان ما تردان :

( الدعاء عند النداء وتحت المطر )

رواه أبو داود وصححه الألباني في صحيح الجامع (3078 ).

حبيبتي الله يرده لج رد جميل ياارب

بس نصيحه مني خلج هاديه واخذي الامور بعقلانيه اكثر
مافي ريال بنيته الزواج وبيخبر حرمته بهالشي صدقيني

ثاني شي النقاشات مثل هاي خصوصا ببداية الزواج شي عادي ومب دليل على انه بالمستقبل بيكون شي اكبر
اهم شي انتي لا توترين عمرج وتكدرين جو بيتج بس لان ربع ريلج معرسين ويرمسون بنات او غيره
اصابعج مب سوى
انا صار لي خمس سنين معرسه وما اقولج ببداية زواجي عن كم الضرايب فاليوم
بس عقب غيرت اسلوبي لاني لاحظت كلما ابين غيرتي لريلي كل ما هو غثني اكثر
بس الحمد لله من اربع سنين ما اقولج عن العلاقه اللي بيني وبينه الحمد لله والله الكل يحسدني
وحتى حريم اخواني اتبعوا نفس اسلوبي
اهم شي الهدوء ولا تبينين عصبيتج وخلج واااااااااثقه بعمرج
وحسسيه انه حتى لو فكر انه يرمس غيرج او يعرس ما بيحصل حرمه شراتج تفهمه
مب اي شي يهزها
رمسي ريلج واكسبيه دايما باهتمامج بنفسج وفيه وفبيتج خلج دايما تووب فنظره حتى برمستج عن غيرج

واخذي قاعده الرياييل ما يدانون شي اسمه نكد
خلج دوووم مبتسمه وبتلاحظين الفرق بحياتج

حافظي على علاقتج بربج اكثر وخليها قويه صدقيني رب العالمين ما بيخليج دقيقه
^^

حبيبتي انتي ليش مكبره الموضوع أنا خائفه من زود غيرتج تنقلب ضدج ،،،، حبيبتي لا تمين تحنين ع ريلج ،،، اذا ربيعه عرس ٤ مرات فهو بكيفه نحن مالنا خص بغيرنا،،،، خليج واثقه من نفسج وقويه ،،، مب تتاثرين من كلمتين،،، الله يوفقكم يابعدي *

خواتي مشكورات ع الرد بس أنا اقصد ربعه الي متزوجين ويرمسون بنات
يحلون هالشي بعينه أنا بصراحه مصدومه انه قدر يقولي هالكلام
والي متزوج اربع أنا اقصد رد ريلي يوم قال حلاته التنويع معنه أنا مب مقصره لا بلبس ودلع بس أنا خبرته الرياييل مايملي عينهم غير التراب
الله كريم

حبيبتي بعدك ببداية حياتك والصراحة أقول أنت غلطانة بنظرتك وتصرفك بدل ما تكسبية بحسن العشرة

تبتعدي عنة ومشاعرك تتغير هذا أكبر غلط لو بدققي بكل كلمة وتصرف بتكون حياتك نكد

حبيبتي بين الخوات تحدث مشاكل وهذة سنة الحياة والحياة الزوجية لا تختلف عن آي علاقة بالدنيا

لكن الأنسان العاقل ما يخلي كدرات الحياة تؤثر علية

كوني وثقة بروحك وسعدي نفسك ولا تخلي كلام يدخلك بزعل وديق الحياة نحن من نملكها ومحسوبة علينا

البهجة نحن من نصنعها لا تأتي لنا خليك مثل الوردة يفوح عطرها بكل مكان ولا يمكن من يمر صوبها

لا يشم عطرها كوني بشوشة متجددة أصنعي أجواء لحياتك تجعل زوجك يقول أنك غير

لا تنتظري العطاء من زوجك بأول حياتك أنت بمرحلة التأسيس وهذا يحتاج منك جهد مضاعف

لكن النتاج سوف يكون لصالحك أتمني تكوني فهمت الدور المطلوب منك

ولا تضيعي حياتك بالتفكير السلبي تفائل بالخير تجدوة

وستعيني بالله بالدعاء وهو نعم المولي ونعم النصير

بالتوفيق لج