بنات انا حامل فالشهر التاسع .. فزيارتي الروتينية خذو مني عينة بول .. وقالت لي الدكتورة عندي زلال يعني بروتين فالبول .. وانا كنت الاحظ انه البول صاير لونه غامج .. وريحته قويه بس ماكنت اعرف من شو .. وعطتني علبه اجمع البول 24 ساعه بس جمعته حتى ماقدرت اترس العلبه مادري وين يروح الماي الي اشربه
فالشهر 4 كانت كليتي اليمنى تعورني وايد ويوم دخلت 6 اختفى الالم ..
مع العلم اني اشرب ماي وايد
وزن البيبي 2700 وقالت كل شي طبيعي
سوالي بنات هل الزلال يعني تسمم حمل .. هاي اول مرة اكون حامل وايد خايفة بليز ساعدوني
وممكن جسمج بعد بس الحمدللة انة ما اثر عليج ولا كانوا نبهوج انة في خطر عليج وانتي الحين في الشهر التاسع يعني جريب تربين وبيروح كل هذا وانا صارلي زلال في حملي الاول وراح كل شي اما بخصوص كليتج لازم اتشيكين وزيدي من شرب الماي الله يسهل علينا
استولي في الشهر التاسع ووصل تقريبا 4 واصرت الدكتورة تولدني
ورحت لاكثر من عيادة وكلهم قالو لي نفس الرمسة
وتوكلت على الله ودخلت المستشفى وعطتني الدكتورة طلق وربيت بسهالة
والحمدلله
المشاركة الأصلية كتبت بواسطة ام حمده 77 
استولي في الشهر التاسع ووصل تقريبا 4 واصرت الدكتورة تولدني
ورحت لاكثر من عيادة وكلهم قالو لي نفس الرمسة
وتوكلت على الله ودخلت المستشفى وعطتني الدكتورة طلق وربيت بسهالة
والحمدلله
انا ماتابع وايد فالمستشفيات كل شهر مرة وحده اروح
بس انا ماحس بشي غير طبيعي غير لون لون البول
وكان عندي انتفاخ وراح
يعني اروح الطواري